( పుణ్యాహవాచనం )
తైత్తిరీయ సంహితా . కాండం - 5, ప్రపాఠకః - 6, అనువాకః - 1
తైత్తిరీయ బ్రాహ్మణం . అష్టకం - 1, ప్రశ్నః - 4, అనువాకః - 8
ఓం తచ్ఛం॒ యోరావృ॑ణీమహే . గా॒తుం య॒జ్ఞాయ॑. గా॒తుం య॒జ్ఞప॑తయే . దైవీ᳚స్స్వ॒స్తిర॑స్తు నః .
స్వ॒స్తిర్మాను॑షేభ్యః . ఊ॒ర్ధ్వం జి॑గాతు భేష॒జం . శన్నో॑ అస్తు ద్వి॒పదే᳚. శం చతు॑ష్పదే .
ఓం శాంతి॒శ్శాంతి॒శ్శాంతిః॑ .
ఓం .. హిర॑ణ్యవర్ణాః॒ శుచ॑యః పావ॒కా యాసు॑ జా॒తః క॒శ్యపో॒ యాస్వింద్రః॑ .
అ॒గ్నిం యా గర్భం॑ దధి॒రే విరూ॑పా॒స్తా న॒ ఆప॒శ్శꣳ స్యో॒నా భ॑వంతు..
యాసా॒ꣳ॒ రాజా॒ వరు॑ణో॒ యాతి॒ మధ్యే॑ సత్యానృ॒తే అ॑వ॒పశ్యం॒ జనా॑నాం .
మ॒ధు॒శ్చుత॒శ్శుచ॑యో॒ యాః పా॑వ॒కాస్తా న॒ ఆప॒శ్శꣳ స్యో॒నా భ॑వంతు..
యాసాం᳚ దే॒వా ది॒వి కృ॒ణ్వంతి॑ భ॒క్షం యా అం॒తరి॑క్షే బహు॒ధా భవం॑తి .
యాః పృ॑థి॒వీం పయ॑సోం॒దంతి శు॒క్రాస్తా న॒ ఆప॒శ్శꣳ స్యో॒నా భ॑వంతు..
శి॒వేన॑ మా॒ చక్షు॑షా పశ్యతాఽఽపశ్శి॒వయా॑ త॒నువోప॑ స్పృశత॒ త్వచం॑ మే .
సర్వాꣳ॑ అ॒గ్నీꣳ ర॑ప్సు॒షదో॑ హువే వో॒ మయి॒ వర్చో॒ బల॒మోజో॒ ని ధ॑త్త..
పవ॑మాన॒స్సువ॒ర్జనః॑ . ప॒విత్రే॑ణ॒ విచ॑ర్షణిః . యః పోతా॒ స పు॑నాతు మా . పు॒నంతు॑ మా దేవజ॒నాః .
పు॒నంతు॒ మన॑వో ధి॒యా . పు॒నంతు॒ విశ్వ॑ ఆ॒యవః॑ . జాత॑వేదః పవిత్ర॑వత్ . ప॒విత్రే॑ణ పునాహి మా .
శు॒క్రేణ॑ దేవ॒దీద్య॑త్ . అగ్నే॒ క్రత్వా॒ క్రతూ॒ꣳ॒ రను॑. యత్తే॑ ప॒విత్ర॑మ॒ర్చిషి॑. అగ్నే॒ విత॑తమంత॒రా .
బ్రహ్మ॒ తేన॑ పునీమహే . ఉ॒భాభ్యాం᳚ దేవసవితః . ప॒విత్రే॑ణ స॒వేన॑ చ . ఇ॒దం బ్రహ్మ॑ పునీమహే .
వై॒శ్వ॒దే॒వీ పు॑న॒తీ దే॒వ్యాగా᳚త్ . యస్యై॑ బ॒హ్వీస్త॒నువో॑ వీ॒తపృ॑ష్ఠాః .
తయా॒ మదం॑తః సధ॒మాద్యే॑షు . వ॒యꣳ స్యా॑మ॒ పత॑యో రయీ॒ణాం .
వై॒శ్వా॒న॒రో ర॒శ్మిభి॑ర్మా పునాతు . వాతః॑ ప్రా॒ణేనే॑షి॒రో మ॑యో॒ భూః .
ద్యావా॑పృథి॒వీ పయ॑సా॒ పయో॑భిః . ఋ॒తావ॑రీ య॒జ్ఞియే॑ మా పునీతాం .
బృ॒హద్భిః॑ సవిత॒స్తృభిః॑ . వర్షి॑ష్ఠైర్దేవ॒మన్మ॑భిః .
అగ్నే॒ దక్షైః᳚ పునాహి మా . యేన॑ దే॒వా అపు॑నత .
యేనాపో॑ ది॒వ్యంకశః॑ . తేన॑ ది॒వ్యేన॒ బ్రహ్మ॑ణా . ఇ॒దం బ్రహ్మ॑ పునీమహే . యః పా॑వమా॒నీర॒ధ్యేతి॑.
ఋషి॑భి॒స్సంభృ॑త॒ꣳ॒ రసం᳚. సర్వ॒ꣳ॒ స పూ॒తమ॑శ్నాతి .
స్వ॒ది॒తం మా॑త॒రిశ్వ॑నా . పా॒వ॒మానీర్యో అ॒ధ్యేతి॑.
ఋషి॑భి॒స్సంభృ॑త॒ꣳ॒ రసం᳚. తస్మై॒ సర॑స్వతీ దుహే . క్షీ॒రꣳ స॒ర్పిర్మధూ॑ద॒కం..
పా॒వ॒మా॒నీస్స్వ॒స్త్యయ॑నీః . సు॒దుఘా॒హి పయ॑స్వతీః .
ఋషి॑భి॒స్సంభృ॑తో॒ రసః॑ . బ్రా॒హ్మ॒ణేష్వ॒మృతꣳ॑ హి॒తం .
పా॒వ॒మా॒నీర్ది॑శంతు నః . ఇ॒మం లో॒కమథో॑ అ॒ముం .
కామాం॒థ్సమ॑ర్ధయంతు నః . దే॒వీర్దే॒వైః స॒మాభృ॑తాః .
పా॒వ॒మా॒నీస్స్వ॒స్త్యయ॑నీః . సు॒దుఘా॒హి ఘృ॑త॒శ్చుతః॑ .
ఋషి॑భి॒స్సంభృ॑తో॒ రసః॑ . బ్రా॒హ్మ॒ణేష్వ॒మృతꣳ॑ హి॒తం .
యేన॑ దే॒వాః ప॒విత్రే॑ణ . ఆ॒త్మానం॑ పు॒నతే॒ సదా᳚.
తేన॑ స॒హస్ర॑ధారేణ . పా॒వ॒మా॒న్యః పు॑నంతు మా .
ప్రా॒జా॒ప॒త్యం ప॒విత్రం᳚. శ॒తోధ్యా॑మꣳ హిర॒ణ్మయం᳚.
తేన॑ బ్రహ్మ॒ విదో॑ వ॒యం . పూ॒తం బ్రహ్మ॑ పునీమహే .
ఇంద్ర॑స్సునీ॒తీ స॒హమా॑ పునాతు . సోమ॑స్స్వ॒స్త్యా వ॑రుణస్స॒మీచ్యా᳚.
యమో॒ రాజా᳚ ప్రమృ॒ణాభిః॑ పునాతు మా . జా॒తవే॑దా మో॒ర్జయం॑త్యా పునాతు . భూర్భువ॒స్సువః॑ .
ఓం తచ్ఛం॒ యోరావృ॑ణీమహే . గా॒తుం య॒జ్ఞాయ॑. గా॒తుం యజ్ఞప॑తయే . దైవీ᳚స్స్వ॒స్తిర॑స్తు నః .
స్వ॒స్తిర్మాను॑షేభ్యః . ఊ॒ర్ధ్వం జి॑గాతు భేష॒జం . శన్నో॑ అస్తు ద్వి॒పదే᳚. శం చతు॑ష్పదే .
ఓం శాంతి॒శ్శాంతి॒శ్శాంతిః॑ .
No comments:
Post a Comment