సర్పసూక్తం 1

నమోఽస్తు సర్పేభ్యో యే కే చ పృథివిమను .

యే అంతరిక్షే యే దివి తేభ్యః సర్పేభ్యో నమః .. 1..

యేఽదో రోచనే దివో యే వా సూర్యస్య రశ్మిషు .

యేషామప్సూషదః కృతం తేభ్యః సర్పేభ్యో నమః .. 2..

యా ఇషవో యాతుధానానాం యే వా వనస్పతీం+ రను .

యే వాఽవటేషు శేరతే తేభ్యః సర్పేభ్యో నమః .. 3..

ఋగ్వేద ఖిలాని (2.14)

స్వప్నస్స్వప్నాధికరణే సర్వం నిష్వాపయా జనం .

ఆ సూర్యమన్యాంస్త్వాపయావ్యుషం జాగ్రియామహం .. 4..

అజగరోనామ సర్పః సర్పిరవిషో మహాన్ .

తస్మిన్హి సర్పస్సుధితస్తేనత్వా స్వాపయామసి .. 5..

సర్పస్సర్పో అజగరసర్పిరవిషో మహాన్ .

తస్య సర్పాత్సింధవస్తస్య గాధమశీమహి .. 6..

కాలికో నామ సర్పో నవనాగసహస్రబలః .

యమునాహ్రదేహసో జాతో యో నారాయణ వాహనః .. 7..

యది కాలికదూతస్య యది కాః కాలికాత్ భయాత్ .

జన్మభూమిమతిక్రాంతో నిర్విషో యాతి కాలికః .. 8..

ఆయాహీంద్ర పథిభిరీలితేభిర్యజ్ఞమిమన్నో భాగదేయంజుషస్వ .

తృప్తాం జుహుర్మాతులస్యే వయోషా భాగస్థే పైతృష్వసేయీవపామివ .. 9..

యశస్కరం బలవంతం ప్రభుత్వం తమేవ రాజాధిపతిర్బభూవ .

సంకీర్ణనాగాశ్వపతిర్నరాణాం సుమంగల్యం సతతం దీర్ఘమాయుః .. 10..

కర్కోటకో నామ సర్పో యోద్వష్టీ విష ఉచ్యతే .

తస్య సర్పస్య సర్పత్వం తస్మై సర్ప నమోఽస్తుతే .. 11..

సర్పగాయత్రీ -

భుజంగేశాయ విద్మహే సర్పరాజాయ ధీమహి .

తన్నో నాగః ప్రచోదయాత్ .. 12..

నమో॑ అస్తు స॒ర్పేభ్యో॒ యే కే చ॑ పృథి॒వీమను॑ .

యే అం॒తరి॑క్షే॒ యే ది॒వి తేభ్యః॑ స॒ర్పేభ్యో॒ నమః॑ ..

యే॑ఽదో రో॑చ॒నే ది॒వో యే వా॒ సూర్య॑స్య ర॒శ్మిషు॑ .

యేషా॑మ॒ప్సు సదః॑ కృ॒తం తేభ్యః॑ స॒ర్పేభ్యో॒ నమః॑ ..

యా ఇష॑వో యాతు॒ధానా॑నాం॒ యే వా॒ వన॒స్పతీ॒ꣳ॒రను॑ .

యే వా॑ వ॒టేషు॒ శేర॑తే॒ తేభ్యః॑ స॒ర్పేభ్యో॒ నమః॑ .. 4. 2. 8..

తైత్తిరీయసంహితా