భాగ్యసూక్తం అథవా ప్రాతః సూక్తం

ఋగ్వేదసంహితాయాం సప్తమం మండలం, ఏకచత్వారింశం సూక్తం .

ఋషిః - వసిష్ఠః, దేవతా- 1 లోంగోక్తాః, 2-6 భగః, 7 ఉషాః,

ఛందః - 1 నిచృజ్జగతీ, 2, 3, 5, 7, నిచృత్రిష్టుప్, 4 పంక్తిః, 6 త్రిష్టుప్

స్వరః - 1 నిషాదః, 2, 3, 5-7 ధైవతః, 4 పంచమః .

ప్రా॒తర॒గ్నిం ప్రా॒తరింద్రం᳚ హవామహే ప్రా॒తర్మి॒త్రావరు॑ణా ప్రా॒తర॒శ్వినా᳚ .

ప్రా॒తర్భగం᳚ పూ॒షణం॒ బ్రహ్మ॑ణ॒స్పతిం᳚ ప్రా॒తః సోమ॑ము॒త రు॒ద్రం హు॑వేమ .. 7.041.01

ప్రా॒త॒ర్జితం॒ భగ॑ము॒గ్రం హు॑వేమ వ॒యం పు॒త్రమది॑తే॒ర్యో వి॑ధ॒ర్తా .

ఆ॒ధ్రశ్చి॒ద్యం మన్య॑మానస్తు॒రశ్చి॒ద్రాజా᳚ చి॒ద్యం భగం᳚ భ॒క్షీత్యాహ॑ .. 7.041.02

భగ॒ ప్రణే᳚త॒ర్భగ॒ సత్య॑రాధో॒ భగే॒మాం ధియ॒ముద॑వా॒ దద᳚న్నః .

భగ॒ ప్ర ణో᳚ జనయ॒ గోభి॒రశ్వై॒ర్భగ॒ ప్ర నృభి॑ర్నృ॒వంతః॑ స్యామ .. 7.041.03

ఉ॒తేదానీం॒ భగ॑వంతః స్యామో॒త ప్ర॑పి॒త్వ ఉ॒త మధ్యే॒ అహ్నాం᳚ .

ఉ॒తోది॑తా మఘవ॒న్సూర్య॑స్య వ॒యం దే॒వానాం᳚ సుమ॒తౌ స్యా᳚మ .. 7.041.04

భగ॑ ఏ॒వ భగ॑వాఀ అస్తు దేవా॒స్తేన॑ వ॒యం భగ॑వంతః స్యామ .

తం త్వా᳚ భగ॒ సర్వ॒ ఇజ్జో᳚హవీతి॒ స నో᳚ భగ పురఏ॒తా భ॑వే॒హ .. 7.041.05

సమ॑ధ్వ॒రాయో॒షసో᳚ నమంత దధి॒క్రావే᳚వ॒ శుచ॑యే ప॒దాయ॑ .

అ॒ర్వా॒చీ॒నం వ॑సు॒విదం॒ భగం᳚ నో॒ రథ॑మి॒వాశ్వా᳚ వా॒జిన॒ ఆ వ॑హంతు .. 7.041.06

అశ్వా᳚వతీ॒ర్గోమ॑తీర్న ఉ॒షాసో᳚ వీ॒రవ॑తీః॒ సద॑ముచ్ఛంతు భ॒ద్రాః .

ఘృ॒తం దుహా᳚నా వి॒శ్వతః॒ ప్రపీ᳚తా యూ॒యం పా᳚త స్వ॒స్తిభిః॒ సదా᳚ నః .. 7.041.07

(యో మా᳚ఽగ్నే భా॒గినగం సంతమథా॑భా॒గం చికీ॑ఋషతి .

అభా॒గమ॑గ్నే॒ తం కు॑రు॒ మామ॑గ్నే భా॒గినం॑ కురు ..

ఓం శాంతిః॒ శాంతిః॒ శాంతిః॑ .)

స్వరరహితం .

ప్రాతరగ్నిం ప్రాతరింద్రం హవామహే ప్రాతర్మిత్రావరుణా ప్రాతరశ్వినా .

ప్రాతర్భగం పూషణం బ్రహ్మణస్పతిం ప్రాతః సోమముత రుద్రం హువేమ .. 7.041.01

ప్రాతర్జితం భగముగ్రం హువేమ వయం పుత్రమదితేర్యో విధర్తా .

ఆధ్రశ్చిద్యం మన్యమానస్తురశ్చిద్రాజా చిద్యం భగం భక్షీత్యాహ .. 7.041.02

భగ ప్రణేతర్భగ సత్యరాధో భగేమాం ధియముదవా దదన్నః .

భగ ప్ర ణో జనయ గోభిరశ్వైర్భగ ప్ర నృభిర్నృవంతః స్యామ .. 7.041.03

ఉతేదానీం భగవంతః స్యామోత ప్రపిత్వ ఉత మధ్యే అహ్నాం .

ఉతోదితా మఘవన్సూర్యస్య వయం దేవానాం సుమతౌ స్యామ .. 7.041.04

భగ ఏవ భగవాఀ అస్తు దేవాస్తేన వయం భగవంతః స్యామ .

తం త్వా భగ సర్వ ఇజ్జోహవీతి స నో భగ పురఏతా భవేహ .. 7.041.05

సమధ్వరాయోషసో నమంత దధిక్రావేవ శుచయే పదాయ .

అర్వాచీనం వసువిదం భగం నో రథమివాశ్వా వాజిన ఆ వహంతు .. 7.041.06

అశ్వావతీర్గోమతీర్న ఉషాసో వీరవతీః సదముచ్ఛంతు భద్రాః .

ఘృతం దుహానా విశ్వతః ప్రపీతా యూయం పాత స్వస్తిభిః సదా నః .. 7.041.07

(యో మాఽగ్నే భాగినగం సంతమథాభాగం చికీఋషతి .

అభాగమగ్నే తం కురు మామగ్నే భాగినం కురు ..

ఓం శాంతిః శాంతిః శాంతిః .)

ఋగ్వేదసంహితాయాం అష్టమం మండలం, సప్తచత్వారింశం సూక్తం .

ఋషిః - వసిష్ఠః, దేవతా- 14-18 ఆదిత్యాఉషాశ్చ,

ఛందః - 15, 16, 18,భురిక్త్రిష్టుప్, 17 స్వరాట్త్రిష్టుప్, 14 త్రిష్తుప్

స్వరః - 14-18 ధైవతః .

యచ్చ॒ గోషు॑ దు॒ష్ష్వప్న్యం॒ యచ్చా॒స్మే దు॑హితర్దివః .

త్రి॒తాయ॒ తద్వి॑భావర్యా॒ప్త్యాయ॒ పరా॑ వహానే॒హసో॑ వ ఊ॒తయః॑ సుఊ॒తయో॑ వ ఊ॒తయః॑ .. 8.047.14

ని॒ష్కం వా॑ ఘా కృ॒ణవ॑తే॒ స్రజం॑ వా దుహితర్దివః .

త్రి॒తే దు॒ష్ష్వప్న్యం॒ సర్వ॑మా॒ప్త్యే పరి॑ దద్మస్యనే॒హసో॑ వ ఊ॒తయః॑ సుఊ॒తయో॑ వ ఊ॒తయః॑ .. 8.047.15

తద॑న్నాయ॒ తద॑పసే॒ తం భా॒గము॑పసే॒దుషే॑ .

త్రి॒తాయ॑ చ ద్వి॒తాయ॒ చోషో॑ దు॒ష్ష్వప్న్యం॑ వహానే॒హసో॑ వ ఊ॒తయః॑ సుఊ॒తయో॑ వ ఊ॒తయః॑ .. 8.047.16

యథా॑ క॒లాం యథా॑ శ॒ఫం యథ॑ ఋ॒ణం సం॒నయా॑మసి .

ఏ॒వా దు॒ష్ష్వప్న్యం॒ సర్వ॑మా॒ప్త్యే సం న॑యామస్యనే॒హసో॑ వ ఊ॒తయః॑ సుఊ॒తయో॑ వ ఊ॒తయః॑ .. 8.047.17

అజై॑ష్మా॒ద్యాస॑నామ॒ చాభూ॒మానా॑గసో వ॒యం .

ఉషో॒ యస్మా॑ద్దు॒ష్ష్వప్న్యా॒దభై॒ష్మాప॒ తదు॑చ్ఛత్వనే॒హసో॑ వ ఊ॒తయః॑ సుఊ॒తయో॑ వ ఊ॒తయః॑ .. 8.047.18

ఋగ్వేదసంహితాయాం దశమం మండలం, చతుఃషష్ట్యుత్తరశతతమం సూక్తం .

ఋషిః - ప్రచేతాః, దేవతా దుఃస్వప్నఘ్నం,

ఛందః - 5 పంక్తిః, స్వరః - 5 పంచమః .

అజై॑ష్మా॒ద్యాస॑నామ॒ చాభూ॒మానా॑గసో వ॒యం .

జా॒గ్ర॒త్స్వ॒ప్నః సం॑క॒ల్పః పా॒పో యం ద్వి॒ష్మస్తం స ఋ॑చ్ఛతు॒ యో నో॒ ద్వేష్టి॒ తమృ॑చ్ఛతు .. 10.164.05

హరిః ఓం .

స్వరరహితం .

యచ్చ గోషు దుష్ష్వప్న్యం యచ్చాస్మే దుహితర్దివః .

త్రితాయ తద్విభావర్యాప్త్యాయ పరా వహానేహసో వ ఊతయః సుఊతయో వ ఊతయః .. 8.047.14

నిష్కం వా ఘా కృణవతే స్రజం వా దుహితర్దివః .

త్రితే దుష్ష్వప్న్యం సర్వమాప్త్యే పరి దద్మస్యనేహసో వ ఊతయః సుఊతయో వ ఊతయః .. 8.047.15

తదన్నాయ తదపసే తం భాగముపసేదుషే .

త్రితాయ చ ద్వితాయ చోషో దుష్ష్వప్న్యం వహానేహసో వ ఊతయః సుఊతయో వ ఊతయః .. 8.047.16

యథా కలాం యథా శఫం యథ ఋణం సంనయామసి .

ఏవా దుష్ష్వప్న్యం సర్వమాప్త్యే సం నయామస్యనేహసో వ ఊతయః సుఊతయో వ ఊతయః .. 8.047.17

అజైష్మాద్యాసనామ చాభూమానాగసో వయం .

ఉషో యస్మాద్దుష్ష్వప్న్యాదభైష్మాప తదుచ్ఛత్వనేహసో వ ఊతయః సుఊతయో వ ఊతయః .. 8.047.18

అజైష్మాద్యాసనామ చాభూమానాగసో వయం .

జాగ్రత్స్వప్నః సంకల్పః పాపో యం ద్విష్మస్తం స ఋచ్ఛతు యో నో ద్వేష్టి తమృచ్ఛతు .. 10.164.05

హరిః ఓం .