అఘోరకవచం అఘోరమూర్తికవచం

ఓం శ్రీగణేశాయ నమః .

అథ అఘోరకవచం లిఖ్యతే .

శ్రీ అఘోరభైరవాయ నమః .

భైరవీ ఉవాచ -

భగవన్కరుణాంభోధే శాస్త్రాంభోనిధిపారగ .

పురాఽస్మాకం వరో దత్తః తం దాతుం మే క్షమో భవ .. 1..

భైరవ ఉవాచ -

సత్యం పురా వరో దత్తో వరం వరయ పార్వతి .

యత్కించిన్మనసీష్టం స్యాత్తద్దాతుం తే క్షమోఽస్మ్యహం .. 2..

దేవీ ఉవాచ -

అఘోరస్య మహాదేవ కవచం దేవదుర్లభం .

శీఘ్రం మే దయయా బ్రూహి యద్యహం ప్రేయసీ తవ .. 3..

భైరవ ఉవాచ -

అఘోరకవచం వక్ష్యే మహామంత్రమయం పరం .

రహస్యం పరమం తత్త్వం న చాఖ్యేయం దురాత్మనే .. 4..

అస్య శ్రీ అఘోరకవచస్య మహాకాలభైరవ ఋషిః

అనుష్టుప్ ఛందః శ్రీకాలాగ్నిరుద్రో దేవతా .

క్ష్మీం బీజం క్ష్మాం శక్తిః క్ష్మః కీలకం

    శ్రీ అఘోర విద్యాసిద్ధ్యర్థం కవచపాఠే వినియోగః ..

అథ మంత్రః

అఘోరేభ్యోఽథ ఘోరేభ్యో ఘోరఘోరతరేభ్యః .

సర్వతః సర్వసర్వేభ్యో నమస్తేభ్యో రుద్రరూపేభ్యః ..

ఓం అఘోరో మే శివః పాతు శ్రీ మేఽఘోరో లలాటకం .

హ్రీం ఘోరో మేఽవతాం నేత్రే క్లీం ఘోరో మేఽవతాచ్ఛతీ .. 5..

సౌఃతరేభ్యోఽవతాంగడౌక్షీ నాసాం పాతు సర్వతః క్షం  .

ముఖం పాతు మే శర్వోఽఘోరః సర్వోఽవతాంగలం .. 6.. 

ఘోరశ్చ మేఽవతాత్స్కంధౌ హస్తౌ జ్వలన్నమోఽవతు .

జ్వలనః పాతు మే వక్షః కుక్షిం ప్రజ్వలరుద్రకః .. 7..

పార్శ్వౌ  ప్రజ్వలరూపేభ్యో నాభిం మేఽఘోరరూపభృత్ .

శిశ్నం మే శూలపాణిశ్చ గుహ్యం రుద్రః సదావతు .. 8..

కటిం మేఽమృతమూర్తిశ్చ మేఢ్రేఽవ్యాన్నీలకంఠకః  .

ఊరూ చంద్రజటః పాతు పాతు మే త్రిపురాంతకః .. 6..

జంఘే త్రిలోచనః పాతు గుల్ఫౌ  యాజ్ఞియరూపవాన్ .

అఘోరోఽఙ్ఘ్రీ  చ మే పాతు పాదౌ మేఽఘోరభైరవః .. 10..

పాదాదిమూర్ధపర్యంతమఘోరాత్మా శివోఽవతు .

శిరసః పాదపర్యంతం పాయాన్మేఽఘోరభైరవః .. 11..

ప్రభాతే భైరవః పాతు మధ్యాహే వటుకోఽవతు .

సంధ్యాయాం చ మహాకాలో నిశాయాం కాలభైరవః .. 12..

అర్ద్ధరాత్రే స్వయం ఘోరో నిశాంతేఽమృతరూపధృత్ .

పూర్వే మాం పాతు ఋగ్వేదో యజుర్వేదస్తు దక్షిణే .. 13..

పశ్చిమే సామవేదోఽవ్యాదుత్తరేఽథర్వవేదకః .

ఆగ్నేయ్యామగ్నిరవ్యాన్మాం నైరృత్యాం నిత్యచేతనః .. 14..

వాయవ్యాం రౌద్రరూపోఽవ్యాదైశాన్యాం కాలశాసనః .

ఊర్ధ్వోఽవ్యాదూర్ధ్వరేతాశ్చ పాతాలే పరమేశ్వరః .. 15..

దశదిక్షు సదా పాయాద్దేవః కాలాగ్నిరుద్రకః .

అగ్నేర్మాం పాతు కాలాగ్నిర్వాయోర్మాం  వాయుభక్షకః .. 16..

జలాదౌర్వాముఖః పాతు పథి మాం శంకరోఽవతు .

నిషణ్ణం యోగధ్యేయోఽవ్యాద్గచ్ఛంతం  వాయురూపభృత్ .. 17..

గృహే శర్వః సదా పాతు బహిః పాయాద్వృషధ్వజః .

సర్వత్ర సర్వదా పాతు మామఘోరోఽథ ఘోరకః .. 18..

రణే రాజకులే దుర్గే దుర్భిక్షే శత్రుసంసది .

ద్యూతే మారీభయే రాష్ట్రే ప్రలయే వాదినా కులే .. 16..

అఘోరేభ్యోఽథ ఘోరేభ్యోఽవతాన్మాం ఘోరభైరవః .

ఘోరఘోరతరేభ్యో మాం పాయాన్మన్మథసంగరే .. 20..

సర్వతః సర్వసర్వేభ్యో భోజనావసరేఽవతు .

నమస్తే రుద్రరూపేభ్యోఽవతు మాం ఘోరభైరవః .. 21..

సర్వత్ర సర్వదాకాలం సర్వాంగం సర్వభీతిషు .

హం యం రం లం వం శం షం సం హం లం క్షః అఘోరకః .. 22..

అఘోరాస్త్రాయ ఫట్ పాతు అఘోరో మాం  సభైరవః .

విస్మారితం చ యత్స్థానం స్థలం యన్నామవర్జితం .. 23..

తత్సర్వం మామఘోరోఽవ్యాన్మామథాఘోరః సభైరవః .

భార్యాన్పుత్రాన్సుహృద్వర్గాన్కన్యాం యద్వస్తు మామకం .. 24..

తత్సర్వం పాతు మే నిత్యం అఘోరో మాథ ఘోరకః .

స్నానే స్తవే జపే పాఠే హోమేఽవ్యాత్క్షః అఘోరకః .. 25..

అఘోరేభ్యోఽథ ఘోరేభ్యో ఘోరఘోరతరేభ్యః .

సర్వతః సర్వసర్వేభ్యో నమస్తేభ్యో రుద్రరూపేభ్యః .. 26..

ఓం శ్రీం హ్రీం క్లీం సౌః క్ష్మం  పాతు నిత్యం మాం శ్రీ అఘోరకః .

ఇతీదం కవచం గుహ్యం త్రిషు లోకేషు దుర్లభం .. 27..

మూలమంత్రమయం దివ్యం త్రైలోక్యే సారముత్తమం .

అదాతవ్యమవాచ్యం చ కవచం గుహ్యమీశ్వరి .. 28..

అప్రష్టవ్యమస్తోతవ్యం దీక్షాహీనేన మంత్రిణా .

అదీక్షితాయ శిష్యాయ పుత్రాయ శరజన్మనే .. 26..

న దాతవ్యం న శ్రోతవ్యమిత్యాజ్ఞాం మామకాం శృణు .

పరం శ్రీమహిమానం చ శృణు చాస్య సువర్మణః  .. 30..

అదీక్షితో యదా మంత్రీ విద్యాగృధ్నుః పఠేదిదం .

సదీక్షిత ఇతి జ్ఞేయో మాంత్రికః సాధకోత్తమః .. 31..

యః పఠేన్మనసా తస్య రాత్రౌ బ్రాహ్మే ముహూర్త్తకే .

పూజాకాలే నిశీథే చ తస్య హస్తేఽష్టసిద్ధయః .. 32..

దుఃస్వప్నే బంధనే ధీరే కాంతారే సాగరే భయే .

పఠేత్ కవచరాజేంద్రం మంత్రీ విద్యానిధిం ప్రియే .. 33..

సర్వం తత్ప్రశమం యాతి భయం కవచపాఠనాత్ .

రజః-సత్త్వ-తమోరూపమఘోరకవచం పఠేత్ .. 34..

వాంఛితం మనసా యద్యత్తత్తత్ప్రాప్నోతి సాధకః .

కుంకుమేన లిఖిత్వా చ భూర్జత్వచి రవౌ శివే .. 35..

కేవలేన సుభక్ష్యే చ ధారయేన్మూర్ధ్ని వా భుజే .

యద్యదిష్టం భవేత్ తత్తత్సాధకో లభతేఽచిరాత్ .. 36..

యద్గృహే అఘోరకవచం వర్తతే తస్య మందిరే .

విద్యా కీర్తిర్ధనారోగ్యలక్ష్మీవృద్ధిర్న సంశయః .. 37..

జపేచ్చాఘోరవిద్యాం యో వినానేనైవ వర్మణా .

తస్య విద్యా జపం హీనం తస్మాద్ధర్మం  సదా పఠేత్ .. 38..

అఘోరమంత్రవిద్యాపి జపన్ స్తోత్రం తథా మనుం .

సద్యః సిద్ధిం సమాయాతి అఘోరస్య ప్రసాదతః .. 39..

ఇతి శ్రీదేవదేవేశి అఘోరకవచం స్మరేత్ .

గోప్యం కవచరాజేంద్రం గోపనీయం స్వయోనివత్ .. 40..

.. ఇతి శ్రీరుద్రయామలే తంత్రేవిశ్వసారోద్ధారే తంత్రేఽఘోరసహస్రనామాఖ్యే

        కల్పే అఘోరకవచం సమాప్తం ..