సం పూ॑షన్వి॒దుషా॑ నయ॒ యో అంజ॑సాను॒శాస॑తి .
య ఏ॒వేదమితి॒ బ్రవ॑త్ .. 6.054.01
సము॑ పూ॒ష్ణా గ॑మేమహి॒ యో గృ॒హాఀ అ॑భి॒శాస॑తి .
ఇ॒మ ఏ॒వేతి॑ చ॒ బ్రవ॑త్ .. 6.054.02
పూ॒ష్ణశ్చ॒క్రం న రి॑ష్యతి॒ న కోశోఽవ॑ పద్యతే .
నో అ॑స్య వ్యథతే ప॒విః .. 6.054.03
యో అ॑స్మై హ॒విషావి॑ధ॒న్న తం పూ॒షాపి॑ మృష్యతే .
ప్ర॒థ॒మో విం॑దతే॒ వసు॑ .. 6.054.04
పూ॒షా గా అన్వే॑తు నః పూ॒షా ర॑క్ష॒త్వర్వ॑తః .
పూ॒షా వాజం॑ సనోతు నః .. 6.054.05
పూష॒న్నను॒ ప్ర గా ఇ॑హి॒ యజ॑మానస్య సున్వ॒తః .
అ॒స్మాకం॑ స్తువ॒తాము॒త .. 6.054.06
మాకి॑ర్నేశ॒న్మాకీం॑ రిష॒న్మాకీం॒ సం శా॑రి॒ కేవ॑టే .
అథారి॑ష్టాభి॒రా గ॑హి .. 6.054.07
శృ॒ణ్వంతం॑ పూ॒షణం॑ వ॒యమిర్య॒మన॑ష్టవేదసం .
ఈశా॑నం రా॒య ఈ॑మహే .. 6.054.08
పూషం॒తవ॑ వ్ర॒తే వ॒యం న రి॑ష్యేమ॒ కదా॑ చ॒న .
స్తో॒తార॑స్త ఇ॒హ స్మ॑సి .. 6.054.09
పరి॑ పూ॒షా ప॒రస్తా॒ద్ధస్తం॑ దధాతు॒ దక్షి॑ణం .
పున॑ర్నో న॒ష్టమాజ॑తు .. 6.054.10
No comments:
Post a Comment