తైత్తిరీయారణ్యకం, ప్రపాఠకః - 10 అనువాకః - 13
(10.13.1 10.13.2)
ఓం స॒హ నా॑వవతు. స॒హ నౌ॑ భునక్తు. స॒హ వీ॒ర్యం॑ కరవావహై .
తే॒జ॒స్వినా॒వధీ॑తమస్తు॒ మా వి॑ద్విషా॒వహై᳚ ..
ఓం శాంతిః॒ శాంతిః॒ శాంతిః॑ ..
ఓం .. స॒హ॒స్ర॒శీర్॑షం దే॒వం॒ వి॒శ్వాక్షం॑ వి॒శ్వశం॑భువం .
విశ్వం॑ నా॒రాయ॑ణం దే॒వ॒మ॒క్షరం॑ పర॒మం ప॒దం .
వి॒శ్వతః॒ పర॑మాన్ని॒త్యం॒ వి॒శ్వం నా॑రాయ॒ణꣳ హ॑రిం .
విశ్వ॑మే॒వేదం పురు॑ష॒స్తద్వి॒శ్వముప॑జీవతి .
పతిం॒ విశ్వ॑స్యా॒త్మేశ్వ॑ర॒ꣳ॒ శాశ్వ॑తꣳ శి॒వమ॑చ్యుతం .
నా॒రాయ॒ణం మ॑హాజ్ఞే॒యం॒ వి॒శ్వాత్మా॑నం ప॒రాయ॑ణం .
నా॒రాయ॒ణప॑రో జ్యో॒తి॒రా॒త్మా నా॑రాయ॒ణః ప॑రః .
నా॒రాయ॒ణ ప॑రం బ్ర॒హ్మ॒ త॒త్త్వం నా॑రాయ॒ణః ప॑రః .
నా॒రాయ॒ణప॑రో ధ్యా॒తా॒ ధ్యా॒నం నా॑రాయ॒ణః ప॑రః .
యచ్చ॑ కిం॒చిజ్జ॑గత్స॒ర్వం॒ దృ॒శ్యతే᳚ శ్రూయ॒తేఽపి॑ వా ..
అంత॑ర్బ॒హిశ్చ॑ తత్స॒ర్వం॒ వ్యా॒ప్య నా॑రాయ॒ణః స్థి॑తః .
అనం॑త॒మవ్య॑యం క॒విꣳ స॑ము॒ద్రేఽన్తం॑ వి॒శ్వశం॑భువం .
ప॒ద్మ॒కో॒శ ప్ర॑తీకా॒శ॒ꣳ॒ హృ॒దయం॑ చాప్య॒ధోము॑ఖం .
అధో॑ ని॒ష్ట్యా వి॒తస్యాం॒తే॒ నా॒భ్యాము॑పరి॒ తిష్ఠ॑తి .
జ్వా॒ల॒మా॒లాకు॑లం భా॒తి॒ వి॒శ్వస్యా॑యత॒నం మ॑హత్ .
సంత॑తꣳ శి॒లాభి॑స్తు॒లంబ॑త్యాకోశ॒సన్ని॑భం .
తస్యాంతే॑ సుషి॒రꣳ సూ॒క్ష్మం తస్మి᳚న్ స॒ర్వం ప్రతి॑ష్ఠితం .
తస్య॒ మధ్యే॑ మ॒హాన॑గగ్నిర్వి॒శ్వార్చి॑ర్వి॒శ్వతో॑ముఖః .
సోఽగ్ర॑భు॒గ్విభ॑జంతి॒ష్ఠ॒న్నాహా॑రమజ॒రః క॒విః .
తి॒ర్య॒గూ॒ర్ధ్వమ॑ధశ్శా॒యీ॒ ర॒శ్మయ॑స్తస్య॒ సంత॑తా .
సం॒తా॒పయ॑తి స్వం దే॒హమాపా॑దతల॒మస్త॑కః .
తస్య॒ మధ్యే॒ వహ్ని॑శిఖా అ॒ణీయో᳚ర్ధ్వా వ్య॒వస్థి॑తః .
నీ॒లతో॑యద॑మధ్య॒స్థా॒ద్వి॒ద్యుల్లే॑ఖేవ॒ భాస్వ॑రా .
నీ॒వార॒శూక॑వత్త॒న్వీ॒ పీ॒తా భా᳚స్వత్య॒ణూప॑మా .
తస్యాః᳚ శిఖా॒యా మ॑ధ్యే ప॒రమా᳚త్మా వ్య॒వస్థి॑తః .
స బ్రహ్మ॒ స శివః॒ స హరిః॒ సేంద్రః॒ సోఽక్ష॑రః పర॒మః స్వ॒రాట్ ..
ఋ॒తꣳ స॒త్యం ప॑రం బ్ర॒హ్మ॒ పు॒రుషం॑ కృష్ణ॒పింగ॑లం .
ఊ॒ర్ధ్వరే॑తం వి॑రూపా॒క్షం॒ వి॒శ్వరూ॑పాయ॒ వై నమో॒ నమః॑ .
ఓం నా॒రా॒య॒ణాయ॑ వి॒ద్మహే॑ వాసుదే॒వాయ॑ ధీమహి .
తన్నో॑ విష్ణుః ప్రచో॒దయా᳚త్ .
No comments:
Post a Comment