ఆ త్వా॑హార్షమం॒తరే॑ధి ధ్రు॒వస్తి॒ష్ఠావి॑చాచలిః .
విశ॑స్త్వా॒ సర్వా॑ వాంఛంతు॒ మా త్వద్రా॒ష్ట్రమధి॑ భ్రశత్ .. 10.173.01
ఇ॒హైవైధి॒ మాప॑ చ్యోష్ఠాః॒ పర్వ॑త ఇ॒వావి॑చాచలిః .
ఇంద్ర॑ ఇవే॒హ ధ్రు॒వస్తి॑ష్ఠే॒హ రా॒ష్ట్రము॑ ధారయ .. 10.173.02
ఇ॒మమింద్రో॑ అదీధరద్ ధ్రు॒వం ధ్రు॒వేణ॑ హ॒విషా॑ .
తస్మై॒ సోమో॒ అధి॑ బ్రవ॒త్తస్మా॑ ఉ॒ బ్రహ్మ॑ణ॒స్పతిః॑ .. 10.173.03
ధ్రు॒వా ద్యౌర్ధ్రు॒వా పృ॑థి॒వీ ధ్రు॒వాసః॒ పర్వ॑తా ఇ॒మే .
ధ్రు॒వం విశ్వ॑మి॒దం జగ॑ద్ ధ్రు॒వో రాజా॑ వి॒శామ॒యం .. 10.173.04
ధ్రు॒వం తే॒ రాజా॒ వరు॑ణో ధ్రు॒వం దే॒వో బృహ॒స్పతిః॑ .
ధ్రు॒వం త॒ ఇంద్ర॑శ్చా॒గ్నిశ్చ॑ రా॒ష్ట్రం ధా॑రయతాం ధ్రు॒వం .. 10.173.05
ధ్రు॒వం ధ్రు॒వేణ॑ హ॒విషా॒భి సోమం॑ మృశామసి .
అథో॑ త॒ ఇంద్రః॒ కేవ॑లీ॒ర్విశో॑ బలి॒హృత॑స్కరత్ .. 10.173.06
అ॒భీ॒వ॒ర్తేన॑ హ॒విషా॒ యేనేంద్రో॑ అభివావృ॒తే .
తేనా॒స్మాన్బ్ర॑హ్మణస్పతేఽ॒భి రా॒ష్ట్రాయ॑ వర్తయ .. 10.174.01
అ॒భి॒వృత్య॑ స॒పత్నా॑న॒భి యా నో॒ అరా॑తయః .
అ॒భి పృ॑త॒న్యంతం॑ తిష్ఠా॒భి యో న॑ ఇర॒స్యతి॑ .. 10.174.02
అ॒భి త్వా॑ దే॒వః స॑వి॒తాభి సోమో॑ అవీవృతత్ .
అ॒భి త్వా॒ విశ్వా॑ భూ॒తాన్య॑భీవ॒ర్తో యథాస॑సి .. 10.174.03
యేనేంద్రో॑ హ॒విషా॑ కృ॒త్వ్యభ॑వద్ ద్యు॒మ్న్యుత్త॒మః .
ఇ॒దం తద॑క్రి దేవా అసప॒త్నః కిలా॑భువం .. 10.174.04
అ॒స॒ప॒త్నః స॑పత్న॒హాభిరా॑ష్ట్రో విషాస॒హిః .
యథా॒హమే॑షాం భూ॒తానాం॑ వి॒రాజా॑ని॒ జన॑స్య చ .. 10.174.05
No comments:
Post a Comment