గోసమూహ సూక్త

మా॒తా రు॒ద్రాణాం॑ దుహి॒తా వసూ॑నాం॒ స్వసా॑ది॒త్యానా॑మ॒మృత॑స్య॒ నాభిః॑ .

ప్ర ను వో॑చం చికి॒తుషే॒ జనా॑య॒ మా గామనా॑గా॒మది॑తిం వధిష్ట .. ఋగ్వేద 8.101.15

(అథర్వవేదసంహితాయాం చతుర్థకాండం ఏకవింశతిసూక్తం)

ఋషిః బ్రహ్మా, దేవతా గోసమూహ, ఛంద త్రిష్టుప్, 2-4 జగతి

ఆ గావో॑ అగ్మన్ను॒త భ॒ద్రమ॑క్రం॒త్సీదం॑తు గో॒ష్ఠే ర॒ణయం॑త్వ॒స్మే .

ప్ర॒జావ॑తీః పురు॒రూపా॑ ఇ॒హ స్యు॒రింద్రా॑య పూ॒ర్వీరు॒షసో॒ దుహా॑నాః .. 1..

ఇంద్రో॒ యజ్వ॑నే గృణతే చ శిక్ష॑త ఉపేద్ద॑దాతి న స్వం ము॑షాయతి .

భూయో॑భూయో ర॒యిమిద॑స్య వ॒ర్ధ॑యన్నభి॒న్నే ఖి॒ల్యే ని ద॑ధాతి దేవ॒యుం .. 2..

న తా న॑శంతి॒ న ద॑భాతి॒ తస్క॑రో నాసా॑మామి॒త్రో వ్య॒థిరా ద॑ధర్షతి .

దే॒వాంశ్చ॒ యాభి॒ర్యజ॑తే॒ దదా॑తి చ॒ జ్యోగిత్తాభిః॑ సచతే॒ గోప॑తిః స॒హ .. 3..

న తా అర్వా॑ రే॒ణుక॑కాటోఽశ్నుతే॒ న సం॑స్కృత॒త్రముప॑ యంతి॒ తా అ॒భి .

ఉ॒రు॒గా॒యమభ॑యం తస్య॒ తా అను॒ గావో॒ మర్త॑స్య॒ వి చ॑రంతి॒ యజ్వ॑నః .. 4..

గావో॒ భగో॒ గావ॒ ఇంద్రో॑ మ ఇచ్ఛా॒ద్గావః॒ సోమ॑స్య ప్రథ॒మస్య॑ భ॒క్షః .

ఇ॒మా యా గావః॒ స జ॑నాస॒ ఇంద్ర॑ ఇ॒చ్ఛామి॑ హృ॒దా మన॑సా చి॒దింద్రం॑ .. 5..

యూ॒యం గా॑వో మేదయథ కృ॒శం చి॑దశ్రీ॒రం చి॑త్కృణుథా సు॒ప్రతీ॑కం .

భ॒ద్రం గృ॒హం కృ॑ణుథ భద్రవాచో బృ॒హద్వో॒ వయ॑ ఉచ్యతే స॒భాసు॑ .. 6..

ప్ర॒జావ॑తీః సూ॒యవ॑సే రు॒శంతీః॑ శు॒ద్ధా అ॒పః సు॑ప్రపా॒ణే పిబం॑తీః .

మా వ॑ స్తే॒న ఈ॑శత॒ మాఘశం॑సః॒ పరి॑ వో రు॒ద్రస్య॑ హే॒తిర్వృ॑ణక్తు .. 7..

గోసూక్తం స్వరరహితం

మాతా రుద్రాణాం దుహితా వసూనాం స్వసాదిత్యానామమృతస్య నాభిః .

ప్ర ను వోచం చికితుషే జనాయ మా గామనాగామదితిం వధిష్ట .. ఋగ్వేద 8-101-15

(అథర్వవేదసంహితాయాం చతుర్థకాండం ఏకవింశతిసూక్తం)

ఆ గావో అగ్మన్నుత భద్రమక్రంత్సీదంతు గోష్ఠే రణయంత్వస్మే .

ప్రజావతీః పురురూపా ఇహ స్యురింద్రాయ పూర్వీరుషసో దుహానాః .. 1..

ఇంద్రో యజ్వనే గృణతే చ శిక్షత ఉపేద్దదాతి న స్వం ముషాయతి .

భూయోభూయో రయిమిదస్య వర్ధయన్నభిన్నే ఖిల్యే ని దధాతి దేవయుం .. 2..

న తా నశంతి న దభాతి తస్కరో నాసామామిత్రో వ్యథిరా దధర్షతి .

దేవాంశ్చ యాభిర్యజతే దదాతి చ జ్యోగిత్తాభిః సచతే గోపతిః సహ .. 3..

న తా అర్వా రేణుకకాటోఽశ్నుతే న సంస్కృతత్రముప యంతి తా అభి .

ఉరుగాయమభయం తస్య తా అను గావో మర్తస్య వి చరంతి యజ్వనః .. 4..

గావో భగో గావ ఇంద్రో మ ఇచ్ఛాద్గావః సోమస్య ప్రథమస్య భక్షః .

ఇమా యా గావః స జనాస ఇంద్ర ఇచ్ఛామి హృదా మనసా చిదింద్రం .. 5..

యూయం గావో మేదయథ కృశం చిదశ్రీరం చిత్కృణుథా సుప్రతీకం .

భద్రం గృహం కృణుథ భద్రవాచో బృహద్వో వయ ఉచ్యతే సభాసు .. 6..

ప్రజావతీః సూయవసే రుశంతీః శుద్ధా అపః సుప్రపాణే పిబంతీః .

మా వ స్తేన ఈశత మాఘశంసః పరి వో రుద్రస్య హేతిర్వృణక్తు .. 7..