అఘోరమూర్తిసహస్రనామస్తోత్రం

అథ అఘోరమూర్తిసహస్రనామ లిఖ్యతే -

ఓం శ్రీం హ్రీం క్లీం సౌః క్ష్మీం ఘోర ఘోరాయ జ్వల జ్వల

ప్రజ్వల ప్రజ్వల అఘోరాస్త్రాయ ఫట్ స్వాహా .

. ఇతి మూలం .

శ్రీభైరవీ ఉవాచ -

భగవన్సర్వధర్మజ్ఞ విశ్వాభయవరప్రద .

సర్వేశ సర్వశాస్త్రజ్ఞ సర్వాతీత సనాతన .. 1..

త్వమేవ పరమం తత్త్వం త్వమేవ పరమం పదం .

త్వత్తోఽప్యన్యం న పశ్యామి సారం సారోత్తమోత్తమం .. 2..

పురాఽస్మాకం వరో దత్తో దేవదానవసంగరే .

తదద్య కృపయా శంభో వరం నాథ ప్రయచ్ఛ మే .. 3..

శ్రీభైరవ ఉవాచ -

భైరవి ప్రేయసి త్వం మే సత్యం దత్తో వరో మయా .

యదద్య మనసాభీష్టం తద్యాచస్వ దదామ్యహం .. 4..

శ్రీదేవీ ఉవాచ -

శ్రీశివః పరమాత్మా చ భైరవోఽఘోరసంజ్ఞకః .

త్రిగుణాత్మా మహారుద్రస్త్రైలోక్యోద్ధరణక్షమః .. 5..

తస్య నామసహస్రం మే వద శీఘ్రం కృపానిధే .

వరమేతన్మహాదేవ దేహి సత్యం మదీప్సితం .

అస్మాద్వరం న యాచేఽహం దేహి చేదస్తి మే దయా .. 6..

శ్రీభైరవ ఉవాచ -

శృణుష్వైకాంతభూదేశే సానౌ కైలాసభూభృతః .

దేవదానవసంగ్రామే యత్తే దత్తో వరో మయా .

వరం తత్తే ప్రయచ్ఛామి చాన్యద్వరయ మే వరం .. 7..

శ్రీదేవీ ఉవాచ -

అతః పరం న యాచేఽహం వరమన్యన్మహేశ్వర .

కృపయా కరుణాంభోధే వద శీఘ్రం సురార్చిత .. 8..

శ్రీభైరవ ఉవాచ -

తవ భక్త్యా బ్రవీమ్యద్య అఘోరస్య మహాత్మనః .

నామ్నాం సహస్రం పరమం త్రైలోక్యోద్ధరణక్షమం .. 9..

నాతః పరతరా విద్యా నాతః పరతరః స్తవః .

నాతః పరతరం స్తోత్రం సర్వస్వం మమ పార్వతి .. 10..

అకారాది క్షకారాంతా విద్యానిధిమనుత్తమం .

బీజమంత్రమయం గోప్యం గోప్తవ్యం పశుసంకటే .. 11..

ఓం అస్య శ్రీఅఘోరమూర్తినామసహస్రస్య శ్రీమహాకాలభైరవ ఋషిః,

పంక్తి ఛందః, అఘోరమూర్తిః పరమాత్మా దేవతా .

ఓం బీజం, హ్రీం శక్తిః, కురు కురు కీలకం .

అఘోర విద్యాసిద్ధ్యర్థే జపే పాఠే వినియోగః .

అథ న్యాసః -

హ్రాం అంగుష్ఠభ్యాం నమః .

హ్రీం తర్జనీభ్యాం నమః .

హ్రూం మధ్యమాభ్యాం నమః .

హ్రైం అనామికాభ్యాం నమః .

హ్రౌం కనిష్ఠికాభ్యాం నమః .

హ్రః కరతలకరపృష్ఠాభ్యాం నమః .

ఏవం హృదయాది షడంగన్యాసః .

అపి చ-

ఓం నమో భగవతే అఘోరాయ శూలపాణయే స్వాహా హృదయాయ నమః .

రుద్రాయామృతమూర్తయే మాం జీవయ జీవయ శిరసే స్వాహా .

నీలకంఠాయ చంద్రజటినే శిఖాయై వషట్ .

త్రిపురాంతకాయ కవచాయ హుం .

త్రిలోచనాయ ఋగ్యజుఃసామమూర్తయే నేత్రాభ్యాం వౌషట్ .

రుద్రాయాగ్నిత్రయాయ జ్వల జ్వల మాం రక్ష రక్ష

అఘోరాస్త్రాయ హుం ఫట్ స్వాహా . అస్త్రాయ ఫట్ .

ఇతి హృదయాది షడంగన్యాసః ఏవం కరన్యాసః .

భూర్భువః స్వరితి దిగ్బంధః .

అథ ధ్యానం .

శ్రీచంద్రమండలగతాంబుజపీతమధ్యే

     దేవం సుధాస్రవిణమిందుకలాధరం చ .

శుద్ధాక్షసూత్రకలశామృతపద్మహస్తం

     దేవం భజామి హృదయే భువనైకనాథం ..

అపి చ -

మహాకాయం మహోరస్కం మహాదంశం మహాభుజం .

సుధాస్యం శశిమౌలిం చ జ్వాలాకేశోర్ధ్వబంధనం ..

కింకిణీమాలయా యుక్తం సర్పయజ్ఞోపవీతినం .

రక్తాంబరధరం దేవం రక్తమాలావిభూషితం .

పాదకింకిణీసంచ్ఛన్నం నూపురైరతిశోభితం ..

ధ్యానమార్గస్థితం ఘోరం పంకజాసనసంస్థితం .

భజామి హృదయే దేవం దేవం చాఘోరభైరవం ..

. ఇతి ధ్యానం .

అథ మూలమంత్రః .

అఘోరేభ్యోఽథ ఘోరేభ్యో ఘోరఘోరతరేభ్యః .

సర్వతః సర్వసర్వేభ్యో నమస్తే రుద్రరూపేభ్యః ..

. ఇతి మూలం .

అథ అఘోరాయ నమః .

ఓం హ్రీం శ్రీం క్లీం మహారుద్రో గ్లౌం గ్లాం అఘోరభైరవః .

క్ష్మీం కాలాగ్నిః కలానాథః కాలః కాలాంతకః కలిః .. 1..

శ్మశానభైరవో భీమో భీతిహా భగవాన్ప్రభుః .

భాగ్యదో ముండహస్తశ్చ ముండమాలాధరో మహాన్ .. 2..

ఉగ్రోగ్రరవోఽత్యుగ్ర ఉగ్రతేజాశ్చ రోగహా .

రోగదో భోగదో భోక్తా సత్యః శుద్ధః సనాతనః .. 3..

చిత్స్వరూపో మహాకాయో మహాదీప్తిర్మనోన్మనః .

మాన్యో ధన్యో యశస్కర్తా హర్తా భర్త్తా మహానిధిః .. 4..

చిదానందశ్చిదాకారశ్చిదుల్లాసశ్చిదీశ్వరః .

చింత్యోఽచింత్యోఽచింత్యరూపః స్వరూపో రూపవిగ్రహీ .. 5..

భూతేభ్యో భూతిదో భూత్యం భూతాత్మా భూతభావనః .

చిదానందః ప్రకాశాత్మా సనాత్మాబోధవిగ్రహః .. 6..

హృద్బోధో బోధవాన్ బుద్ధో బుద్ధిదో బుద్ధమండనః .

సత్యపూర్ణః సత్యసంధః సతీనాథః సమాశ్రయః .. 7..

త్రైగుణ్యో నిర్గుణో గుణ్యోఽగ్రణీర్గుణవివర్జితః .

సుభావః సుభవః స్తుత్యః స్తోతా శ్రోతా విభాకరః .. 8..

కాలకాలాంధకత్రాసకర్తా హర్తా విభీషణః .

విరూపాక్షః సహస్రాక్షో విశ్వాక్షో విశ్వతోముఖః .. 9..

చరాచరాత్మా విశ్వాత్మా విశ్వబోధో వినిగ్రహః .

సుగ్రహో విగ్రహో వీరో ధీరో ధీరభృతాం వరః .. 10..

శూరః శూలీ శూలహర్తా శంకరో విశ్వశంకరః .

కంకాలీ కలిహా కామీ హాసహా కామవల్లభః .. 11..

కాంతారవాసీ కాంతాస్థః కాంతాహృదయధారణః .

కామ్యః కామ్యనిధిః కాంతాకమనీయః కలాధరః .. 12..

కలేశః సకలేశశ్చ వికలః శకలాంతకః .

శాంతో భ్రాంతో మహారూపీ సులభో దుర్లభాశయః .. 13..

లభ్యోఽనంతో ధనాధీనః సర్వగః సామగాయనః .

సరోజనయనః సాధుః సాధూనామభయప్రదః .. 14..

సర్వస్తుత్యః సర్వగతిః సర్వాతీతోఽప్యగోచరః .

గోప్తా గోప్తతరో గానతత్పరః సత్యపరాయణః .. 15..

అసహాయో మహాశాంతో మహామూర్తో మహోరగః .

మహతీరవసంతుష్టో జగతీధరధారణః .. 16..

భిక్షుః సర్వేష్టఫలదో భయానకముఖః శివః .

భర్గో భాగీరథీనాథో భగమాలావిభూషణః .. 17..

జటాజూటీ స్ఫురత్తేజశ్చండాంశుశ్చండవిక్రమః .

దండీ గణపతిర్గుణ్యో గణనీయో గణాధిపః .. 18..

కోమలాంగోఽపి క్రూరాస్యో హాస్యో మాయాపతిః సుధీః .

సుఖదో దుఃఖహా దంభో దుర్జయో విజయీ జయః .. 19..

జయోఽజయో జ్వలత్తేజో మందాగ్నిర్మదవిగ్రహః .

మానప్రదో విజయదో మహాకాలః సురేశ్వరః .. 20..

అభయాంకో వరాంకశ్చ శశాంకకృతశేఖరః .

లేఖ్యో లిప్యో విలాపీ చ ప్రతాపీ ప్రమథాధిపః .. 21..

ప్రఖ్యో దక్షో విముక్తశ్చ రుక్షో దక్షమఖాంతకః .

త్రిలోచనస్త్రివర్గేశః త్రిగుణీ త్రితయీపతిః .. 22..

త్రిపురేశస్త్రిలోకేశస్త్రినేత్రస్త్రిపురాంతకః .

త్ర్యంబకస్త్రిగతిః స్వక్షో విశాలాక్షో వటేశ్వరః .. 23..

వటుః పటుః పరం పుణ్యం పుణ్యదో దంభవర్జితః .

దంభీ విలంభీ విషేభిస్సంరంభీ సంగ్రహీ సఖా .. 24..

విహారీ చారరూపశ్చ హారీ మాణిక్యమండితః .

విద్యేశ్వరో వివాదీ చ వాదభేద్యో విభేదవాన్ .. 25..

భయాంతకో బలనిధిర్బలికః స్వర్ణవిగ్రహః .

మహాసీనో విశాఖీ చ పృషట్కీ పృతనాపతిః .. 26..

అనంతరూపోఽనంతశ్రీః షష్టిభాగో విశాంపతిః .

ప్రాంశుః శీతాంశుర్ముకుటో నిరంశః స్వాంశవిగ్రహః .. 27..

నిశ్చేతనో జగత్త్రాతా హరో హరిణసంభృతః .

నాగేంద్రో నాగత్వగ్వాసాః శ్మశానాలయచారకః .. 28..

విచారీ సుమతిః శంభుః సర్వః ఖర్వోరువిక్రమః .

ఈశః శేషః శశీ సూర్యః శుద్ధసాగర ఈశ్వరః .. 29..

ఈశానః పరమేశానః పరాపరగతిః పరం .

ప్రమోదీ వినయీ వేద్యో విద్యారాగీ విలాసవాన్ .. 30..

స్వాత్మా దయాలుర్ధనదో ధనదార్చనతోషితః .

పుష్టిదస్తుష్టిదస్తార్క్ష్యో జ్యేష్ఠః శ్రేష్ఠో విశారదః .. 31..

చామీకరోచ్చయగతః సర్వగః సర్వమండనః .

దినేశః శర్వరీశశ్చ సన్మదోన్మాదదాయకః .. 32..

హాయనో వత్సరో నేతా గాయనః పుష్పసాయకః .

పుణ్యేశ్వరో విమానస్థో విమాన్యో విమనా విధుః .. 33..

విధిః సిద్ధిప్రదో దాంతో గాతా గీర్వాణవందితః .

శ్రాంతో వాంతో వివేకాక్షో దుష్టో భ్రష్టో నిరష్టకః .. 34..

చిన్మయో వాఙ్మయో వాయుః శూన్యః శాంతిప్రదోఽనఘః .

భారభృద్భూతభృద్గీతో భీమరూపో భయానకః .. 35..

తచ్చండదీప్తిశ్చండాక్షో దలత్కేశః స్ఖలద్రతిః .

అకారోఽథ నిరాకార ఇలేశ ఈశ్వరః పరః .. 36..

ఉగ్రమూర్తిరుత్సవేశ ఊష్మాంశురృణహా ఋణీ .

కల్లిహస్తో మహాశూరో లింగమూర్తిర్లసద్దృశః .. 37..

లీలాజ్యోతిర్మహారౌద్రో రుద్రరూపో జనాశనః .

ఏణత్వగాసనో ధూర్త్తో ధూలిరాగానులేపనః .. 38..

ఐం వీజామృతపూర్ణాంగః స్వర్ణాంగః పుణ్యవర్ధనః .

ఓంకారోకారరూపశ్చ తత్సర్వో అంగనాపతిః .. 39..

అఃస్వరూపో మహాశాంతః స్వరవర్ణ విభూషణః .

కామాంతకః కామదశ్చ కాలీయాత్మా వికల్పనః .. 40..

కలాత్మా కర్కశాంగశ్చ కారాబంధవిమోక్షదః .

కాలరూపః కామనిధిః కేవలో జగతాంపతిః .. 41..

కుత్సితః కనకాద్రిస్థః కాశీవాసః కలోత్తమః .

కామీ రామాప్రియః కుంతః కవర్ణాకృతిరాత్మభూః .. 42..

ఖలీనః ఖలతాహంతా ఖేటేశో ముకుటాధరః .

ఖం ఖడ్గేశః ఖగధరః ఖేటః ఖేచరవల్లభః .. 43..

ఖగాంతకః ఖగాక్షశ్చ ఖవర్ణామృతమజ్జనః .

గణేశో గుణమార్గేయో గజరాజేశ్వరో గణః .. 44..

అగుణః సగుణో గ్రామ్యో గ్రీవాలంకారమండితః .

గూఢో గూఢాశయో గుప్తో గణగంధర్వసేవితః .. 45..

ఘోరనాదో ఘనశ్యామో ఘూర్ణాత్మా ఘుర్ఘరాకృతిః .

ఘనవాహో ఘనేశానో ఘనవాహనపూజితః .. 46..

ఘనః సర్వేశ్వరో జేశో ఘవర్ణత్రయమండనః .

చమత్కృతిశ్చలాత్మా చ చలాచలస్వరూపకః .. 47..

చారువేశశ్చారుమూర్తిశ్చండికేశశ్చమూపతిః .

చింత్యోఽచింత్యగుణాతీతశ్చితారూపః చితాప్రియః .. 48..

చితేశశ్చేతనారూపశ్చితాశాంతాపహారకః .

ఛలభృచ్ఛలకృచ్ఛత్రీ ఛత్రికశ్ఛలకరకః .. 49..

ఛిన్నగ్రీవః ఛిన్నశీర్షః ఛిన్నకేశః ఛిదారకః .

జేతా జిష్ణురజిష్ణుశ్చ జయాత్మా జయమండలః .. 50..

జన్మహా జన్మదో జన్యో వృజనీ జృంభణో జటీ .

జడహా జడసేవ్యశ్చ జడాత్మా జడవల్లభః .. 51..

జయస్వరూపో జనకో జలధిర్జ్వరసూదనః .

జలంధరస్థో జనాధ్యక్షో నిరాధిరాధిరస్మయః .. 52..

అనాదిర్జగతీనాథో జయశ్రీర్జయసాగరః .

ఝంకారీ ఝలినీనాథః సప్తతిః సప్తసాగరః .. 53..

టంకారసంభవో టాణుః టవర్ణామృతవల్లభః .

టంకహస్తో విటంకారో టీకారో టోపపర్వతః .. 54..

ఠకారీ చ త్రయః ఠః ఠః స్వరూపో ఠకురోబలీ .

డకారీ డకృతీడంబడింబానాథో విడంబనః .. 55..

డిల్లీశ్వరో హి డిల్లాభో డంకారాక్షర మండనః .

ఢవర్ణీ దుల్లియజ్ఞేశో ఢంబసూచీ నిరంతకః .. 56..

ణవర్ణీ శోణినోవాసో ణరాగీ రాగభూషణః .

తామ్రాపస్తపనస్తాపీ తపస్వీ తపసాం నిధిః .. 57..

తపోమయస్తపోరూపస్తపసాం ఫలదాయకః .

తమీశ్వరో మహాతాలీ తమీచరక్షయంకరః .. 58..

తపోద్యోతిస్తపోహీనో వితానీ త్ర్యమ్యబకేశ్వరః .

స్థలస్థః స్థావరః స్థాణుః స్థిరబుద్ధిః స్థిరేంద్రియః .. 59..

స్థిరంకృతీ స్థిరప్రీతిః స్థితిదః స్థితివాంస్తథా .

దంభీ దమప్రియో దాతా దానవో దానవాంతకః .. 60.. దానవాన్యనీ?

ధర్మాధర్మో ధర్మగతిర్ధనవాంధనవల్లభః .

ధనుర్ధరో ధనుర్ధన్యో ధీరేశో ధీమయో ధృతిః .. 61..

ధకారాంతో ధరాపాలో ధరణీశో ధరాప్రియః .

ధరాధరో ధరేశానో నారదో నారసోరసః .. 62..

సరసో విరసో నాగో నాగయజ్ఞోపవీతవాన్ .

నుతిలభ్యో నుతీశానో నుతితుష్టో నుతీశ్వరః .. 63..

పీవరాంగ పరాకారః పరమేశః పరాత్పరః .

పారావారః పరం పుణ్యం పరామూర్తిః పరం పదం .. 64..

పరోగమ్యః పరంతేజః పరంరూపః పరోపకృత్ .

పృథ్వీపతిః పతిః పూతిః పూతాత్మా పూతనాయకః .. 65..

పారగః పారదృశ్వా చ పవనః పవనాత్మజః .

ప్రాణదోఽపానదః పాంథః సమానవ్యానదో వరం .. 66..

ఉదానదః ప్రాణగతిః ప్రాణినాం ప్రాణహారకః .

పుంసాం పటీయాన్పరమః పరమం స్థానకః పవిః .. 67..

రవిః పీతాననః పీఠం పాఠీనాకృతిరాత్మవాన్ .

పత్రీ పీతః పవిత్రం చ పాఠనం పాఠనప్రియః .. 68..

పార్వతీశః పర్వతేశః పర్వేశః పర్వఘాతనః .

ఫణీ ఫణిద ఈశానః ఫుల్లహస్తః ఫణాకృతిః .. 69..

ఫణిహారః ఫణిమూర్తిః ఫేనాత్మా ఫణివల్లభః .

బలీ బలిప్రియో బాలో బాలాలాపీ బలంధరః .. 70..

బాలకో బలహస్తశ్చ బలిభుగ్బాలనాశనః .

బలిరాజో బలంకారీ బాణహస్తోఽర్ధవర్ణభృత్ .. 71..

భద్రీ భద్రప్రదో భాస్వాన్భామయో భ్రమయోనయః .

భవ్యో భావప్రియో భానుర్భానుమాన్భీమనందకః .. 72..

భూరిదో భూతనాథశ్చ భూతలం సుతలం తలం .

భయహా భావనాకర్తా భవహా భవఘాతకః .. 73..

భవో విభవదో భీతో భూతభవ్యో భవప్రియః .

భవానీశో భగేష్టశ్చ భగపూజనపోషణః .. 74..

మకురో మానదో ముక్తో మలినో మలనాశనః .

మారహర్తా మహోధిశ్చ మహస్వీ మహతీప్రియః .. 75..

మీనకేతుర్మహామారో మహేష్వా మదనాంతకః .

మిథునేశో మహామోహో మల్లో మల్లాంతకో మునిః .. 76..

మరీచిః రుచిమాన్యోగీ మంజులేశోఽమరాధిపః .

మర్దనో మోహమర్దీ చ మేధావీ మేదినీపతిః .. 77..

మహీపతిః సహస్రారో ముదితో మానవేశ్వరః .

మౌనీ మౌనప్రియో మాసః పక్షీ మాధవ ఇష్టవాన్ .. 78..

మత్సరీ మాపతిర్మేషో  మేషోపహారతోషితః .

మాణిక్యమండితో మంత్రీ మణిపూరనివాసకః .. 79..

మందమున్మదరూపశ్చ మేనకీ ప్రియదర్శనః .

మహేశో మేఘరూపశ్చ మకరామృతదర్శనః .. 80..

యజ్జ్వా యజ్ఞప్రియో యజ్ఞో యశస్వీ యజ్ఞభుగ్యువా .

యోధప్రియో యమప్రియో యామీనాథో యమక్షయః .. 81..

యాజ్ఞికో యజ్ఞమానశ్చ యజ్ఞమూర్తిర్యశోధరః .

రవిః సునయనో రత్నరసికో రామశేఖరః .. 82..

లావణ్యం లాలసో లూతో లజ్జాలుర్లలనాప్రియః .

లంబమూర్తివిలంబీ చ లోలజిహ్వో లులుంధరః .. 83..

వసుదో వసుమాన్వాస్తువాగ్భవో వటుకో వటుః .

వీటీప్రియో విటంకీ చ విటపీ విహగాధిపః .. 84..

విశ్వమోదీ వినయదో విశ్వప్రీతో వినాయకః .

వినాంతకో వినాంశకో వైమానికో వరప్రదః .. 85..

శంభుః శచీపతిః శారసమదో వకులప్రియః .

శీతలః శీతరూపశ్చ శావరీ ప్రణతో వశీ .. 86..

శీతాలుః శిశిరః శైత్యః శీతరశ్మిః సితాంశుమాన్ .

శీలదః శీలవాన్ శాలీ శాలీనః శశిమండనః .. 87..

శండః శంటః శిపివిష్టః షవర్ణోజ్జ్వలరూపవాన్ .

సిద్ధసేవ్యః సితానాథః సిద్ధికః సిద్ధిదాయకః .. 88..

సాధ్యో సురాలయః సౌమ్యః సిద్ధిభూః సిద్ధిభావనః .

సిద్ధాంతవల్లభః స్మేరః సితవక్త్రః సభాపతిః .. 89..

సరోధీశః సరిన్నాథః సితాభశ్చేతనాసమః .

సత్యపః సత్యమూర్తిశ్చ సింధురాజః సదాశివః .. 90..

సదేశః సదనాసూరిః సేవ్యమానః సతాంగతిః .

సతాంభావ్యః సదానాథః సరస్వాన్సమదర్శనః .. 91..

సుసంతుష్టః సతీచేతః సత్యవాదీ సతీరతః .

సర్వారాధ్యః సర్వపతిః సమయీ సమయః స్వయం .. 92..

స్వయంభూః స్వయమాత్మీయః స్వయంభావః సమాత్మకః .

సురాధ్యక్షః సురపతిః సరోజాసనసేవకః .. 93..

సరోజాక్షనిషేవ్యశ్చ సరోజదలలోచనః .

సుమతిః కుమతిః స్తుత్యః సురనాయకనాయకః .. 94..

సుధాప్రియః సుధేశశ్చ సుధామూర్తిః సుధాకరః .

హీరకో హీరవాంశ్చైవ హేతుః హాటకమండనః .. 95..

హాటకేశో హఠధరో హరిద్రత్నవిభూషణః .

హితకృద్ధేతుభూతశ్చ హాస్యదో హాస్యవక్త్రకః .. 96..

హారో హారప్రియో హారీ హవిష్మల్లోచనో హరిః .

హవిష్మాన్హవిభుగ్వాద్యో హవ్యం హవిర్భుజాం వరః .. 97..

హంసః పరమహంసశ్చ హంసీనాథో హలాయుధః .

హరిదశ్వో హరిస్తుత్యో హేరంబో లంబితోదరః .. 98..

క్షమాపతిః క్షమః క్షాంతః క్షురాధారోఽక్షిభీమకః .

క్షితినాథః క్షణేష్టశ్చ క్షణవాయుః క్షవః క్షతః .. 99..

క్షీణశ్చ క్షణికః క్షామః క్షవర్ణామృతపీఠకః .

అకారాది క్షకారాంతా విద్యామాలావిభూషణః .. 100..

స్వర వ్యంజన భూషాఢ్యో హ్రస్వ దీర్ఘ విభూషణః .

ఓం క్ష్మృం మహాభైరవేశీ ఓం శ్రీం భైరవపూర్వకః .. 101..

ఓం హ్రీం వటుకభావేశో ఓం హ్రీం వటుకభైరవః .

ఓం క్లీం శ్మశానవాసీ చ ఓం హ్రీం శ్మశానభైరవః .. 102..

మైం భద్రకాలికానాథః క్లీం ఓం హ్రీం కాలికాపతిః .

ఐం సౌః క్లీం త్రిపురేశానో ఓం హ్రీం జ్వాలాముఖీపతిః .. 103..

ఐం క్లీం సః శారదానాథో ఓం హ్రీం మార్తండభైరవః .

ఓం హ్రీం సుమంతుసేవ్యశ్చ ఓం శ్రీం హ్రీం మత్తభైరవః .. 104..

ఓం శ్రీం ఉన్మత్తచిత్తశ్చ ఓం శ్రీం ఉం ఉగ్రభైరవః .

ఓం శ్రీం కఠోరదేశశ్చ ఓం శ్రీం హ్రీం కఠోరభైరవః .. 105..

ఓం శ్రీం కామాంధకధ్వంసీ ఓం శ్రీం కామాంధభైరవః .

ఓం శ్రీం అష్టస్వరశ్చైవ ఓం శ్రీం అష్టకభైరవః .. 106..

ఓం శ్రీం హ్రీం అష్టమూర్తిశ్చ ఓం శ్రీం చిన్మూర్తిభైరవః .

ఓం హ్రీం హాటకవర్ణశ్చ ఓం హ్రీం హాటకభైరవః .. 107..

ఓం శ్రీం శశాంక వదనః ఓం శ్రీం శీతలభైరవః .

ఓం శ్రీం శివారుతశ్చైవ ఓం శ్రీం శారూకభైరవః .. 108..

ఓం శ్రీం అహంస్వరూపశ్చ ఓం హ్రీం శ్రీముండభైరవః .

ఓం శ్రీం మనోన్మనశ్చైవ ఓం శ్రీం మంగలభైరవః .. 109..

ఓం శ్రీం బుద్ధిమయశ్చైవ ఓం శ్రీం భైంబుద్ధభైరవః .

ఓం శ్రీం ఐం క్లీం నాగమూర్తిః ఓం శ్రీం హ్రీం నాగభైరవః .. 110..

ఓం శ్రీం క్లీం కూర్మమూర్తిశ్చ ఓం శ్రీం కృకరభైరవః .

ఓం హ్రీం శ్రీం దేవదత్తశ్చ ఓం శ్రీం క్లీం దత్తభైరవః .. 111..

ఓం హ్రీం ధనంజయశ్చైవ ఓం శ్రీం ధనికభైరవః .

ఓం శ్రీం హ్రీం రసరూపశ్చ ఓం శ్రీం రసికభైరవః .. 112..

ఓం శ్రీం స్పర్శరూపశ్చ ఓం శ్రీం హ్రీం స్పర్శభైరవః .

ఓం శ్రీం హ్రీం క్లీం స్వరూపశ్చ ఓం శ్రీం హ్రీం రూపభైరవః .. 113..

ఓం శ్రీం సత్త్వమయశ్చైవ ఓం శ్రీం హ్రీం సత్త్వభైరవః .

ఓం శ్రీం రజోగుణాత్మా చ ఓం శ్రీం రాజసభైరవః .. 114..

ఓం శ్రీం తమోమయశ్చైవ ఓం శ్రీం తామసభైరవః .

ఓం శ్రీం ధర్మమయశ్చైవ ఓం హీం వై ధర్మభైరవః .. 115..

ఓం శ్రీం హ్రీం మధ్యచైతన్యో ఓం శ్రీం చైతన్యభైరవః .

ఓం శ్రీం హ్రీం క్షితిమూర్తిశ్చ ఓం హ్రీం క్షాత్రికభైరవః .. 116..

ఓం శ్రీం హ్రీం జలమూర్తిశ్చ ఓం హ్రీం జలేంద్రభైరవః .

ఓం శ్రీం పవనమూర్తిశ్చ ఓం హ్రీం పీఠకభైరవః .. 117..

ఓం శ్రీం హుతాశమూర్తిశ్చ ఓం హ్రీం హాలాఖభైరవః .

ఓం శ్రీం హ్రీం సోమమూర్తిశ్చ ఓం శ్రీం హ్రీం సౌమ్యభైరవః .. 118..

ఓం శ్రీం హ్రీం సూర్యమూర్తిశ్చ ఓం శ్రీం సౌరేంద్రభైరవః .

ఓం జూం సః హంసరూపశ్చ హం సః జుం ఓం మృత్యంజయః .

ఓం చత్వారింశదధికో ఓం శ్రీం అఘోరభైరవః .. 119..

అఘోరేభ్యోఽథ ఘోరేభ్యో ఘోరఘోరతరేభ్యః .

సర్వతః సర్వసర్వేభ్యో నమస్తే రుద్రరూపేభ్యః .. 120..

భైరవేశోఽభయవరదాతా దేవజనప్రియః .

ఓం శ్రీం హ్రీం క్లీం క్ష్మ్యుం దేవీ వై అఘోరదర్శనః .. 121..

ఓం శ్రీం సౌందర్యవాందేవో ఓం అఘోరకృపానిధిః .

సహస్రనామ ఇతి నామ్నాం సహస్రం తు అఘోరస్య జగత్ప్రభుః .. 122..

తవ భక్త్యా మయాఖ్యాతం త్రిషు లోకేషు దుర్లభం .

అప్రకాశ్యమదాతవ్యం గోప్తవ్యం శరజన్మనః .. 123..

బల్యం బలప్రదం స్తుత్యం స్తవనీయం స్తవోత్తమం .

పఠేద్వా పాఠయేన్నిత్యం ధ్యాయేచ్చేతసి నిత్యశః .. 124..

అద్రష్టవ్యమదీక్షాయ గోప్తవ్యం పశుసంకటే .

నాతః పరతరం కించిత్సర్వస్వం నాస్తి మే హృది .. 125..

పుణ్యదం పుణ్యమాత్మీయం సకలం నిష్కలం పరం .

పఠేన్మంత్రీ నిశీథే తు నగ్నః శ్రీముక్తకుంతలః .. 126..

అనంతం చిత్సుధాకారం దేవానామపి దుర్లభం .

శక్త్యా యుక్తో జపేన్నామ్నాం సహస్రం భక్తిపూర్వకం .. 127..

తత్క్షణాత్సాధకః సత్యం జీవన్ముక్తో భవిష్యతి .

భౌమేఽర్క శనివారే తు శ్మశానే సాధకః పఠేత్ .. 128..

సద్యస్తస్య స్వయం దేవో వరదస్తు భవిష్యతి .

దశావర్త్తం పఠేద్రాత్రౌ నదీతీరేషు ధైర్యవాన్ .. 129..

తస్య హస్తే సదా సంతి త్ర్యంబకస్యాష్టసిద్ధయః .

మధ్యాహే శివరాత్రౌ చ నిశీథే వివిధే పఠేత్ .. 130..

ఇంద్రాదయః సురగణా వశమేష్యంతి నాన్యథా .

గురౌ బ్రాహ్మముహూర్తే తు పఠేద్భక్త్యా చ సాధకః .. 131..

యావదింద్రః సభామధ్యే తదగ్రే మూకవత్ భవేత్ .

శుక్రే నద్యా జలే మంత్రీ పఠేన్నామ్నాం సహస్రకం .. 132..

తదాప్రభృతి త్రైలోక్యం మోహమేష్యతి నాన్యథా .

భౌమే వనాంతరే మంత్రీ పఠేత్సంధ్యానిధౌ తదా .. 133..

శత్రుః కాలసమానోఽపి మృత్యుమేష్యతి నాన్యథా .

త్రిసంధ్యోదయకాలే తు పఠేత్సాధకసత్తమః .. 134..

రంభాద్యప్సరసః సర్వా వశమాయాంతి తత్క్షణాత్ .

భౌమే మధ్యాహ్నసమయే పఠేచ్చ కూపసన్నిధౌ .. 135..

సద్యో దేవి మహాంతం కారిపుముచ్చాటయేద్ధ్రువం .

సద్యస్త్రివారం పఠేన్నామ్నాం సహస్రముత్తమం .. 136..

ఇహలోకే భవేద్భోగీ పరే ముక్తిర్భవిష్యతి .

అర్కవారే సమాలిఖ్య భూర్జత్వచి చ సాధకః .. 137..

కుంకుమాలక్తకస్తూరీ గోరోచన మనఃశిలాః .

సర్వాద్యైర్వసుభిర్మంత్రీ వేష్టయేత్తామ్రరజ్జునా .. 138..

ధారయేన్మూర్ధ్ని సద్యస్తు లభేత్కామాన్యథేప్సితాన్ .

పుత్రాందారాంశ్చ లక్ష్మీం చ యశో ధర్మం ధనాని చ .. 139..

లభతే నాత్ర సంశయః సత్యమేతద్వచో మమ .

వినానేన మహాదేవి పఠేద్యః కవచం శుభం .. 140..

తస్య జీవం ధనం పుత్రాన్ దారాన్భక్షంతి రాక్షసాః .

వినానేన జపేత్ విద్యామఘోరస్య చ సాధకః .. 141..

తస్య కోటి జపం వ్యర్థం సత్యమేతద్వచో మమ .

బహునాత్ర కిముక్తేన సహస్రాఖ్యం స్తవోత్తమం .. 142..

యద్గృహే వా జపేద్యస్తు శ్రావయేద్వా శృణోతి యః .

స స్వయం నీలకంఠోఽహం తత్కలత్రం మహేశ్వరీ .. 143..

ఇదం రహస్యం పరమం భక్త్యా తవ మయోదితం .

అత్యంతదుర్లభం నాకే తథాత్యంతం మహీతలే .. 144..

భూమౌ చ దుర్లభం దేవి గోపనీయం దురాత్మనః .

అఘోరస్య మహాదేవి తత్త్వం పరమతత్త్వకం .. 145..

అతీవ మధురం హృద్యం పరాపరరహస్యకం .

వినా బలిం వినా పూజాం న రక్ష్యః సాధకోత్తమః .. 146..

పఠనీయం దివారాత్రౌ సిద్ధయోఽష్టౌ భవంతి హి .

ఇదం రహస్యం పరమం రహస్యాతిరహస్యకం .. 147..

అప్రకాశ్యమదాతవ్యమవక్తవ్యం దురాత్మనే .

యథేష్టఫలదం సద్యః కలౌ శీఘ్రఫలప్రదం .. 148..

గోప్యం గుప్తతరం గూఢం గుప్తం పుత్రాయ పార్వతి .

గోపనీయం సదాగోప్యం గోప్తవ్యం చ స్వయోనివత్ .. 149..

ఇతి శ్రీరుద్రయామలే తంత్రే భైరవ-భైరవీ సంవాదే

అఘోరమూర్తిసహస్రనామస్తవః సంపూర్ణః ..