ఋగ్వేదసంహితాయాం సప్తమం మండలం, షడశీతితమం సూక్తం .
ఋషిః - వసిష్ఠః, దేవతా - వరుణః, ఛందః - 1, 3-5, 8 నిచృత్త్రిష్టుప్,
2, 7 విరాట్త్రిష్టుప్, 6 ఆర్షీత్రిష్టుప్, స్వరః - ధైవతః .
ధీరా॒ త్వ॑స్య మహి॒నా జ॒నూంషి॒ వి యస్త॒స్తంభ॒ రోద॑సీ చిదు॒ర్వీ .
ప్ర నాక॑మృ॒ష్వం ను॑నుదే బృ॒హంతం॑ ద్వి॒తా నక్ష॑త్రం ప॒ప్రథ॑చ్చ॒ భూమ॑ .. 7.086.01
ఉ॒త స్వయా॑ త॒న్వా॒3॒॑ సం వ॑దే॒ తత్క॒దా న్వ1॒॑న్తర్వరు॑ణే భువాని .
కిం మే॑ హ॒వ్యమహృ॑ణానో జుషేత క॒దా మృ॑ళీ॒కం సు॒మనా॑ అ॒భి ఖ్యం॑ .. 7.086.02
పృ॒చ్ఛే తదేనో॑ వరుణ ది॒దృక్షూపో॑ ఏమి చికి॒తుషో॑ వి॒పృచ్ఛం॑ .
స॒మా॒నమిన్మే॑ క॒వయ॑శ్చిదాహుర॒యం హ॒ తుభ్యం॒ వరు॑ణో హృణీతే .. 7.086.03
కిమాగ॑ ఆస వరుణ॒ జ్యేష్ఠం॒ యత్స్తో॒తారం॒ జిఘాం॑ససి॒ సఖా॑యం .
ప్ర తన్మే॑ వోచో దూళభ స్వధా॒వోఽవ॑ త్వానే॒నా నమ॑సా తు॒ర ఇ॑యాం .. 7.086.04
అవ॑ ద్రు॒గ్ధాని॒ పిత్ర్యా॑ సృజా॒ నోఽవ॒ యా వ॒యం చ॑కృ॒మా త॒నూభిః॑ .
అవ॑ రాజన్పశు॒తృపం॒ న తా॒యుం సృ॒జా వ॒త్సం న దామ్నో॒ వసి॑ష్ఠం .. 7.086.05
న స స్వో దక్షో॑ వరుణ॒ ధ్రుతిః॒ సా సురా॑ మ॒న్యుర్వి॒భీద॑కో॒ అచి॑త్తిః .
అస్తి॒ జ్యాయా॒న్కనీ॑యస ఉపా॒రే స్వప్న॑శ్చ॒నేదనృ॑తస్య ప్రయో॒తా .. 7.086.06
అరం॑ దా॒సో న మీ॒ళ్హుషే॑ కరాణ్య॒హం దే॒వాయ॒ భూర్ణ॒యేఽనా॑గాః .
అచే॑తయద॒చితో॑ దే॒వో అ॒ర్యో గృత్సం॑ రా॒యే క॒విత॑రో జునాతి .. 7.086.07
అ॒యం సు తుభ్యం॑ వరుణ స్వధావో హృ॒ది స్తోమ॒ ఉప॑శ్రితశ్చిదస్తు .
శం నః॒ క్షేమే॒ శము॒ యోగే॑ నో అస్తు యూ॒యం పా॑త స్వ॒స్తిభిః॒ సదా॑ నః .. 7.086.08
స్వరరహితం .
ధీరా త్వస్య మహినా జనూంషి వి యస్తస్తంభ రోదసీ చిదుర్వీ .
ప్ర నాకమృష్వం నునుదే బృహంతం ద్వితా నక్షత్రం పప్రథచ్చ భూమ .. 7.086.01
ఉత స్వయా తన్వా3 సం వదే తత్కదా న్వ1న్తర్వరుణే భువాని .
కిం మే హవ్యమహృణానో జుషేత కదా మృళీకం సుమనా అభి ఖ్యం .. 7.086.02
పృచ్ఛే తదేనో వరుణ దిదృక్షూపో ఏమి చికితుషో విపృచ్ఛం .
సమానమిన్మే కవయశ్చిదాహురయం హ తుభ్యం వరుణో హృణీతే .. 7.086.03
కిమాగ ఆస వరుణ జ్యేష్ఠం యత్స్తోతారం జిఘాంససి సఖాయం .
ప్ర తన్మే వోచో దూళభ స్వధావోఽవ త్వానేనా నమసా తుర ఇయాం .. 7.086.04
అవ ద్రుగ్ధాని పిత్ర్యా సృజా నోఽవ యా వయం చకృమా తనూభిః .
అవ రాజన్పశుతృపం న తాయుం సృజా వత్సం న దామ్నో వసిష్ఠం .. 7.086.05
న స స్వో దక్షో వరుణ ధ్రుతిః సా సురా మన్యుర్విభీదకో అచిత్తిః .
అస్తి జ్యాయాన్కనీయస ఉపారే స్వప్నశ్చనేదనృతస్య ప్రయోతా .. 7.086.06
అరం దాసో న మీళ్హుషే కరాణ్యహం దేవాయ భూర్ణయేఽనాగాః .
అచేతయదచితో దేవో అర్యో గృత్సం రాయే కవితరో జునాతి .. 7.086.07
అయం సు తుభ్యం వరుణ స్వధావో హృది స్తోమ ఉపశ్రితశ్చిదస్తు .
శం నః క్షేమే శము యోగే నో అస్తు యూయం పాత స్వస్తిభిః సదా నః .. 7.086.08
No comments:
Post a Comment