దేవీసూక్తం అథవా వాగాంభృణీసూక్తం ఋగ్వేదాంతర్గతం

ఋషిః వాగాంభృణీ, దేవతా వాగాంభృణీ, ఛందః 1, 3, 7, 8 విరాట్త్రిష్టుప్,

2 పాదనిచృజ్జగతీ, 4, 5 త్రిష్టుప్, 6 నిచృత్త్రిష్టుప్,

స్వరః 1, 3-8 ధైవతః, 3 నిషాదః

.. అథ దేవీసూక్తం ..

ఓం అ॒హం రు॒ద్రేభి॒ర్వసు॑భిశ్చరామ్య॒హమా᳚ది॒త్యైరు॒త వి॒శ్వదే᳚వైః .

అ॒హం మి॒త్రావరు॑ణో॒భా బి॑భర్మ్య॒హమిం᳚ద్రా॒గ్నీ అ॒హమ॒శ్వినో॒భా .. 1..

అ॒హం సోమ॑మాహ॒నసం᳚ బిభర్మ్య॒హం త్వష్టా᳚రము॒త పూ॒షణం॒ భగం᳚ .

అ॒హం ద॑ధామి॒ ద్రవి॑ణం హ॒విష్మ॑తే సుప్రా॒వ్యే॒ ఏ॒ 3॒॑ యజ॑మానాయ సున్వ॒తే .. 2..

అ॒హం రాష్ట్రీ᳚ సం॒గమ॑నీ॒ వసూ᳚నాం చికి॒తుషీ᳚ ప్రథ॒మా య॒జ్ఞియా᳚నాం .

తాం మా᳚ దే॒వా వ్య॑దధుః పురు॒త్రా భూరి॑స్థాత్రాం॒ భూర్యా᳚ వే॒శయన్᳚తీం .. 3..

మయా॒ సోఽఅన్న॑మత్తి॒ యో వి॒పశ్య॑తి॒ యః ప్రాణి॑తి॒ య ఈం᳚ శృ॒ణోత్యు॒క్తం .

అ॒మం॒తవో॒మాంత ఉప॑క్షియంతి శ్రు॒ధిశ్రు॑త శ్రద్ధి॒వం తే᳚ వదామి .. 4..

అ॒హమే॒వ స్వ॒యమి॒దం వ॑దామి॒ జుష్టం᳚ దే॒వేభి॑రు॒త మాను॑షేభిః .

యం కా॒మయే॒ తం త॑ము॒గ్రం కృ॑ణోమి॒ తం బ్ర॒హ్మాణం॒ తమృషిం॒ తం సు॑మే॒ధాం .. 5..

అ॒హం రు॒ద్రాయ॒ ధను॒రాత॑నోమి బ్రహ్మ॒ద్విషే॒ శర॑వే॒హంత॒ వా ఉ॑ .

అ॒హం జనా᳚య స॒మదం᳚ కృణోమ్య॒హం ద్యావా᳚పృథి॒వీ ఆవి॑వేశ .. 6..

అ॒హం సు॑వే పి॒తర॑మస్య మూ॒ర్ధన్ మమ॒ యోని॑ర॒ప్స్వ (అ॒) 1॒॑న్తః స॑ము॒ద్రే .

తతో॒ వితి॑ష్ఠే॒ భువ॒నాను॒ విశ్వో॒ తామూం ద్యాం వ॒ర్ష్మణోప॑స్పృశామి .. 7..

అ॒హమే॒వ వాత॑ఽఇవ॒ ప్రవా᳚మ్యా॒రభ॑మాణా॒ భువ॑నాని॒ విశ్వా᳚ .

ప॒రో ది॒వా ప॒రఏ॒నా పృ॑థి॒వ్యై తావ॑తీ మహి॒నా సంబ॑భూవ .. 8..

ఓం శాంతిః॒ శాంతిః॒ శాంతిః॑ ..

                              ఋగ్వేద 10-125

.. అథ స్వరరహితదేవీసూక్తం ..

ఓం అహం రుద్రేభిర్వసుభిశ్చరామ్యహమాదిత్యైరుత విశ్వదేవైః .

అహం మిత్రావరుణోభా బిభర్మ్యహమింద్రాగ్నీ అహమశ్వినోభా .. 1..

అహం సోమమాహనసం బిభర్మ్యహం త్వష్టారముత పూషణం భగం .

అహం దధామి ద్రవిణం హవిష్మతే సుప్రావ్యే ఏ 3 యజమానాయ సున్వతే .. 2..

అహం రాష్ట్రీ సంగమనీ వసూనాం చికితుషీ ప్రథమా యజ్ఞియానాం .

తాం మా దేవా వ్యదధుః పురుత్రా భూరిస్థాత్రాం భూర్యా వేశయంతీం .. 3..

మయా సోఽఅన్నమత్తి యో విపశ్యతి యః ప్రాణితి య ఈం శృణోత్యుక్తం .

అమంతవోమాంత ఉపక్షియంతి శ్రుధిశ్రుత శ్రద్ధివం తే వదామి .. 4..

అహమేవ స్వయమిదం వదామి జుష్టం దేవేభిరుత మానుషేభిః .

యం కామయే తం తముగ్రం కృణోమి తం బ్రహ్మాణం తమృషిం తం సుమేధాం .. 5..

అహం రుద్రాయ ధనురాతనోమి బ్రహ్మద్విషే శరవేహంత వా ఉ .

అహం జనాయ సమదం కృణోమ్యహం ద్యావాపృథివీ ఆవివేశ .. 6..

అహం సువే పితరమస్య మూర్ధన్ మమ యోనిరప్స్వ అంతః సముద్రే .

తతో వితిష్ఠే భువనాను విశ్వో తామూం ద్యాం వర్ష్మణోపస్పృశామి .. 7..

అహమేవ వాతఽఇవ ప్రవామ్యారభమాణా భువనాని విశ్వా .

పరో దివా పరఏనా పృథివ్యై తావతీ మహినా సంబభూవ .. 8..

ఓం శాంతిః శాంతిః శాంతిః ..