శ్రీవిష్ణుసూక్తం

(1.22) ప్రథమమం మండలం ద్వావింశం సూక్తస్య భాగః

ఋషిః - మేధతిథిః కాణ్వః . దేవతా - విష్ణుః .

చందః - 16, 20, 21 గాయత్రీ; 17, 18 పిపీలికామశ్యానిచృద్గాయత్రీ;

19 నిచృద్ గాయత్రీ, స్వరః - షడ్జః .

అతో᳚ దే॒వా అ॑వంతు నో॒ యతో॒ విష్ణు॑ర్విచక్ర॒మే .

పృ॒థి॒వ్యాః స॒ప్త ధామ॑భిః .. 1.022.16

ఇ॒దం విష్ణు॒ర్వి చ॑క్రమే త్రే॒ధా ని ద॑ధే ప॒దం .

సమూ᳚ళ్హమస్య పాంసు॒రే .. 1.022.17

త్రీణి॑ ప॒దా వి చ॑క్రమే॒ విష్ణు॑ర్గో॒పా అదా᳚భ్యః .

అతో॒ ధర్మా᳚ణి ధా॒రయ॑న్ .. 1.022.18

విష్ణోః॒ కర్మా᳚ణి పశ్యత॒ యతో᳚ వ్ర॒తాని॑ పస్ప॒శే .

ఇంద్ర॑స్య॒ యుజ్యః॒ సఖా᳚ .. 1.022.19

తద్విష్ణోః᳚ పర॒మం ప॒దం సదా᳚ పశ్యంతి సూ॒రయః॑ .

ది॒వీ᳚వ॒ చక్షు॒రాత॑తం .. 1.022.20

తద్విప్రా᳚సో విప॒న్యవో᳚ జాగృ॒వాంసః॒ సమిం᳚ధతే .

విష్ణో॒ర్యత్ప॑ర॒మం ప॒దం .. 1.022.21

     (1.154) ప్రథమమం మండలం చతుష్పంచాశదుత్తరశతతమం సూక్తం

ఋషిః - దిర్ఘతమాః ఔచథ్య . దేవతా - విష్ణుః .

చందః - 1, 2 విరాట్త్రిష్టుప్, 3, 4, 6 నిచృత్త్రిష్టుప్; 5 త్రిష్టుప్,

స్వరః - ధైవతః .

విష్ణో॒ర్ను కం᳚ వీ॒ర్యా᳚ణి॒ ప్ర వో᳚చం॒ యః పార్థి॑వాని విమ॒మే రజాం᳚సి .

యో అస్క॑భాయ॒దుత్త॑రం స॒ధస్థం᳚ విచక్రమా॒ణస్త్రే॒ధోరు॑గా॒యః .. 1.154.01

ప్ర తద్విష్ణుః॑ స్తవతే వీ॒ర్యే᳚ణ మృ॒గో న భీ॒మః కు॑చ॒రో గి॑రి॒ష్ఠాః .

యస్యో॒రుషు॑ త్రి॒షు వి॒క్రమ॑ణేష్వధిక్షి॒యంతి॒ భువ॑నాని॒ విశ్వా᳚ .. 1.154.02

ప్ర విష్ణ॑వే శూ॒షమే᳚తు॒ మన్మ॑ గిరి॒క్షిత॑ ఉరుగా॒యాయ॒ వృష్ణే᳚ .

య ఇ॒దం దీ॒ర్ఘం ప్రయ॑తం స॒ధస్థ॒మేకో᳚ విమ॒మే త్రి॒భిరిత్ప॒దేభిః॑ .. 1.154.03

యస్య॒ త్రీ పూ॒ర్ణా మధు॑నా ప॒దాన్యక్షీ᳚యమాణా స్వ॒ధయా॒ మదం᳚తి .

య ఉ॑ త్రి॒ధాతు॑ పృథి॒వీము॒త ద్యామేకో᳚ దా॒ధార॒ భువ॑నాని॒ విశ్వా॑ .. 1.154.04

తద॑స్య ప్రి॒యమ॒భి పాథో॑ అశ్యాం॒ నరో॒ యత్ర॑ దేవ॒యవో॒ మదం॑తి .

ఉ॒రు॒క్ర॒మస్య॒ స హి బంధు॑రి॒త్థా విష్ణోః᳚ ప॒దే ప॑ర॒మే మధ్వ॒ ఉత్సః॑ .. 1.154.05

తా వాం॒ వాస్తూ᳚న్యుశ్మసి॒ గమ॑ధ్యై॒ యత్ర॒ గావో॒ భూరి॑శృంగా అ॒యాసః॑ .

అత్రాహ॒ తదు॑రుగా॒యస్య॒ వృష్ణః॑ పర॒మం ప॒దమవ॑ భాతి॒ భూరి॑ .. 1.154.06

     (1.155) ప్రథమమం మండలం పంచపంచాశదుత్తరశతతమం సూక్తం

ఋషిః - దీర్ఘతమాః ఔచథ్య . దేవతా - విష్ణుః (2 ఇంద్రః, విష్ణుః) .

ఛందః - 1, 3, 6 భురిక్త్రిష్టుప్; 2 నిచృజ్జగతీ; 4 స్వరాట్త్రిష్టుప్;

5 నిచృత్త్రిష్టుప్ . స్వరః - 1, 3-6 ధైవతః; 2 నిషాదః .

ప్ర వః॒ పాంత॒మంధ॑సో ధియాయ॒తే మ॒హే శూరా᳚య॒ విష్ణ॑వే చార్చత .

యా సాను॑ని॒ పర్వ॑తానా॒మదా᳚భ్యా మ॒హస్త॒స్థతు॒రర్వ॑తేవ సా॒ధునా᳚ .. 1.155.01

త్వే॒షమి॒త్థా స॒మర॑ణం॒ శిమీ᳚వతో॒రింద్రా᳚విష్ణూ సుత॒పా వా᳚మురుష్యతి .

యా మర్త్యా᳚య ప్రతిధీ॒యమా᳚న॒మిత్కృ॒శానో॒రస్తు॑రస॒నాము॑రు॒ష్యథః॑ .. 1.155.02

తా ఈం᳚ వర్ధంతి॒ మహ్య॑స్య॒ పౌంస్యం॒ ని మా॒తరా᳚ నయతి॒ రేత॑సే భు॒జే .

దధా᳚తి పు॒త్రోఽవ॑రం॒ పరం᳚ పి॒తుర్నామ॑ తృ॒తీయ॒మధి॑ రోచ॒నే ది॒వః .. 1.155.03

తత్త॒దిద॑స్య॒ పౌంస్యం᳚ గృణీమసీ॒నస్య॑ త్రా॒తుర॑వృ॒కస్య॑ మీ॒ళ్హుషః॑ .

యః పార్థి॑వాని త్రి॒భిరిద్విగా᳚మభిరు॒రు క్రమి॑ష్టోరుగా॒యాయ॑ జీ॒వసే᳚ .. 1.155.04

ద్వే ఇద॑స్య॒ క్రమ॑ణే స్వ॒ర్దృశో᳚ఽభి॒ఖ్యాయ॒ మర్త్యో᳚ భురణ్యతి .

తృ॒తీయ॑మస్య॒ నకి॒రా ద॑ధర్షతి॒ వయ॑శ్చ॒న ప॒తయం᳚తః పత॒త్రిణః॑ .. 1.155.05

చ॒తుర్భిః॑ సా॒కం న॑వ॒తిం చ॒ నామ॑భిశ్చ॒క్రం న వృ॒త్తం వ్యతీ᳚ఀరవీవిపత్ .

బృ॒హచ్ఛ॑రీరో వి॒మిమా᳚న॒ ఋక్వ॑భి॒ర్యువాకు॑మారః॒ ప్రత్యే᳚త్యాహ॒వం .. 1.155.06

 

     (1.156) ప్రథమమం మండలం షట్పంచాశదుత్తరశతతమం సూక్తం

ఋషిః - దీర్ఘతమాః . దేవతా - విష్ణుః . ఛందః - 1 నిచృత్త్రిష్టుప్;

2 విరాట్త్రిష్టుప్; 3 నిచృజ్జగతీ; 4 జగతీ; 5 స్వరాట్త్రిష్టుప్ .

స్వరః - 1, 2, 5 ధైవతః; 3, 4 నిషాదః .

భవా᳚ మి॒త్రో న శేవ్యో᳚ ఘృ॒తాసు॑తి॒ర్విభూ᳚తద్యుమ్న ఏవ॒యా ఉ॑ స॒ప్రథాః᳚ .

అధా᳚ తే విష్ణో వి॒దుషా᳚ చి॒దర్ధ్యః॒ స్తోమో᳚ య॒జ్ఞశ్చ॒ రాధ్యో᳚ హ॒విష్మ॑తా .. 1.156.01

యః పూ॒ర్వ్యాయ॑ వే॒ధసే॒ నవీ᳚యసే సు॒మజ్జా᳚నయే॒ విష్ణ॑వే॒ దదా᳚శతి .

యో జా॒తమ॑స్య మహ॒తో మహి॒ బ్రవ॒త్సేదు॒ శ్రవో᳚భి॒ర్యుజ్యం᳚ చిద॒భ్య॑సత్ .. 1.156.02

తము॑ స్తోతారః పూ॒ర్వ్యం యథా᳚ వి॒ద ఋ॒తస్య॒ గర్భం᳚ జ॒నుషా᳚ పిపర్తన .

ఆస్య॑ జా॒నంతో॒ నామ॑ చిద్వివక్తన మ॒హస్తే᳚ విష్ణో సుమ॒తిం భ॑జామహే .. 1.156.03

తమ॑స్య॒ రాజా॒ వరు॑ణ॒స్తమ॒శ్వినా॒ క్రతుం॑ సచంత॒ మారు॑తస్య వే॒ధసః॑ .

దా॒ధార॒ దక్ష॑ముత్త॒మమ॑హ॒ర్విదం॑ వ్ర॒జం చ॒ విష్ణుః॒ సఖి॑వాఀ అపోర్ణు॒తే .. 1.156.04

ఆ యో వి॒వాయ॑ స॒చథా॑య॒ దైవ్య॒ ఇంద్రా॑య॒ విష్ణుః॑ సు॒కృతే॑ సు॒కృత్త॑రః .

వే॒ధా అ॑జిన్వత్త్రిషధ॒స్థ ఆర్య॑మృ॒తస్య॑ భా॒గే యజ॑మాన॒మాభ॑జత్ .. 1.156.05

        (6.69) షష్ఠం మండలం ఏకోనసప్తతితమం సూక్తం

ఋషిః - భరద్వాజో బార్హస్పత్యః . దేవతా - ఇంద్రావిష్ణూ .

ఛందః - 1, 3, 6, 7నిచృత్త్రిష్టుప్; 2, 4, 8 త్రిష్టుప్; 5 బ్రాహ్మ్యుష్ణిక్ .

స్వరః - 1-4, 6-8 ధైవతః; 5 ఋషభః .

సం వాం॒ కర్మ॑ణా॒ సమి॒షా హి॑నో॒మీంద్రా᳚విష్ణూ॒ అప॑సస్పా॒రే అ॒స్య .

జు॒షేథాం᳚ య॒జ్ఞం ద్రవి॑ణం చ ధత్త॒మరి॑ష్టైర్నః ప॒థిభిః॑ పా॒రయం᳚తా .. 6.069.01

యా విశ్వా᳚సాం జని॒తారా᳚ మతీ॒నామింద్రా॒విష్ణూ᳚ క॒లశా᳚ సోమ॒ధానా᳚ .

ప్ర వాం॒ గిరః॑ శ॒స్యమా᳚నా అవంతు॒ ప్ర స్తోమా᳚సో గీ॒యమా᳚నాసో అ॒ర్కైః .. 6.069.02

ఇంద్రా᳚విష్ణూ మదపతీ మదానా॒మా సోమం᳚ యాతం॒ ద్రవి॑ణో॒ దధా᳚నా .

సం వా᳚మంజంత్వ॒క్తుభి᳚ర్మతీ॒నాం సం స్తోమా॑సః శ॒స్యమా᳚నాస ఉ॒క్థైః .. 6.069.03

ఆ వా॒మశ్వా᳚సో అభిమాతి॒షాహ॒ ఇంద్రా᳚విష్ణూ సధ॒మాదో᳚ వహంతు .

జు॒షేథాం॒ విశ్వా॒ హవ॑నా మతీ॒నాముప॒ బ్రహ్మా᳚ణి శృణుతం॒ గిరో᳚ మే .. 6.069.04

ఇంద్రా᳚విష్ణూ॒ తత్ప॑న॒యాయ్యం᳚ వాం॒ సోమ॑స్య॒ మద॑ ఉ॒రు చ॑క్రమాథే .

అకృ॑ణుతమం॒తరి॑క్షం॒ వరీ॒యోఽప్ర॑థతం జీ॒వసే᳚ నో॒ రజాం᳚సి .. 6.069.05

ఇంద్రా᳚విష్ణూ హ॒విషా᳚ వావృధా॒నాగ్రా᳚ద్వానా॒ నమ॑సా రాతహవ్యా .

ఘృతా᳚సుతీ॒ ద్రవి॑ణం ధత్తమ॒స్మే స॑ము॒ద్రః స్థః॑ క॒లశః॑ సోమ॒ధానః॑ .. 6.069.06

ఇంద్రా᳚విష్ణూ॒ పిబ॑తం॒ మధ్వో᳚ అ॒స్య సోమ॑స్య దస్రా జ॒ఠరం᳚ పృణేథాం .

ఆ వా॒మంధాం᳚సి మది॒రాణ్య॑గ్మ॒న్నుప॒ బ్రహ్మా᳚ణి శృణుతం॒ హవం᳚ మే .. 6.069.07

ఉ॒భా జి॑గ్యథు॒ర్న పరా᳚ జయేథే॒ న పరా॑ జిగ్యే కత॒రశ్చ॒నైనోః᳚ .

ఇంద్ర॑శ్చ విష్ణో॒ యదప॑స్పృధేథాం త్రే॒ధా స॒హస్రం॒ వి తదై᳚రయేథాం .. 6.069.08

        (7.99) సప్తమమం మండలం నవనవతితమం సూక్తం

ఋషిః - వసిష్ఠః . దేవతా - 1-3, 7 విష్ణుః; 4-6 ఇంద్రావిష్ణూ .

ఛందః - 1, 6 విరాట్త్రిష్టుప్; 2, 3 త్రిష్టుప్; 4, 5, 7 నిచృత్త్రిష్టుప్ .

స్వరః - ధైవతః .

ప॒రో మాత్ర॑యా త॒న్వా᳚ వృధాన॒ న తే᳚ మహి॒త్వమన్వ॑శ్నువంతి .

ఉ॒భే తే᳚ విద్మ॒ రజ॑సీ పృథి॒వ్యా విష్ణో᳚ దేవ॒ త్వం ప॑ర॒మస్య॑ విత్సే .. 7.099.01

న తే᳚ విష్ణో॒ జాయ॑మానో॒ న జా॒తో దేవ॑ మహి॒మ్నః పర॒మంత॑మాప .

ఉద॑స్తభ్నా॒ నాక॑మృ॒ష్వం బృ॒హంతం᳚ దా॒ధర్థ॒ ప్రాచీం᳚ క॒కుభం᳚ పృథి॒వ్యాః .. 7.099.02

ఇరా᳚వతీ ధేను॒మతీ॒ హి భూ॒తం సూ᳚యవ॒సినీ॒ మను॑షే దశ॒స్యా .

వ్య॑స్తభ్నా॒ రోద॑సీ విష్ణవే॒తే దా॒ధర్థ॑ పృథి॒వీమ॒భితో᳚ మ॒యూఖైః᳚ .. 7.099.03

ఉ॒రుం య॒జ్ఞాయ॑ చక్రథురు లో॒కం జ॒నయం᳚తా॒ సూర్య॑ము॒షాస॑మ॒గ్నిం .

దాస॑స్య చిద్వృషశి॒ప్రస్య॑ మా॒యా జ॒ఘ్నథు᳚ర్నరా పృత॒నాజ్యే᳚షు .. 7.099.04

ఇంద్రా᳚విష్ణూ దృంహి॒తాః శంబ॑రస్య॒ నవ॒ పురో᳚ నవ॒తిం చ॑ శ్నథిష్టం .

శ॒తం వ॒ర్చినః॑ స॒హస్రం᳚ చ సా॒కం హ॒థో అ॑ప్ర॒త్యసు॑రస్య వీ॒రాన్ .. 7.099.05

ఇ॒యం మ॑నీ॒షా బృ॑హ॒తీ బృ॒హంతో॑రుక్ర॒మా త॒వసా᳚ వ॒ర్ధయం᳚తీ .

ర॒రే వాం॒ స్తోమం᳚ వి॒దథే᳚షు విష్ణో॒ పిన్వ॑త॒మిషో᳚ వృ॒జనే᳚ష్వింద్ర .. 7.099.06

వష॑ట్ తే విష్ణవా॒స ఆ కృ॑ణోమి॒ తన్మే᳚ జుషస్వ శిపివిష్ట హ॒వ్యం .

వర్ధం᳚తు త్వా సుష్టు॒తయో॒ గిరో᳚ మే యూ॒యం పా᳚త స్వ॒స్తిభిః॒ సదా᳚ నః .. 7.099.07

        (7.100) సప్తమమం మండలం శతతమం సూక్తం

ఋషిః - వసిష్ఠః మైత్రావరుణి . దేవతా - విష్ణుః .

ఛందః - 1, 2, 5-7 నిచృత్త్రిష్టుప్; 3 విరాట్త్రిష్టుప్; 4 ఆర్షీత్రిష్టుప్ .

స్వరః - ధైవతః .

నూ మర్తో᳚ దయతే సని॒ష్యన్యో విష్ణ॑వ ఉరుగా॒యాయ॒ దాశ॑త్ .

ప్ర యః స॒త్రాచా॒ మన॑సా॒ యజా᳚త ఏ॒తావం᳚తం॒ నర్య॑మా॒వివా᳚సాత్ .. 7.100.01

త్వం వి॑ష్ణో సుమ॒తిం వి॒శ్వజ᳚న్యా॒మప్ర॑యుతామేవయావో మ॒తిం దాః᳚ .

పర్చో॒ యథా᳚ నః సువి॒తస్య॒ భూరే॒రశ్వా᳚వతః పురుశ్చం॒ద్రస్య॑ రా॒యః .. 7.100.02

త్రిర్దే॒వః పృ॑థి॒వీమే॒ష ఏ॒తాం వి చ॑క్రమే శ॒తర్చ॑సం మహి॒త్వా .

ప్ర విష్ణు॑రస్తు త॒వస॒స్తవీ᳚యాంత్వే॒షం హ్య॑స్య॒ స్థవి॑రస్య॒ నామ॑ .. 7.100.03

వి చ॑క్రమే పృథి॒వీమే॒ష ఏ॒తాం క్షేత్రా᳚య॒ విష్ణు॒ర్మను॑షే దశ॒స్యన్ .

ధ్రు॒వాసో᳚ అస్య కీ॒రయో॒ జనా᳚స ఉరుక్షి॒తిం సు॒జని॑మా చకార .. 7.100.04

ప్ర తత్తే᳚ అ॒ద్య శి॑పివిష్ట॒ నామా॒ర్యః శం᳚సామి వ॒యునా᳚ని వి॒ద్వాన్ .

తం త్వా᳚ గృణామి త॒వస॒మత᳚వ్యా॒న్క్షయం᳚తమ॒స్య రజ॑సః పరా॒కే .. 7.100.05

కిమిత్తే᳚ విష్ణో పరి॒చక్ష్యం᳚ భూ॒త్ప్ర యద్వ॑వ॒క్షే శి॑పివి॒ష్టో అ॑స్మి .

మా వర్పో᳚ అ॒స్మదప॑ గూహ ఏ॒తద్యద॒న్యరూ᳚పః సమి॒థే బ॒భూథ॑ .. 7.100.06

వష॑ట్ తే విష్ణవా॒స ఆ కృ॑ణోమి॒ తన్మే᳚ జుషస్వ శిపివిష్ట హ॒వ్యం .

వర్ధం᳚తు త్వా సుష్టు॒తయో॒ గిరో᳚ మే యూ॒యం పా᳚త స్వ॒స్తిభిః॒ సదా᳚ నః .. 7.100.07

ఓం శాంతిః॒ శాంతిః॒ శాంతిః॑ ..

శ్రీవిష్ణుసూక్తం .

(స్వరాంకనవిరహితం)

        (1.22) ప్రథమమం మండలం ద్వావింశం సూక్తస్య భాగః

ఋషిః - మేధతిథిః కాన్వః . దేవతా - విష్ణుః .

చందః - 16, 20, 21 గాయత్రీ; 17, 18 పిపీలికామశ్యానిచృద్గాయత్రీ;

19 నిచృద్ గాయత్రీ, స్వరః - షడ్జః .

అతో దేవా అవంతు నో యతో విష్ణుర్విచక్రమే .

పృథివ్యాః సప్త ధామభిః .. 1.022.16

ఇదం విష్ణుర్వి చక్రమే త్రేధా ని దధే పదం .

సమూళ్హమస్య పాంసురే .. 1.022.17

త్రీణి పదా వి చక్రమే విష్ణుర్గోపా అదాభ్యః .

అతో ధర్మాణి ధారయన్ .. 1.022.18

విష్ణోః కర్మాణి పశ్యత యతో వ్రతాని పస్పశే .

ఇంద్రస్య యుజ్యః సఖా .. 1.022.19

తద్విష్ణోః పరమం పదం సదా పశ్యంతి సూరయః .

దివీవ చక్షురాతతం .. 1.022.20

తద్విప్రాసో విపన్యవో జాగృవాంసః సమింధతే .

విష్ణోర్యత్పరమం పదం .. 1.022.21

     (1.154) ప్రథమమం మండలం చతుష్పంచాశదుత్తరశతతమం సూక్తం

ఋషిః - దిర్ఘతమాః ఔచథ్య . దేవతా - విష్ణుః .

చందః - 1, 2 విరాట్త్రిష్టుప్, 3, 4, 6 నిచృత్త్రిష్టుప్; 5 త్రిష్టుప్,

స్వరః - ధైవతః .

విష్ణోర్ను కం వీర్యాణి ప్ర వోచం యః పార్థివాని విమమే రజాంసి .

యో అస్కభాయదుత్తరం సధస్థం విచక్రమాణస్త్రేధోరుగాయః .. 1.154.01

ప్ర తద్విష్ణుః స్తవతే వీర్యేణ మృగో న భీమః కుచరో గిరిష్ఠాః .

యస్యోరుషు త్రిషు విక్రమణేష్వధిక్షియంతి భువనాని విశ్వా .. 1.154.02

ప్ర విష్ణవే శూషమేతు మన్మ గిరిక్షిత ఉరుగాయాయ వృష్ణే .

య ఇదం దీర్ఘం ప్రయతం సధస్థమేకో విమమే త్రిభిరిత్పదేభిః .. 1.154.03

యస్య త్రీ పూర్ణా మధునా పదాన్యక్షీయమాణా స్వధయా మదంతి .

య ఉ త్రిధాతు పృథివీముత ద్యామేకో దాధార భువనాని విశ్వా .. 1.154.04

తదస్య ప్రియమభి పాథో అశ్యాం నరో యత్ర దేవయవో మదంతి .

ఉరుక్రమస్య స హి బంధురిత్థా విష్ణోః పదే పరమే మధ్వ ఉత్సః .. 1.154.05

తా వాం వాస్తూన్యుశ్మసి గమధ్యై యత్ర గావో భూరిశృంగా అయాసః .

అత్రాహ తదురుగాయస్య వృష్ణః పరమం పదమవ భాతి భూరి .. 1.154.06

     (1.155) ప్రథమమం మండలం పంచపంచాశదుత్తరశతతమం సూక్తం

ఋషిః - దీర్ఘతమాః ఔచథ్య . దేవతా - విష్ణుః (2 ఇంద్రః, విష్ణుః) .

ఛందః - 1, 3, 6 భురిక్త్రిష్టుప్; 2 నిచృజ్జగతీ; 4 స్వరాట్త్రిష్టుప్;

5 నిచృత్త్రిష్టుప్ . స్వరః - 1, 3-6 ధైవతః; 2 నిషాదః .

ప్ర వః పాంతమంధసో ధియాయతే మహే శూరాయ విష్ణవే చార్చత .

యా సానుని పర్వతానామదాభ్యా మహస్తస్థతురర్వతేవ సాధునా .. 1.155.01

త్వేషమిత్థా సమరణం శిమీవతోరింద్రావిష్ణూ సుతపా వామురుష్యతి .

యా మర్త్యాయ ప్రతిధీయమానమిత్కృశానోరస్తురసనామురుష్యథః .. 1.155.02

తా ఈం వర్ధంతి మహ్యస్య పౌంస్యం ని మాతరా నయతి రేతసే భుజే .

దధాతి పుత్రోఽవరం పరం పితుర్నామ తృతీయమధి రోచనే దివః .. 1.155.03

తత్తదిదస్య పౌంస్యం గృణీమసీనస్య త్రాతురవృకస్య మీళ్హుషః .

యః పార్థివాని త్రిభిరిద్విగామభిరురు క్రమిష్టోరుగాయాయ జీవసే .. 1.155.04

ద్వే ఇదస్య క్రమణే స్వర్దృశోఽభిఖ్యాయ మర్త్యో భురణ్యతి .

తృతీయమస్య నకిరా దధర్షతి వయశ్చన పతయంతః పతత్రిణః .. 1.155.05

చతుర్భిః సాకం నవతిం చ నామభిశ్చక్రం న వృత్తం వ్యతీఀరవీవిపత్ .

బృహచ్ఛరీరో విమిమాన ఋక్వభిర్యువాకుమారః ప్రత్యేత్యాహవం .. 1.155.06

 

     (1.156) ప్రథమమం మండలం షట్పంచాశదుత్తరశతతమం సూక్తం

ఋషిః - దీర్ఘతమాః . దేవతా - విష్ణుః . ఛందః - 1 నిచృత్త్రిష్టుప్;

2 విరాట్త్రిష్టుప్; 3 నిచృజ్జగతీ; 4 జగతీ; 5 స్వరాట్త్రిష్టుప్ .

స్వరః - 1, 2, 5 ధైవతః; 3, 4 నిషాదః .

భవా మిత్రో న శేవ్యో ఘృతాసుతిర్విభూతద్యుమ్న ఏవయా ఉ సప్రథాః .

అధా తే విష్ణో విదుషా చిదర్ధ్యః స్తోమో యజ్ఞశ్చ రాధ్యో హవిష్మతా .. 1.156.01

యః పూర్వ్యాయ వేధసే నవీయసే సుమజ్జానయే విష్ణవే దదాశతి .

యో జాతమస్య మహతో మహి బ్రవత్సేదు శ్రవోభిర్యుజ్యం చిదభ్యసత్ .. 1.156.02

తము స్తోతారః పూర్వ్యం యథా విద ఋతస్య గర్భం జనుషా పిపర్తన .

ఆస్య జానంతో నామ చిద్వివక్తన మహస్తే విష్ణో సుమతిం భజామహే .. 1.156.03

తమస్య రాజా వరుణస్తమశ్వినా క్రతుం సచంత మారుతస్య వేధసః .

దాధార దక్షముత్తమమహర్విదం వ్రజం చ విష్ణుః సఖివాఀ అపోర్ణుతే .. 1.156.04

ఆ యో వివాయ సచథాయ దైవ్య ఇంద్రాయ విష్ణుః సుకృతే సుకృత్తరః .

వేధా అజిన్వత్త్రిషధస్థ ఆర్యమృతస్య భాగే యజమానమాభజత్ .. 1.156.05

        (6.69) షష్ఠం మండలం ఏకోనసప్తతితమం సూక్తం

ఋషిః - భరద్వాజో బార్హస్పత్యః . దేవతా - ఇంద్రావిష్ణూ .

ఛందః - 1, 3, 6, 7నిచృత్త్రిష్టుప్; 2, 4, 8 త్రిష్టుప్; 5 బ్రాహ్మ్యుష్ణిక్ .

స్వరః - 1-4, 6-8 ధైవతః; 5 ఋషభః .

సం వాం కర్మణా సమిషా హినోమీంద్రావిష్ణూ అపసస్పారే అస్య .

జుషేథాం యజ్ఞం ద్రవిణం చ ధత్తమరిష్టైర్నః పథిభిః పారయంతా .. 6.069.01

యా విశ్వాసాం జనితారా మతీనామింద్రావిష్ణూ కలశా సోమధానా .

ప్ర వాం గిరః శస్యమానా అవంతు ప్ర స్తోమాసో గీయమానాసో అర్కైః .. 6.069.02

ఇంద్రావిష్ణూ మదపతీ మదానామా సోమం యాతం ద్రవిణో దధానా .

సం వామంజంత్వక్తుభిర్మతీనాం సం స్తోమాసః శస్యమానాస ఉక్థైః .. 6.069.03

ఆ వామశ్వాసో అభిమాతిషాహ ఇంద్రావిష్ణూ సధమాదో వహంతు .

జుషేథాం విశ్వా హవనా మతీనాముప బ్రహ్మాణి శృణుతం గిరో మే .. 6.069.04

ఇంద్రావిష్ణూ తత్పనయాయ్యం వాం సోమస్య మద ఉరు చక్రమాథే .

అకృణుతమంతరిక్షం వరీయోఽప్రథతం జీవసే నో రజాంసి .. 6.069.05

ఇంద్రావిష్ణూ హవిషా వావృధానాగ్రాద్వానా నమసా రాతహవ్యా .

ఘృతాసుతీ ద్రవిణం ధత్తమస్మే సముద్రః స్థః కలశః సోమధానః .. 6.069.06

ఇంద్రావిష్ణూ పిబతం మధ్వో అస్య సోమస్య దస్రా జఠరం పృణేథాం .

ఆ వామంధాంసి మదిరాణ్యగ్మన్నుప బ్రహ్మాణి శృణుతం హవం మే .. 6.069.07

ఉభా జిగ్యథుర్న పరా జయేథే న పరా జిగ్యే కతరశ్చనైనోః .

ఇంద్రశ్చ విష్ణో యదపస్పృధేథాం త్రేధా సహస్రం వి తదైరయేథాం .. 6.069.08

        (7.99) సప్తమమం మండలం నవనవతితమం సూక్తం

ఋషిః - వసిష్ఠః . దేవతా - 1-3, 7 విష్ణుః; 4-6 ఇంద్రావిష్ణూ .

ఛందః - 1, 6 విరాట్త్రిష్టుప్; 2, 3 త్రిష్టుప్; 4, 5, 7 నిచృత్త్రిష్టుప్ .

స్వరః - ధైవతః .

పరో మాత్రయా తన్వా వృధాన న తే మహిత్వమన్వశ్నువంతి .

ఉభే తే విద్మ రజసీ పృథివ్యా విష్ణో దేవ త్వం పరమస్య విత్సే .. 7.099.01

న తే విష్ణో జాయమానో న జాతో దేవ మహిమ్నః పరమంతమాప .

ఉదస్తభ్నా నాకమృష్వం బృహంతం దాధర్థ ప్రాచీం కకుభం పృథివ్యాః .. 7.099.02

ఇరావతీ ధేనుమతీ హి భూతం సూయవసినీ మనుషే దశస్యా .

వ్యస్తభ్నా రోదసీ విష్ణవేతే దాధర్థ పృథివీమభితో మయూఖైః .. 7.099.03

ఉరుం యజ్ఞాయ చక్రథురు లోకం జనయంతా సూర్యముషాసమగ్నిం .

దాసస్య చిద్వృషశిప్రస్య మాయా జఘ్నథుర్నరా పృతనాజ్యేషు .. 7.099.04

ఇంద్రావిష్ణూ దృంహితాః శంబరస్య నవ పురో నవతిం చ శ్నథిష్టం .

శతం వర్చినః సహస్రం చ సాకం హథో అప్రత్యసురస్య వీరాన్ .. 7.099.05

ఇయం మనీషా బృహతీ బృహంతోరుక్రమా తవసా వర్ధయంతీ .

రరే వాం స్తోమం విదథేషు విష్ణో పిన్వతమిషో వృజనేష్వింద్ర .. 7.099.06

వషట్ తే విష్ణవాస ఆ కృణోమి తన్మే జుషస్వ శిపివిష్ట హవ్యం .

వర్ధంతు త్వా సుష్టుతయో గిరో మే యూయం పాత స్వస్తిభిః సదా నః .. 7.099.07

        (7.100) సప్తమమం మండలం శతతమం సూక్తం

ఋషిః - వసిష్ఠః మైత్రావరుణి . దేవతా - విష్ణుః .

ఛందః - 1, 2, 5-7 నిచృత్త్రిష్టుప్; 3 విరాట్త్రిష్టుప్; 4 ఆర్షీత్రిష్టుప్ .

స్వరః - ధైవతః .

నూ మర్తో దయతే సనిష్యన్యో విష్ణవ ఉరుగాయాయ దాశత్ .

ప్ర యః సత్రాచా మనసా యజాత ఏతావంతం నర్యమావివాసాత్ .. 7.100.01

త్వం విష్ణో సుమతిం విశ్వజన్యామప్రయుతామేవయావో మతిం దాః .

పర్చో యథా నః సువితస్య భూరేరశ్వావతః పురుశ్చంద్రస్య రాయః .. 7.100.02

త్రిర్దేవః పృథివీమేష ఏతాం వి చక్రమే శతర్చసం మహిత్వా .

ప్ర విష్ణురస్తు తవసస్తవీయాంత్వేషం హ్యస్య స్థవిరస్య నామ .. 7.100.03

వి చక్రమే పృథివీమేష ఏతాం క్షేత్రాయ విష్ణుర్మనుషే దశస్యన్ .

ధ్రువాసో అస్య కీరయో జనాస ఉరుక్షితిం సుజనిమా చకార .. 7.100.04

ప్ర తత్తే అద్య శిపివిష్ట నామార్యః శంసామి వయునాని విద్వాన్ .

తం త్వా గృణామి తవసమతవ్యాన్క్షయంతమస్య రజసః పరాకే .. 7.100.05

కిమిత్తే విష్ణో పరిచక్ష్యం భూత్ప్ర యద్వవక్షే శిపివిష్టో అస్మి .

మా వర్పో అస్మదప గూహ ఏతద్యదన్యరూపః సమిథే బభూథ .. 7.100.06

వషట్ తే విష్ణవాస ఆ కృణోమి తన్మే జుషస్వ శిపివిష్ట హవ్యం .

వర్ధంతు త్వా సుష్టుతయో గిరో మే యూయం పాత స్వస్తిభిః సదా నః .. 7.100.07

ఓం శాంతిః శాంతిః శాంతిః ..