వేదమంత్రమంజరి - 3

.. శ్రీగణేశసూక్తం ..

ఋగ్వేదసంహితా మండల-8, అష్టక-6, సూక్త-81

 

ఓం ఆ తూ న॑ ఇంద్ర క్షు॒మంతం᳚ చి॒త్రం గ్రా॒భం సం గృ॑భాయ . మ॒హా॒హ॒స్తీ 

దక్షి॑ణేన .. 1 .. వి॒ద్మా  హి త్వా᳚ తువికూ॒ర్మింతు॒విదే᳚ష్ణం తు॒వీమ॑ఘం . 

తు॒వి॒మా॒త్రమవో᳚భిః .. 2 .. న॒ హి త్వా᳚ శూర దే॒వా న మర్తా᳚సో॒ దిత్సం᳚తం . 

భీ॒మం న గాం వా॒రయం᳚తే .. 3 .. ఏతో॒న్వింద్రం॒ స్తవా॒మేశా᳚నం॒ వస్వః॑ స్వ॒రాజం᳚ . 

న రాధ॑సా మర్ధిషన్నః .. 4 .. ప్ర స్తో᳚ష॒దుప॑ గాసిష॒చ్ఛ్రవ॒త్సామ॑ గీ॒యమా᳚నం . 

అ॒భిరాధ॑సాజుగురత్ .. 5 .. ఆ నో᳚ భర॒ దక్షి॑ణేనా॒భి స॒వ్యేన॒ ప్ర మృ॑శ . ఇంద్ర॒ 

మానో॒ వసో॒ర్నిర్భా᳚క్ .. 6 .. ఉప॑క్రమ॒స్వా భ॑ర ధృష॒తా ధృ॑ష్ణో॒ జనా᳚నాం . 

అదా᳚శూష్టరస్య॒ వేదః॑ .. 7 .. ఇంద్ర॒ య ఉ॒ ను తే॒ అస్తి॒ వాజో॒ విప్రే᳚భిః॒ సని॑త్వః . 

అ॒స్మాభిః॒ సుతం స॑నుహి .. 8 .. స॒ద్యో॒జువ॑స్తే॒ వాజా᳚ అ॒స్మభ్యం᳚ వి॒శ్వశ్చం᳚ద్రాః 

. వశై᳚శ్చ మ॒క్షూ జ॑రంతే .. 9 .. గ॒ణానాం᳚ త్వా గ॒ణప॑తిం హవామహే క॒విం 

క॑వీ॒నాము॑ప॒మశ్ర॑వస్తమం . జ్యే॒ష్ఠ॒రాజం॒ బ్రహ్మ॑ణాం బ్రహ్మణస్పత॒ ఆ 

నః॑ శృ॒ణ్వన్నూ॒తిభి॑స్సీద॒ సాద॑నం .. 10 .. ని షు సీ᳚ద గణపతే గ॒ణేషు॒ 

త్వామా᳚హు॒ర్విప్ర॑తమం కవీ॒నాం . న ఋ॒తే త్వత్క్రి॑యతే॒ కిం చ॒నారే మ॒హామ॒ర్కం 

మ॑ఘవంచి॒త్రమ॑ర్చ .. 11 .. అ॒భి॒ఖ్యానో᳚ మఘవ॒న్నాధ॑మానాం॒త్సఖే᳚ బో॒ధి 

వ॑సుపతే॒ సఖీ᳚నాం . రణం᳚ కృధి రణకృత్సత్యశు॒ష్మాభ॑క్తే చి॒దా భ॑జా రా॒యే 

అ॒స్మాన్ .. 12 .. 

 

.. ఓం శాంతిః॒ శాంతిః॒ శాంతిః॑ .. 

  

.. ఐకమత్య సూక్తం ..

 

ఋషిః సంవననః ఆంగిరసః 

ఛందః అనుష్టుప్ 1,2,4 త్రిష్టుప్ 3 

దేవతా అగ్నిః 1, సంజ్ఞానం 2-4 

 

ఓం సంస॒మిద్యు॑వసే వృష॒న్నగ్నే॒ విశ్వా᳚న్య॒ర్య ఆ . ఇ॒ళస్ప॒దే సమి॑ధ్యసే॒ స నో॒ 

వసూ॒న్యా భ॑ర .. 1 .. 

సం గ॑చ్ఛధ్వం॒ సం వ॑దధ్వం॒ సం వో॒ మనాం᳚సి జానతాం . దే॒వా భా॒గం యథా॒ 

పూర్వే᳚ సంజానా॒నా ఉ॒పాస॑తే .. 2 .. 

స॒మా॒నో మంత్రః॒ సమి॑తిః సమా॒నీ స॑మా॒నం మనః॑ స॒హ చి॒త్తమే᳚షాం . 

స॒మా॒నం మంత్ర॑మ॒భి మం᳚త్రయే వః సమా॒నేన॑ వో హ॒విషా᳚ జుహోమి .. 3 .. 

స॒మా॒నీ వ॒ ఆకూ᳚తిః సమా॒నా హృద॑యాని వః . స॒మా॒నమ॑స్తు వో॒ మనో॒ యథా᳚ 

వః॒ సుస॒హాస॑తి .. 4 .. 

 

.. ఓం శాంతిః॒ శాంతిః॒ శాంతిః॑ .. 

 

.. శ్రద్ధా సూక్తం ..

 

ఋషిః శ్రద్ధా కామాయనీ 

ఛందః అనుష్టుప్ 

దేవతా శ్రద్ధా దేవీ 

 

ఓం శ్ర॒ద్ధయా॒గ్నిస్సమి॑ధ్యతే . శ్ర॒ద్ధయా॑ విందతే హ॒విః . శ్ర॒ద్ధాం భగ॑స్య 

మూ॒ర్ధని॑ . వచ॒సా వే॑దయామసి . ప్రి॒యగ్గ్ శ్ర॑ద్ధే॒ దద॑తః . ప్రి॒యగ్గ్ శ్ర॑ద్ధే॒ 

దిదా॑సతః . ప్రి॒యం భో॒జేషు॒ యజ్వ॑సు . ఇ॒దం మ॑ ఉది॒తం కృ॑ధి . యథా॑ 

దే॒వా అసు॑రేషు . శ్ర॒ద్ధాము॒గ్రేషు॑ చక్రి॒రే . ఏ॒వం భో॒జేషు॒ యజ్వ॑సు . 

అ॒స్మాక॑ముది॒తం కృ॑ధి . శ్ర॒ద్ధాం దే॑వా॒ యజ॑మానాః . వా॒యుగో॑పా॒ ఉపా॑సతే 

. శ్ర॒ద్ధాగ్ం హృ॑ద॒య్య॑యాఽకూ᳚త్యా . శ్ర॒ద్ధయా॑ హూయతే హ॒విః . శ్ర॒ద్ధాం 

ప్రా॒తర్హ॑వామహే . శ్ర॒ద్ధాం మ॒ధ్యంది॑నం॒ పరి॑ . శ్ర॒ద్ధాగ్ం సూర్య॑స్య ని॒మ్రుచి॑ 

. శ్రద్ధే॒ శ్రద్ధా॑పయే॒ హమా᳚ . శ్ర॒ద్ధా దే॒వానధి॑వస్తే . శ్ర॒ద్ధా విశ్వ॑మి॒దం 

జగ॑త్ . శ్ర॒ద్ధాం కామ॑స్య మా॒తరం᳚ . హ॒విషా॑ వర్ధయామసి .. 

 

.. ఓం శాంతిః॒ శాంతిః॒ శాంతిః॑ .. 

 

.. స్వస్తినోమిమీతాం సూక్తం ..

 

ఋగ్వేద సంహితాః మండల-5, అష్టక-4, సూక్త-51 

ఋషిః స్వస్త్యాత్రేయ 

ఛందః త్రిష్టుప్ 1,2,3 అనుష్టుప్ 4,5 

దేవతా విశ్వేదేవతాః 

 

ఓం స్వ॒స్తి నో᳚ మిమీతామ॒శ్వినా॒ భగః॑ స్వ॒స్తి దే॒వ్యది॑తిరన॒ర్వణః॑ . స్వ॒స్తి పూ॒షా అసు॑రో దధాతు నః స్వ॒స్తి ద్యావా᳚పృథి॒వీ సు॑చే॒తునా᳚ .. 1 .. స్వ॒స్తయే᳚ వా॒యుముప॑ బ్రవామహై॒ సోమం᳚ స్వ॒స్తి భువ॑నస్య॒ యస్పతిః॑ . బృహ॒స్పతిం॒ సర్వ॑గణం స్వ॒స్తయే᳚ స్వ॒స్తయ॑ ఆది॒త్యాసో᳚ భవంతు నః .. 2 .. విశ్వే᳚ దే॒వా  నో᳚ అ॒ద్యా స్వ॒స్తయే᳚ వైశ్వాన॒రో వసు॑ర॒గ్నిః స్వ॒స్తయే᳚ . దే॒వా అ॑వంత్వృ॒భవః॑ స్వ॒స్తయే᳚ స్వ॒స్తి నో᳚ రు॒ద్రః పా॒త్వంహ॑సః .. 3 .. స్వ॒స్తి మి॑త్రావరుణా స్వ॒స్తి ప॑థ్యే రేవతి . స్వ॒స్తి న॒ ఇంద్ర॑శ్చా॒గ్నిశ్చ॑ స్వ॒స్తి నో᳚ అదితే కృధి .. 4 .. 

స్వ॒స్తి పంథా॒మను॑ చరేమ సూర్యాచంద్ర॒మసా᳚వివ . పున॒ర్దద॒తాఘ్న॑తా జాన॒తా సంగ॑మేమహి .. 5 .. 

 

.. ఓం శాంతిః॒ శాంతిః॒ శాంతిః॑ .. 

 

 

.. వైదిక రాష్ట్రగీతా ..

 

 

ఓం ఆబ్రహ్మ॑న్ బ్రాహ్మ॒ణో బ్ర॑హ్మవర్చ॒సీ జా॑యతా॒మాస్మిన్రా॒ష్ట్రే రా॑జ॒న్య॑ 

ఇష॒వ్యః శూరో॑ మహార॒థో జా॑యాతాం॒ దోగ్ధ్రీ॑ ధే॒నుర్వోఢా॑ఽన॒డ్వానా॒శుః సప్తిః॒ 

పురం॑ధిర్యోషా॑ జి॒ష్ణూ ర॑థేష్ఠాః స॒భేయో॒ యువాఽస్య యజ॑మానస్య వీ॒రో జా॑యతాం 

నికా॒మే ని॑కామే నః ప॒ర్జన్యో॑ వర్షతు ఫ॒లిన్యో॑ న॒ ఓష॑ధయః పచ్యంతాం యోగక్షే॒మో 

నః॑ కల్పతాం .. తైత్తిరీయ సంహితా 7.5.18 .. 

 

.. ఓం శాంతిః॒ శాంతిః॒ శాంతిః॑ .. 

 

.. చతుర్ వేదమంత్రాణి ..

 

 

ఓం అ॒గ్నిమీ᳚ళే పు॒రోహి॑తం య॒జ్ఞస్య॑ దే॒వమృ॒త్విజం᳚ . హోతా᳚రం రత్న॒ధాత॑మం .. 

 

ఇ॒షే త్వో॒ర్జేత్వా॑ వా॒యవ॑స్థో పా॒యవ॑స్థ దే॒వో వ॑స్సవి॒తా ప్రార్ప॑యతు॒ 

శ్రేష్ఠ॑తమాయ॒ కర్మ॑ణ॒ ఆప్యా॑యధ్వమఘ్నియా దేవభా॒గమూర్జ॑స్వతీః॒ పయ॑స్వతీః 

ప్ర॒జావ॑తీరనమీ॒వా అ॑య॒ఖ్ష్మామావ॑స్తే॒న ఈ॑శత॒ మాఽఘశగ్ం॑ సో రు॒ద్రస్య॑ 

హే॒తిః పరి॑వో వృణక్తు ధ్రు॒వా అ॒స్మిన్గోప॑తౌ స్యాత బ॒హ్వీర్యజ॑మానస్య ప॒శూన్పా॑హి .. 

 

అగ్న॒ ఆయా॑హి వీ॒తయే॑ గృణా॒నో హ॒వ్యదా॑తయే . ని హోతా॑ సథ్సి బ॒ర్॒హిషి॑ .. 

 

శం నో॑ దే॒వీర॒భిష్ట॑య॒ ఆపో॑ భవంతు పీ॒తయే᳚ . శం యోర॒భిస్ర॑వంతు నః .. 

 

.. ఓం శాంతిః॒ శాంతిః॒ శాంతిః॑ .. 

 

.. వాక్సూక్తం ..

 

 

ఓం దే॒వీం వాచ॑మజనయంత దే॒వాః . తాం వి॒శ్వరూ॑పాః ప॒శవో॑ వదంతి . 

సా నో॑ మం॒ద్రేష॒మూర్జం॒ దుహా॑నా . ధే॒నుర్వాగ॒స్మానుప॒సుష్టు॒తైతు॑ . 

యద్వాగ్వదం॑త్యవిచేత॒నాని॑ . రాష్ట్రీ॑దే॒వానాం᳚ నిష॒సాద॑మం॒ద్రా . చత॑స్ర॒ 

ఊర్జం॑ దుదుహే॒ పయాగ్ం॑సీ . క్వ॑స్విదస్యాః పర॒మం జ॑గామ . అ॒నం॒తామంతా॒దధి॒ 

నిర్మి॑తాం మ॒హీం . యస్యాం᳚ దే॒వా అ॑దధు॒ర్భోజ॑నాని . ఏకా᳚ఖ్షరాం ద్వి॒పదా॒గ్ం॒ 

షట్॑పదాం చ . వాచం॑ దే॒వా ఉప॑జీవంతి॒ విశ్వే᳚ . వాచం॑ దే॒వా ఉప॑జీవంతి॒ విశ్వే᳚ 

. వాచం॑ గంధ॒ర్వాః ప॒శవో॑ మను॒ష్యాః᳚ . వా॒చీ మా విశ్వా॒ భువ॑నా॒న్యర్పి॑తా . 

సా నో॒ హవం॑ జుషతా॒మింద్ర॑పత్నీ . వాగ॒ఖ్షరం॑ ప్రథమ॒జా ఋ॒తస్య॑ . వేదా॑నాం 

మా॒తాఽమృత॑స్య॒ నాభిః॑ . సా నో॑ జుషా॒ణోప॑ య॒జ్ఞమాగా᳚త్ . అవం॑తీ దే॒వీ సు॒హవా॑ 

మే అస్తు . యా మృష॑యో మంత్ర॒కృతో॑ మనీ॒షిణః॑ . అ॒న్వైచ్ఛం॑దే॒వాస్తప॑సా॒ 

శ్రమే॑ణ . తాం దే॒వీం వాచగ్ం॑ హ॒విషా॑ యజామహే . సా నో॑ దధాతు సుకృ॒తస్య॑ 

లో॒కే . చ॒త్వారి॒వాక్పరి॑మితా ప॒దాని॑ . తాని॑ విదుర్బ్రాహ్మ॒ణా యే మ॑నీ॒షిణః॑ . 

గుహా॒ త్రీణి॒ నిహి॑తా॒ నేంగ॑యంతి . తు॒రీయం॑ వా॒చో మ॑ను॒ష్యా॑ వదంతి .. 

 

.. ఓం శాంతిః॒ శాంతిః॒ శాంతిః॑ ..