ఋగ్వేదసంహితాయాం సప్తమం మండలం, 7.54;1-3, 7.55;1,
ఋగ్వేదసంహితాయాం అష్టమం మండలం, 8.017.14.
వాస్తో॑ష్పతే॒ ప్రతి॑ జానీహ్య॒స్మాన్స్వా॑వే॒శో అ॑నమీ॒వో భ॑వా నః .
యత్త్వేమ॑హే॒ ప్రతి॒ తన్నో॑ జుషస్వ॒ శం నో॑ భవ ద్వి॒పదే॒ శం చతు॑ష్పదే .. 7.054.01
వాస్తో॑ష్పతే ప్ర॒తర॑ణో న ఏధి గయ॒స్ఫానో॒ గోభి॒రశ్వే॑భిరిందో .
అ॒జరా॑సస్తే స॒ఖ్యే స్యా॑మ పి॒తేవ॑ పు॒త్రాన్ప్రతి॑ నో జుషస్వ .. 7.054.02
వాస్తో॑ష్పతే శ॒గ్మయా॑ సం॒సదా॑ తే సక్షీ॒మహి॑ ర॒ణ్వయా॑ గాతు॒మత్యా॑ .
పా॒హి క్షేమ॑ ఉ॒త యోగే॒ వరం॑ నో యూ॒యం పా॑త స్వ॒స్తిభిః॒ సదా॑ నః .. 7.054.03
అ॒మీ॒వ॒హా వా॑స్తోష్పతే॒ విశ్వా॑ రూ॒పాణ్యా॑వి॒శన్ .
సఖా॑ సు॒శేవ॑ ఏధి నః .. 7.055.01
వాస్తో॑ష్పతే ధ్రు॒వా స్థూణాంస॑త్రం సో॒మ్యానాం॑ .
ద్ర॒ప్సో భే॒త్తా పు॒రాం శశ్వ॑తీనా॒మింద్రో॒ మునీ॑నాం॒ సఖా॑ .. 8.017.14
స్వరరహితం .
వాస్తోష్పతే ప్రతి జానీహ్యస్మాన్స్వావేశో అనమీవో భవా నః .
యత్త్వేమహే ప్రతి తన్నో జుషస్వ శం నో భవ ద్విపదే శం చతుష్పదే .. 7.054.01
వాస్తోష్పతే ప్రతరణో న ఏధి గయస్ఫానో గోభిరశ్వేభిరిందో .
అజరాసస్తే సఖ్యే స్యామ పితేవ పుత్రాన్ప్రతి నో జుషస్వ .. 7.054.02
వాస్తోష్పతే శగ్మయా సంసదా తే సక్షీమహి రణ్వయా గాతుమత్యా .
పాహి క్షేమ ఉత యోగే వరం నో యూయం పాత స్వస్తిభిః సదా నః .. 7.054.03
అమీవహా వాస్తోష్పతే విశ్వా రూపాణ్యావిశన్ .
సఖా సుశేవ ఏధి నః .. 7.055.01
వాస్తోష్పతే ధ్రువా స్థూణాంసత్రం సోమ్యానాం .
ద్రప్సో భేత్తా పురాం శశ్వతీనామింద్రో మునీనాం సఖా .. 8.017.14
No comments:
Post a Comment