భూసూక్తం

ఓం .. భూమి॑ర్భూ॒మ్నాద్యౌర్వ॑రి॒ణాఽన్త॑రి॑క్షం మహి॒త్వా .

ఉ॒పస్థే॑ తే దేవ్యదితే॒ ఽగ్నిమ॑న్నా॒ద-మ॒న్నాద్యా॒యాద॑ధే..

ఆఽయంగౌః పృశ్ని॑రక్రమీ॒ దస॑నన్మా॒తరం॒ పునః॑ .

పి॒తరం॑ చ ప్ర॒యంత్సువః॑..

త్రి॒ꣳశద్ధామ॒ విరా॑జతి॒ వాక్ప॑తం॒గాయ॑ శిశ్రియే .

ప్రత్॑యస్య వహ॒ ద్యుభిః॑..

అ॒స్య ప్రా॒ణాద॑పాన॒త్యం॑తశ్చ॑రతి రోచ॒నా .

వ్య॑ఖ్యన్ మహి॒షః సువః॑..

యత్త్᳚వా క్రు॒ద్ధః ప॑రో॒వప॑మ॒న్యునా॒ యదవ॑ర్త్యా .

సు॒కల్ప॑మగ్నే॒ తత్తవ॒ పున॒స్త్వోద్దీ॑పయామసి..

యత్తే॑ మ॒న్యుప॑రోప్తస్య పృథి॒వీ-మను॑దధ్వ॒సే .

ఆ॒ది॒త్యా విశ్వే॒ తద్దే॒వా వస॑వశ్చ స॒మాభ॑రన్ ..

మే॒దినీ॑ దే॒వీ వ॒సుంధ॑రా స్యా॒ద్వసు॑దా దే॒వీ వా॒సవీ᳚ .

బ్ర॒హ్మ॒వ॒ర్చ॒సః పి॑తృ॒ణాꣳ శ్రోత్రం॒ చక్షు॒ర్మనః॑ ..

దే॒వీ హిర॑ణ్యగర్భిణీ దే॒వీ ప్ర॒సూవ॑రీ ( ప్ర॒సోద॑రీ ) .

రస॑నే ( సద॑నే ) స॒త్యాయ॑నే సీద ..

స॒ము॒ద్రవ॑తీ సావి॒త్రీ హ॒నో దే॒వీ మ॒హ్యంగీ᳚.

మ॒హీధర॑ణీ మ॒హోవ్యథి॑ష్టా ( మ॒హోధ్యతి॑ష్ఠా ) శ్శృం॒గే శృం॑గే య॒జ్ఞే య॑జ్ఞే విభీ॒షణీ᳚ ..

ఇంద్ర॑పత్నీ వ్యా॒పినీ॑ సు॒రస॑రిది॒హ (సరసిజ ఇహ ) .

వా॒యు॒మతీ॑ జల॒శయ॑నీ శ్రి॒య,న్ధా॒ (స్వయంధా ) రాజా॑ స॒త్యంతో॒ ( ధో॒ ) పరి॑మేదినీ ..

శ్వో॒పరి॑ధత్త॒ పరి॑గాయ.( సో పరిధత్తంగాయ )

వి॒ష్ణు॒ప॒త్నీం మ॑హీం దే॒వీం॒ మా॒ధ॒వీం మా॑ధవ॒ప్రియాం .

లక్ష్మీ᳚ ప్రి॒యస॑ఖీం దే॒వీం॒ న॒మా॒మ్యచ్॑యుత వ॒ల్లభాం ..

ఓం ధ॒నుర్ధ॒రాయై॑ వి॒ద్మహే॑ సర్వసి॒ద్ధ్యై చ॑ ధీమహి .

తన్నో॑ ధరా ప్రచో॒దయా᳚త్ ..