మేధాసూక్తం

తైత్తిరీయారణ్యకం - 4 ప్రపాఠకః 10 - అనువాకః 41-44

ఓం యశ్ఛంద॑సామృష॒భో వి॒శ్వరూ॑పః . ఛందో॒భ్యోఽధ్య॒మృతా᳚థ్సంబ॒భూవ॑ .

స మేంద్రో॑ మే॒ధయా᳚ స్పృణోతు . అ॒మృత॑స్య దేవ॒ధార॑ణో భూయాసం .

శరీ॑రం మే॒ విచ॑ర్షణం . జి॒హ్వా మే॒ మధు॑మత్తమా .

కర్ణా᳚భ్యాం॒ భూరి॒విశ్రు॑వం . బ్రహ్మ॑ణః కో॒శో॑ఽసి మే॒ధయా పి॑హితః .

శ్రు॒తం మే॑ గోపాయ . ఓం శాంతిః॒ శాంతిః॒ శాంతిః॑ ..

ఓం మే॒ధాదే॒వీ జు॒షమా॑ణా న॒ ఆగా᳚ద్వి॒శ్వాచీ॑ భ॒ద్రా సు॑మన॒స్యమా॑నా .

త్వయా॒ జుష్టా॑ ను॒దమా॑నా దు॒రుక్తా᳚న్ బృ॒హద్వ॑దేమ వి॒దథే॑ సు॒వీరాః᳚ .

త్వయా॒ జుష్ట॑ ఋ॒షిర్భ॑వతి దేవి॒ త్వయా॒ బ్రహ్మా॑ఽఽగ॒తశ్రీ॑రు॒త త్వయా᳚ .

త్వయా॒ జుష్ట॑శ్చి॒త్రం విం॑దతే వసు॒ సానో॑ జుషస్వ॒ ద్రవి॑ణో న మేధే ..

మే॒ధాం మ॒ ఇంద్రో॑ దదాతు మే॒ధాం దే॒వీ సర॑స్వతీ .

మే॒ధాం మే॑ అ॒శ్వినా॑వు॒భావాధ॑త్తాం॒ పుష్క॑రస్రజా .

అ॒ప్స॒రాసు॑ చ॒ యా మే॒ధా గం॑ధ॒ర్వేషు॑ చ॒ యన్మనః॑ .

దైవీం᳚ మే॒ధా సర॑స్వతీ॒ సా మాం᳚ మే॒ధా సు॒రభి॑ర్జుషతా॒ꣳ॒ స్వాహా᳚ ..

ఆమాం᳚ మే॒ధా సు॒రభి॑ర్వి॒శ్వరూ॑పా॒ హిర॑ణ్యవర్ణా॒ జగ॑తీ జగ॒మ్యా .

ఊర్జ॑స్వతీ॒ పయ॑సా॒ పిన్వ॑మానా॒ సా మాం᳚ మే॒ధా సు॒ప్రతీ॑కా జుషంతాం .

మయి॑ మే॒ధాం మయి॑ ప్ర॒జాం మయ్య॒గ్నిస్తేజో॑ దధాతు॒

మయి॑ మే॒ధాం మయి॑ ప్ర॒జాం మయీంద్ర॑ ఇంద్రి॒యం ద॑ధాతు॒

మయి॑ మే॒ధాం మయి॑ ప్ర॒జాం మయి॒ సూర్యో॒ భ్రాజో॑ దధాతు .

ఓం మ॒హా॒దే॒వ్యై చ॑ వి॒ద్మహే॑ బ్రహ్మప॒త్నీ చ॑ ధీమహి . తన్నో॑ వాణీ ప్రచో॒దయా᳚త్ .

ఓం హం॒స॒ హం॒సాయ॑ వి॒ద్మహే॑ పరమహం॒సాయ॑ ధీమహి . తన్నో॑ హంసః ప్రచో॒దయా᳚త్ .

ఓం శాంతిః॒ శాంతిః॒ శాంతిః॑ ..

నిఃస్వరాః - మేధాసూక్తం

తైత్తిరీయారణ్యకం - 4 ప్రపాఠకః 10 - అనువాకః 41-44

ఓం యశ్ఛందసామృషభో విశ్వరూపః . ఛందోభ్యోఽధ్యమృతాథ్సంబభూవ .

స మేంద్రో మేధయా స్పృణోతు . అమృతస్య దేవధారణో భూయాసం .

శరీరం మే విచర్షణం . జిహ్వా మే మధుమత్తమా .

కర్ణాభ్యాం భూరివిశ్రువం . బ్రహ్మణః కోశోఽసి మేధయా పిహితః .

శ్రుతం మే గోపాయ . ఓం శాంతిః శాంతిః శాంతిః ..

ఓం మేధాదేవీ జుషమాణా న ఆగాద్విశ్వాచీ భద్రా సుమనస్యమానా .

త్వయా జుష్టా నుదమానా దురుక్తాన్ బృహద్వదేమ విదథే సువీరాః .

త్వయా జుష్ట ఋషిర్భవతి దేవి త్వయా బ్రహ్మాఽఽగతశ్రీరుత త్వయా .

త్వయా జుష్టశ్చిత్రం విందతే వసు సానో జుషస్వ ద్రవిణో న మేధే ..

మేధాం మ ఇంద్రో దదాతు మేధాం దేవీ సరస్వతీ .

మేధాం మే అశ్వినావుభావాధత్తాం పుష్కరస్రజా .

అప్సరాసు చ యా మేధా గంధర్వేషు చ యన్మనః .

దైవీం మేధా సరస్వతీ సా మాం మేధా సురభిర్జుషతాꣳ స్వాహా ..

ఆమాం మేధా సురభిర్విశ్వరూపా హిరణ్యవర్ణా జగతీ జగమ్యా .

ఊర్జస్వతీ పయసా పిన్వమానా సా మాం మేధా సుప్రతీకా జుషంతాం .

మయి మేధాం మయి ప్రజాం మయ్యగ్నిస్తేజో దధాతు

మయి మేధాం మయి ప్రజాం మయీంద్ర ఇంద్రియం దధాతు

మయి మేధాం మయి ప్రజాం మయి సూర్యో భ్రాజో దధాతు .

ఓం మహాదేవ్యై చ విద్మహే బ్రహ్మపత్నీ చ ధీమహి . తన్నో వాణీ ప్రచోదయాత్ .

ఓం హంస హంసాయ విద్మహే పరమహంసాయ ధీమహి . తన్నో హంసః ప్రచోదయాత్ .

ఓం శాంతిః శాంతిః శాంతిః ..