శ్రీమదఖిలాండదేవీ జంబుకేశ్వరస్తుతిః

(శ్రీజంబుకేశ్వరక్షేత్రే)

అపరాధసహస్రాణి హ్యపి కుర్వాణే మయి ప్రసీదాంబ .

అఖిలాండదేవి కరుణావారాశే జంబుకేశపుణ్యతతే .. 1..

ఊర్ధ్వస్థితాభ్యాం కరపంకజాభ్యాం

గాంగేయపద్మే దధతీమధస్తాత్ .

వరాభయే సందధతీం కరాభ్యాం

నమామి దేవీమఖిలాండపూర్వాం .. 2..

జంబూనాథమనోఽమ్బుజాతదినరాడ్బాలప్రభాసంతతిం

శంబూకాదివృషావలిం కృతవతీం పూర్వం కృతార్థామపి .

కంబూర్వీధరధారిణీం వపుషి చ గ్రీవాకుచవ్యాజతో

హ్యంబూర్వీధరరూపిణీం హృది భజే దేవీం క్షమాసాగరీం .. 3..

జంబూమూలనివాసం కంబూజ్జ్వలగర్వహరణచణకంఠం .

అంబూర్వీధరరూపం శంబూకాదేర్వరప్రదం వందే .. 4..

ఇతి శృంగేరి శ్రీజగద్గురు శ్రీసచ్చిదానందశివాభినవనృసింహ-

భారతీస్వామిభిః విరచితా శ్రీమదఖిలాండదేవీజంబుకేశ్వరస్తుతిః సంపూర్ణా .