మహా సౌరం

(1.050 ప్రథమం మండలే పంచాశం సూక్తం

ఋషిః-ప్రస్కణ్వః కాణ్వః .. దేవతా-సూర్యః .. ఛందః-1, 6 నిచృద్గాయత్రీ;

2, 4, 8, 9 పిపీలికామధ్యానిచృద్గాయత్రీ; 3 గాయత్రీ; 5 యవమధ్యావిరాడ్గాయత్రీ;

7 విరాడ్గాయత్రీ 10, 11 నిచృదనుష్టుప్; 12, 13 అనుష్టుప్ ..

స్వరః-1-9 షడ్జః; 10-13 గాంధారః ..)

ఉదు॒ త్యం జా॒తవే᳚దసం దే॒వం వ॑హంతి కే॒తవః॑ .

దృ॒శే విశ్వా᳚య॒ సూర్యం᳚ .. 1.050.01

అప॒ త్యే తా॒యవో᳚ యథా॒ నక్ష॑త్రా యంత్య॒క్తుభిః॑ .

సూరా᳚య వి॒శ్వచ॑క్షసే .. 1.050.02

అదృ॑శ్రమస్య కే॒తవో॒ వి ర॒శ్మయో॒ జనా॒ఀ అను॑ .

భ్రాజం᳚తో అ॒గ్నయో᳚ యథా .. 1.050.03

త॒రణి᳚ర్వి॒శ్వద॑ర్శతో జ్యోతి॒ష్కృద॑సి సూర్య .

విశ్వ॒మా భా᳚సి రోచ॒నం .. 1.050.04

ప్ర॒త్యంగే॒వానాం॒ విశః॑ ప్ర॒త్యఙ్ఙుదే᳚షి॒ మాను॑షాన్ .

ప్ర॒త్యఙ్విశ్వం॒ స్వ॑ర్దృ॒శే .. 1.050.05

యేనా᳚ పావక॒ చక్ష॑సా భుర॒ణ్యంతం॒ జనా॒ఀ అను॑ .

త్వం వ॑రుణ॒ పశ్య॑సి .. 1.050.06

వి ద్యామే᳚షి॒ రజ॑స్పృ॒థ్వహా॒ మిమా᳚నో అ॒క్తుభిః॑ .

పశ్యం॒జన్మా᳚ని సూర్య .. 1.050.07

స॒ప్త త్వా᳚ హ॒రితో॒ రథే॒ వహం᳚తి దేవ సూర్య .

శో॒చిష్కే᳚శం విచక్షణ .. 1.050.08

అయు॑క్త స॒ప్త శుం॒ధ్యువః॒ సూరో॒ రథ॑స్య న॒ప్త్యః॑ .

తాభి᳚ర్యాతి॒ స్వయు॑క్తిభిః .. 1.050.09

ఉద్వ॒యం తమ॑స॒స్పరి॒ జ్యోతి॒ష్పశ్యం᳚త॒ ఉత్త॑రం .

దే॒వం దే᳚వ॒త్రా సూర్య॒మగ᳚న్మ॒ జ్యోతి॑రుత్త॒మం .. 1.050.10

ఉ॒ద్యన్న॒ద్య మి॑త్రమహ ఆ॒రోహ॒న్నుత్త॑రాం॒ దివం᳚ .

హృ॒ద్రో॒గం మమ॑ సూర్య హరి॒మాణం᳚ చ నాశయ .. 1.050.11

శుకే᳚షు మే హరి॒మాణం᳚ రోప॒ణాకా᳚సు దధ్మసి .

అథో᳚ హారిద్ర॒వేషు॑ మే హరి॒మాణం॒ ని ద॑ధ్మసి .. 1.050.12

ఉద॑గాద॒యమా᳚ది॒త్యో విశ్వే᳚న॒ సహ॑సా స॒హ .

ద్వి॒షంతం॒ మహ్యం᳚ రం॒ధయ॒న్మో అ॒హం ద్వి॑ష॒తే ర॑ధం .. 1.050.13

(1.115 ప్రథమం మండలే పంచదశోత్తరశతతమం సూక్తం

ఋషిః-కుత్స ఆంగిరసః .. దేవతా-సూర్యః .. ఛందః-1, 2, 6 నిచృత్రిష్టుప్;

3 విరాట్త్రిష్టుప్; 4, 5 త్రిష్టుప్ .. స్వరః-ధైవతః ..)

చి॒త్రం దే॒వానా॒ముద॑గా॒దనీ᳚కం॒ చక్షు᳚ర్మి॒త్రస్య॒ వరు॑ణస్యా॒గ్నేః .

ఆప్రా॒ ద్యావా᳚పృథి॒వీ అం॒తరి॑క్షం॒ సూర్య॑ ఆ॒త్మా జగ॑తస్త॒స్థుష॑శ్చ .. 1.115.01

సూర్యో᳚ దే॒వీము॒షసం॒ రోచ॑మానాం॒ మర్యో॒ న యోషా᳚మ॒భ్యే᳚తి ప॒శ్చాత్ .

యత్రా॒ నరో᳚ దేవ॒యంతో᳚ యు॒గాని॑ వితన్వ॒తే ప్రతి॑ భ॒ద్రాయ॑ భ॒ద్రం .. 1.115.02

భ॒ద్రా అశ్వా᳚ హ॒రితః॒ సూర్య॑స్య చి॒త్రా ఏత॑గ్వా అను॒మాద్యా᳚సః .

న॒మ॒స్యంతో᳚ ది॒వ ఆ పృ॒ష్ఠమ॑స్థుః॒ పరి॒ ద్యావా᳚పృథి॒వీ యం᳚తి స॒ద్యః .. 1.115.03

తత్సూర్య॑స్య దేవ॒త్వం తన్మ॑హి॒త్వం మ॒ధ్యా కర్తో॒ర్విత॑తం॒ సం జ॑భార .

య॒దేదయు॑క్త హ॒రితః॑ స॒ధస్థా॒దాద్రాత్రీ॒ వాస॑స్తనుతే సి॒మస్మై॑ .. 1.115.04

తన్మి॒త్రస్య॒ వరు॑ణస్యాభి॒చక్షే॒ సూర్యో᳚ రూ॒పం కృ॑ణుతే॒ ద్యోరు॒పస్థే᳚ .

అ॒నం॒తమ॒న్యద్రుశ॑దస్య॒ పాజః॑ కృ॒ష్ణమ॒న్యద్ధ॒రితః॒ సం భ॑రంతి .. 1.115.05

అ॒ద్యా దే᳚వా॒ ఉది॑తా॒ సూర్య॑స్య॒ నిరంహ॑సః పిపృ॒తా నిర॑వ॒ద్యాత్ .

తన్నో᳚ మి॒త్రో వరు॑ణో మామహంతా॒మది॑తిః॒ సింధుః॑ పృథి॒వీ ఉ॒త ద్యౌః .. 1.115.06

(1.164 ప్రథమం మండలే చతుఃషష్ట్యుత్తరశతతమం సూక్తం

ఋషిః-దీర్ఘతమాః .. దేవతా- 46, 47 సూర్యః;  46, 47 నిచృత్త్రిష్టుప్ ..

స్వరః- 46-47 ధైవతః ..)

ఇంద్రం᳚ మి॒త్రం వరు॑ణమ॒గ్నిమా᳚హు॒రథో᳚ ది॒వ్యః స సు॑ప॒ర్ణో గ॒రుత్మాన్॑ .

ఏకం॒ సద్విప్రా᳚ బహు॒ధా వ॑దంత్య॒గ్నిం య॒మం మా᳚త॒రిశ్వా᳚నమాహుః .. 1.164.46

కృ॒ష్ణం ని॒యానం॒ హర॑యః సుప॒ర్ణా అ॒పో వసా᳚నా॒ దివ॒ముత్ప॑తంతి .

త ఆవ॑వృత్ర॒న్సద॑నాదృ॒తస్యాదిద్ఘృ॒తేన॑ పృథి॒వీ వ్యు॑ద్యతే .. 1.164.47

(4.040 చతుర్థం మండలే చత్వారింశం సూక్తం

ఋషిః వామదేవః . దేవతా- 5 సూర్యః . ఛందః- 5 నిచృజ్జగతీ ..

స్వరః- 5 నిషాదః ..)

హం॒సః శు॑చి॒షద్వసు॑రంతరిక్ష॒సద్ధోతా᳚ వేది॒షదతి॑థిర్దురోణ॒సత్ .

నృ॒షద్వ॑ర॒సదృ॑త॒సద్వ్యో᳚మ॒సద॒బ్జా గో॒జా ఋ॑త॒జా అ॑ద్రి॒జా ఋ॒తం .. 4.040.05

(5.040 పంచమం మండలే చత్వారింశం సూక్తం

ఋషిః- అత్రిః .. దేవతా- 5 సూర్యః .. ఛందః - 5 నిచృత్త్రిష్టుప్ ఛందః ..

స్వరః- 5 ధైవతః ..)

యత్త్వా᳚ సూర్య॒ స్వ॑ర్భాను॒స్తమ॒సావి॑ధ్యదాసు॒రః .

అక్షే᳚త్రవి॒ద్యథా᳚ ము॒గ్ధో భువ॑నాన్యదీధయుః .. 5.040.05

(7.060 సప్తమమం మండలే షష్టితమం సూక్తం

ఋషిః- వసిష్ఠః .. దేవతా- 1 సూర్యః .. ఛందః- 1 పంక్తిః .. స్వరః-

1 పంచమః ..)

యద॒ద్య సూ᳚ర్య॒ బ్రవోఽనా᳚గా ఉ॒ద్యన్మి॒త్రాయ॒ వరు॑ణాయ స॒త్యం .

వ॒యం దే᳚వ॒త్రాది॑తే స్యామ॒ తవ॑ ప్రి॒యాసో᳚ అర్యమన్గృ॒ణంతః॑ .. 7.060.01

(7.062 సప్తమమం మండలే ద్విషష్టితమం సూక్తం

ఋషిః- వసిష్ఠః .. దేవతా- 1-3 సూర్యః .. ఛందః- 1,2 విరాట్త్రిష్టుప్,

3 నిచృత్త్రిష్టుప్ .. స్వరః- 5 ధైవతః ..)

ఉత్సూర్యో᳚ బృ॒హద॒ర్చీంష్య॑శ్రేత్పు॒రు విశ్వా॒ జని॑మ॒ మాను॑షాణాం .

స॒మో ది॒వా ద॑దృశే॒ రోచ॑మానః॒ క్రత్వా᳚ కృ॒తః సుకృ॑తః క॒ర్తృభి॑ర్భూత్ .. 7.062.01

స సూ᳚ర్య॒ ప్రతి॑ పు॒రో న॒ ఉద్గా᳚ ఏ॒భిః స్తోమే᳚భిరేత॒శేభి॒రేవైః᳚ .

ప్ర నో᳚ మి॒త్రాయ॒ వరు॑ణాయ వో॒చోఽనా᳚గసో అర్య॒మ్ణే అ॒గ్నయే᳚ చ .. 7.062.02

వి నః॑ స॒హస్రం᳚ శు॒రుధో᳚ రదంత్వృ॒తావా᳚నో॒ వరు॑ణో మి॒త్రో అ॒గ్నిః .

యచ్ఛం᳚తు చం॒ద్రా ఉ॑ప॒మం నో᳚ అ॒ర్కమా నః॒ కామం᳚ పూపురంతు॒ స్తవా᳚నాః .. 7.062.03

(7.063 సప్తమమం మండలే త్రిషష్టితమం సూక్తం

ఋషిః- వసిష్ఠః .. దేవతా- 1-5(1) సూర్యః .. ఛందః- 1 విరాట్త్రిష్టుప్,

2-5 నిచృత్త్రిష్టుప్ .. స్వరః- 5 ధైవతః ..)

ఉద్వే᳚తి సు॒భగో᳚ వి॒శ్వచ॑క్షాః॒ సాధా᳚రణః॒ సూర్యో॒ మాను॑షాణాం .

చక్షు᳚ర్మి॒త్రస్య॒ వరు॑ణస్య దే॒వశ్చర్మే᳚వ॒ యః స॒మవి᳚వ్య॒క్తమాం᳚సి .. 7.063.01

ఉద్వే᳚తి ప్రసవీ॒తా జనా᳚నాం మ॒హాన్కే॒తుర᳚ర్ణ॒వః సూర్య॑స్య .

స॒మా॒నం చ॒క్రం ప᳚ర్యా॒వివృ॑త్స॒న్యదే᳚త॒శో వహ॑తి ధూ॒ర్షు యు॒క్తః .. 7.063.02

వి॒భ్రాజ॑మాన ఉ॒షసా᳚ము॒పస్థా᳚ద్రే॒భైరుదే᳚త్యనుమ॒ద్యమా᳚నః .

ఏ॒ష మే᳚ దే॒వః స॑వి॒తా చ॑చ్ఛంద॒ యః స॑మా॒నం న ప్ర॑మి॒నాతి॒ ధామ॑ .. 7.063.03

ది॒వో రు॒క్మ ఉ॑రు॒చక్షా॒ ఉదే᳚తి దూ॒రేఅ॑ర్థస్త॒రణి॒ర్భ్రాజ॑మానః .

నూ॒నం జనాః॒ సూర్యే᳚ణ॒ ప్రసూ᳚తా॒ అయ॒న్నర్థా᳚ని కృ॒ణవ॒న్నపాం᳚సి .. 7.063.04

యత్రా᳚ చ॒క్రుర॒మృతా᳚ గా॒తుమ॑స్మై శ్యే॒నో న దీయ॒న్నన్వే᳚తి॒ పాథః॑ .

(7.066 సప్తమమం మండలే షట్షష్టితమం సూక్తం

ఋషిః- వసిష్ఠః .. దేవతా- 14-16 సూర్యః .. ఛందః- 14

ఆర్షీవిరాడ్బృహతీ, 15, ఆర్షీభురిగ్ బృహతీ, 16 పురఉష్ణిక్ .. స్వరః-

14,15 మధ్యమః, 16 ఋషభః ..)

ఉదు॒ త్యద్ద॑ర్శ॒తం వపు॑ర్ది॒వ ఏ᳚తి ప్రతిహ్వ॒రే .

యదీ᳚మా॒శుర్వహ॑తి దే॒వ ఏత॑శో॒ విశ్వ॑స్మై॒ చక్ష॑సే॒ అరం᳚ .. 7.066.14

శీ॒ర్ష్ణఃశీ᳚ర్ష్ణో॒ జగ॑తస్త॒స్థుష॒స్పతిం᳚ స॒మయా॒ విశ్వ॒మా రజః॑ .

స॒ప్త స్వసా᳚రః సువి॒తాయ॒ సూర్యం॒ వహం᳚తి హ॒రితో॒ రథే᳚ .. 7.066.15

తచ్చక్షు॑ర్దే॒వహి॑తం శు॒క్రము॒చ్చర॑త్ .

పశ్యే᳚మ శ॒రదః॑ శ॒తం జీవే᳚మ శ॒రదః॑ శ॒తం .. 7.066.16

(8.101 అష్టమం మండలే ఏకోత్తరశతతమం సూక్తం

ఋషిః- జమదగ్నిర్భార్గవః .. దేవతా- 11-12 సూర్యః .. ఛందః- 11

విరాడ్బృహతీ, 12, భురిగ్బృహతీ .. స్వరః- 11,12 మధ్యమః ..)

బణ్మ॒హాఀ అ॑సి సూర్య॒ బళా᳚దిత్య మ॒హాఀ అ॑సి .

మ॒హస్తే᳚ స॒తో మ॑హి॒మా ప॑నస్యతే॒ఽద్ధా దే᳚వ మ॒హాఀ అ॑సి .. 8.101.11

బట్ సూ᳚ర్య॒ శ్రవ॑సా మ॒హాఀ అ॑సి స॒త్రా దే᳚వ మ॒హాఀ అ॑సి .

మ॒హ్నా దే॒వానా᳚మసు॒ర్యః॑ పు॒రోహి॑తో వి॒భు జ్యోతి॒రదా᳚భ్యం .. 8.101.12

(10.037 దశమం మండలే సప్తత్రింశం సూక్తం

ఋషిః-అభితపాః సౌర్యః .. దేవతా-సూర్యః .. ఛందః-1-5 నిచృజ్జగతీ;

6-9 విరాడ్జగతీ; 11, 12 జగతీ; 10 నిచృత్రిష్టుప్ .. స్వరః-1-9, 11,

12 నిషాదః; 10 ధైవతః ..)

నమో᳚ మి॒త్రస్య॒ వరు॑ణస్య॒ చక్ష॑సే మ॒హో దే॒వాయ॒ తదృ॒తం స॑పర్యత .

దూ॒రే॒దృశే᳚ దే॒వజా᳚తాయ కే॒తవే᳚ ది॒వస్పు॒త్రాయ॒ సూర్యా᳚య శంసత .. 10.037.01

సా మా᳚ స॒త్యోక్తిః॒ పరి॑ పాతు వి॒శ్వతో॒ ద్యావా᳚ చ॒ యత్ర॑ త॒తన॒న్నహా᳚ని చ .

విశ్వ॑మ॒న్యన్ని వి॑శతే॒ యదేజ॑తి వి॒శ్వాహాపో᳚ వి॒శ్వాహోదే᳚తి॒ సూర్యః॑ .. 10.037.02

న తే॒ అదే᳚వః ప్ర॒దివో॒ ని వా᳚సతే॒ యదే᳚త॒శేభిః॑ పత॒రై ర॑థ॒ర్యసి॑ .

ప్రా॒చీన॑మ॒న్యదను॑ వర్తతే॒ రజ॒ ఉద॒న్యేన॒ జ్యోతి॑షా యాసి సూర్య .. 10.037.03

యేన॑ సూర్య॒ జ్యోతి॑షా॒ బాధ॑సే॒ తమో॒ జగ॑చ్చ॒ విశ్వ॑ముది॒యర్షి॑ భా॒నునా᳚ .

తేనా॒స్మద్విశ్వా॒మని॑రా॒మనా᳚హుతి॒మపామీ᳚వా॒మప॑ దు॒ష్ష్వప్న్యం᳚ సువ .. 10.037.04

విశ్వ॑స్య॒ హి ప్రేషి॑తో॒ రక్ష॑సి వ్ర॒తమహే᳚ళయన్ను॒చ్చర॑సి స్వ॒ధా అను॑ .

యద॒ద్య త్వా᳚ సూర్యోప॒బ్రవా᳚మహై॒ తం నో᳚ దే॒వా అను॑ మంసీరత॒ క్రతుం᳚ .. 10.037.05

తం నో॒ ద్యావా᳚పృథి॒వీ తన్న॒ ఆప॒ ఇంద్రః॑ శృణ్వంతు మ॒రుతో॒ హవం॒ వచః॑ .

మా శూనే᳚ భూమ॒ సూర్య॑స్య సం॒దృశి॑ భ॒ద్రం జీవం᳚తో జర॒ణామ॑శీమహి .. 10.037.06

వి॒శ్వాహా᳚ త్వా సు॒మన॑సః సు॒చక్ష॑సః ప్ర॒జావం᳚తో అనమీ॒వా అనా᳚గసః .

ఉ॒ద్యంతం᳚ త్వా మిత్రమహో ది॒వేది॑వే॒ జ్యోగ్జీ॒వాః ప్రతి॑ పశ్యేమ సూర్య .. 10.037.07

మహి॒ జ్యోతి॒ర్బిభ్ర॑తం త్వా విచక్షణ॒ భాస్వం᳚తం॒ చక్షు॑షేచక్షుషే॒ మయః॑ .

ఆ॒రోహం᳚తం బృహ॒తః పాజ॑స॒స్పరి॑ వ॒యం జీ॒వాః ప్రతి॑ పశ్యేమ సూర్య .. 10.037.08

యస్య॑ తే॒ విశ్వా॒ భువ॑నాని కే॒తునా॒ ప్ర చేర॑తే॒ ని చ॑ వి॒శంతే᳚ అ॒క్తుభిః॑ .

అ॒నా॒గా॒స్త్వేన॑ హరికేశ సూ॒ర్యాహ్నా᳚హ్నా నో॒ వస్య॑సావస్య॒సోది॑హి .. 10.037.09

శం నో᳚ భవ॒ చక్ష॑సా॒ శం నో॒ అహ్నా॒ శం భా॒నునా॒ శం హి॒మా శం ఘృ॒ణేన॑ .

యథా॒ శమధ్వం॒ఛమస॑ద్దురో॒ణే తత్సూ᳚ర్య॒ ద్రవి॑ణం ధేహి చి॒త్రం .. 10.037.10

అ॒స్మాకం᳚ దేవా ఉ॒భయా᳚య॒ జన్మ॑నే॒ శర్మ॑ యచ్ఛత ద్వి॒పదే॒ చతు॑ష్పదే .

అ॒దత్పిబ॑దూ॒ర్జయ॑మాన॒మాశి॑తం॒ తద॒స్మే శం యోర॑ర॒పో ద॑ధాతన .. 10.037.11

యద్వో᳚ దేవాశ్చకృ॒మ జి॒హ్వయా᳚ గు॒రు మన॑సో వా॒ ప్రయు॑తీ దేవ॒హేళ॑నం .

అరా᳚వా॒ యో నో᳚ అ॒భి దు॑చ్ఛునా॒యతే॒ తస్మిం॒తదేనో᳚ వసవో॒ ని ధే᳚తన .. 10.037.12

(10.158 దశమం మండలే అష్టపంచాశదుత్తరశతతమం సూక్తం

ఋషిః-చక్షుః సౌర్యః .. దేవతా-సూర్యః .. ఛందః-1 ఆర్చీస్వరాడ్గాయత్రీ;

2 స్వరాడ్గాయత్రీ; 3 గాయత్రీ; 4 నిచృద్గాయత్రీ; 5 విరాడ్గాయత్రీ ..

స్వర:-షడ్జః ..)

సూర్యో᳚ నో ది॒వస్పా᳚తు॒ వాతో᳚ అం॒తరి॑క్షాత్ .

అ॒గ్నిర్నః॒ పార్థి॑వేభ్యః .. 10.158.01

జోషా᳚ సవిత॒ర్యస్య॑ తే॒ హరః॑ శ॒తం స॒వాఀ అర్హ॑తి .

పా॒హి నో᳚ ది॒ద్యుతః॒ పతం᳚త్యాః .. 10.158.02

చక్షు᳚ర్నో దే॒వః స॑వి॒తా చక్షు᳚ర్న ఉ॒త పర్వ॑తః .

చక్షు॑ర్ధా॒తా ద॑ధాతు నః .. 10.158.03

చక్షు᳚ర్నో ధేహి॒ చక్షు॑షే॒ చక్షు॑ర్వి॒ఖ్యై త॒నూభ్యః॑ .

సం చే॒దం వి చ॑ పశ్యేమ .. 10.158.04

సు॒సం॒దృశం᳚ త్వా వ॒యం ప్రతి॑ పశ్యేమ సూర్య .

వి ప॑శ్యేమ నృ॒చక్ష॑సః .. 10.158.05

(10.170 దశమం మండలే సప్తత్యుత్తరశతతమం సూక్తం

ఋషిః-విభ్రాట్ సూర్యః .. దేవతా-సూర్యః .. ఛందః-1, 3 విరాడ్జగతీ;

2 జగతీ; 4 ఆస్తారపంక్తిః .. స్వరః-1-3 నిషాదః, 4 పంచమః ..)

వి॒భ్రాడ్బృ॒హత్పి॑బతు సో॒మ్యం మధ్వాయు॒ర్దధ॑ద్య॒జ్ఞప॑తా॒వవి॑హ్రుతం .

వాత॑జూతో॒ యో అ॑భి॒రక్ష॑తి॒ త్మనా᳚ ప్ర॒జాః పు॑పోష పురు॒ధా వి రా᳚జతి .. 10.170.01

వి॒భ్రాడ్బృ॒హత్సుభృ॑తం వాజ॒సాత॑మం॒ ధర్మం᳚ది॒వో ధ॒రుణే᳚ స॒త్యమర్పి॑తం .

అ॒మి॒త్ర॒హా వృ॑త్ర॒హా ద॑స్యు॒హంత॑మం॒ జ్యోతి॑ర్జజ్ఞే అసుర॒హా స॑పత్న॒హా .. 10.170.02

ఇ॒దం శ్రేష్ఠం॒ జ్యోతి॑షాం॒ జ్యోతి॑రుత్త॒మం వి॑శ్వ॒జిద్ధ॑న॒జిదు॑చ్యతే బృ॒హత్ .

వి॒శ్వ॒భ్రాడ్భ్రా॒జో మహి॒ సూర్యో᳚ దృ॒శ ఉ॒రు ప॑ప్రథే॒ సహ॒ ఓజో॒ అచ్యు॑తం .. 10.170.03

వి॒భ్రాజం॒జ్యోతి॑షా॒ స్వ 1॒॑రగ॑చ్ఛో రోచ॒నం ది॒వః .

యేనే॒మా విశ్వా॒ భువ॑నా॒న్యాభృ॑తా వి॒శ్వక᳚ర్మణా వి॒శ్వదే᳚వ్యావతా .. 10.170.04

(10.189 దశమం మండలే ఏకోననవత్యుత్తరశతతమం సూక్తం

ఋషిః-సార్పరాజ్ఞీ .. దేవతా-సార్పరాజ్ఞీ సూర్యో వా .. ఛందః- 1,

నిచృద్గాయత్రీ ; 2 విరాడ్గాయత్రీ; 3 గాయత్రీ .. స్వరః- షడ్జః ..)

ఆయం గౌః పృశ్ని॑రక్రమీ॒దస॑దన్మా॒తరం᳚ పు॒రః .

పి॒తరం᳚ చ ప్ర॒యన్స్వః॑ .. 10.189.01

అం॒తశ్చ॑రతి రోచ॒నాస్య ప్రా॒ణాద॑పాన॒తీ .

వ్య॑ఖ్యన్మహి॒షో దివం᳚ .. 10.189.02

త్రిం॒శద్ధామ॒ వి రా᳚జతి॒ వాక్ప॑తం॒గాయ॑ ధీయతే .

ప్రతి॒ వస్తో॒రహ॒ ద్యుభిః॑ .. 10.189.03

(10.190 దశమం మండలే నవత్యుత్తరశతతమం సూక్తం

ఋషిః-అఘమర్షణో మాధుచ్ఛందసః .. దేవతా-భావవృత్తం .. ఛందః-1

విరాడనుష్టుప్; 2 అనుష్టుప్; 3 పాదనిచృదనుష్టుప్ .. స్వరః-గాంధారః ..)

ఋ॒తం చ॑ స॒త్యం చా॒భీ᳚ద్ధా॒త్తప॒సోఽధ్య॑జాయత .

తతో॒ రాత్ర్య॑జాయత॒ తతః॑ సము॒ద్రో అ᳚ర్ణ॒వః .. 10.190.01

స॒ము॒ద్రాద᳚ర్ణ॒వాదధి॑ సంవత్స॒రో అ॑జాయత .

అ॒హో॒రా॒త్రాణి॑ వి॒దధ॒ద్విశ్వ॑స్య మిష॒తో వ॒శీ .. 10.190.02

సూ॒ర్యా॒చం॒ద్ర॒మసౌ᳚ ధా॒తా య॑థాపూ॒ర్వమ॑కల్పయత్ .

దివం᳚ చ పృథి॒వీం చాం॒తరి॑క్ష॒మథో॒ స్వః॑ .. 10.190.03

ఓం శాంతిః॒ శాంతిః॒ శాంతిః॑ ..