ఋగ్వేదసంహితాయాం దశమం మండలం, 151 ఏకపంచాశదుత్తరశతతమం సూక్తం .
ఋషిః- శ్రద్ధా కామాయనీ . దేవతా- శ్రద్ధా . ఛందః- 1, 4, 5 అనుష్టుప్;
2 విరాడనుష్టుప్; 3 నిచృదనుష్టుప్ . స్వరః- గాంధారః .
శ్ర॒ద్ధయా॒గ్నిః సమి॑ధ్యతే శ్ర॒ద్ధయా॑ హూయతే హ॒విః .
శ్ర॒ద్ధాం భగ॑స్య మూ॒ర్ధని॒ వచ॒సా వే॑దయామసి .. 10.151.01
ప్రి॒యం శ్ర॑ద్ధే॒ దద॑తః ప్రి॒యం శ్ర॑ద్ధే॒ దిదా॑సతః .
ప్రి॒యం భో॒జేషు॒ యజ్వ॑స్వి॒దం మ॑ ఉది॒తం కృ॑ధి .. 10.151.02
యథా॑ దే॒వా అసు॑రేషు శ్ర॒ద్ధాము॒గ్రేషు॑ చక్రి॒రే .
ఏ॒వం భో॒జేషు॒ యజ్వ॑స్వ॒స్మాక॑ముది॒తం కృ॑ధి .. 10.151.03
శ్ర॒ద్ధాం దే॒వా యజ॑మానా వా॒యుగో॑పా॒ ఉపా॑సతే .
శ్ర॒ద్ధాం హృ॑ద॒య్య1॒॑యాకూ॑త్యా శ్ర॒ద్ధయా॑ విందతే॒ వసు॑ .. 10.151.04
శ్ర॒ద్ధాం ప్రా॒తర్హ॑వామహే శ్ర॒ద్ధాం మ॒ధ్యంది॑నం॒ పరి॑ .
శ్ర॒ద్ధాం సూర్య॑స్య ని॒మ్రుచి॒ శ్రద్ధే॒ శ్రద్ధా॑పయే॒హ నః॑ .. 10.151.05
స్వరరహితం .
శ్రద్ధయాగ్నిః సమిధ్యతే శ్రద్ధయా హూయతే హవిః .
శ్రద్ధాం భగస్య మూర్ధని వచసా వేదయామసి .. 10.151.01
ప్రియం శ్రద్ధే దదతః ప్రియం శ్రద్ధే దిదాసతః .
ప్రియం భోజేషు యజ్వస్విదం మ ఉదితం కృధి .. 10.151.02
యథా దేవా అసురేషు శ్రద్ధాముగ్రేషు చక్రిరే .
ఏవం భోజేషు యజ్వస్వస్మాకముదితం కృధి .. 10.151.03
శ్రద్ధాం దేవా యజమానా వాయుగోపా ఉపాసతే .
శ్రద్ధాం హృదయ్య1యాకూత్యా శ్రద్ధయా విందతే వసు .. 10.151.04
శ్రద్ధాం ప్రాతర్హవామహే శ్రద్ధాం మధ్యందినం పరి .
శ్రద్ధాం సూర్యస్య నిమ్రుచి శ్రద్ధే శ్రద్ధాపయేహ నః .. 10.151.05
No comments:
Post a Comment