శ్రీసరస్వతీ సూక్తం

ఋగ్వేదం షష్ఠం మండలం 61 సూక్తం .

ఇయమదదాద్రభసమృణచ్యుతం దివోదాసం వధ్ర్యశ్వాయం దాశుషే .

యా శశ్వంతమాచఖశదావసం పణిం తా తే దాత్రాణి తవిషా సరస్వతీ .. 1..

ఇయం శుష్మేభిర్బిసఖా ఇవారుజత్సానుం గిరీణాం తవిషేభిరూర్మిభిః .

పారావతఘ్నీమవసే సువృక్తిభిః సరస్వతీ మా వివాసేమ ధీతిభిః .. 2..

సరస్వతి దేవనిదో ని బర్హయ ప్రజాం విశ్వస్య బృసయస్య మాయినః .

ఉత క్షితిభ్యోఽవనీరవిందో విషమేభ్యో అస్రవో వాజినీవతి .. 3..

ప్రణో దేవీ సరస్వతీ వాజేభిర్వాజినీవతీ . ధీనామవిత్ర్యవతు .. 4.

యస్త్వా దేవి సరస్వత్యుపబ్రూతే ధనే హితే . ఇంద్రం న వృత్రతూర్యే .. 5..

త్వం దేవి సరస్వత్యవా వాజేషు వాజిని . రదా పూషేవ నః సనిం .. 6..

ఉత స్యా నః సరస్వతీ ఘోరా హిరణ్యవర్తనిః . వృత్రఘ్నీ వష్టి సుష్టుతిం .. 7..

యస్యా అనంతో అహ్రుతస్త్వేషశ్చరిష్ణురర్ణవః . అమశ్చరతి రోరువత్ .. 8..

సా నో విశ్వా అతి ద్విషః స్వసౄరన్యా ఋతావరీ . అతన్నహేవ సూర్యః .. 9..

ఉత నః ప్రియా ప్రియాసు సప్తస్వసా సుజుష్టా . సరస్వతీ స్తోమ్యా భూత్ .. 10..

ఆపప్రుషీ పార్థివాన్యురు రజో అంతరిక్షం . సరస్వతీ నిదస్పాతు .. 11..

త్రిషధస్థా సప్తధాతుః పంచం జాతా వర్ధయంతీ . వాజేవాజే హవ్యాభూత్ .. 12..

ప్ర యా మహిమ్నా మహినాసు చేకితే ద్యుమ్నేభిరన్యా అపసామపస్తమా .

రథ ఇవ బృహతీ విభ్వనే కృతోపస్తుత్యా చికితుషా సరస్వతీ .. 13..

సరస్వత్యభి నో నేషి వస్యో మాప స్ఫరీః పయసా మా న ఆ ధక్ .

జుషస్వ నః సఖ్యా వేశ్యా చ మా త్వత్ క్షేత్రాణ్యరేణాని గన్మ .. 14..

ప్ర క్షోసా ధాయసా సస్ర ఏషా సరస్వతీ ధరుణమాయ॑సీ పూః .

ప్రబాబధానా రథ్యేవ యాతి విశ్వా అపో మహినా సింధురన్యాః .. 15..

ఏకాచేతత్ సరస్వతీ నదీనాం శుచిర్యతీ గిరిభ్య ఆ సముద్రాత్ .

రాయశ్చేతంతీ భువనస్య భూరేర్ఘృతం పయో దుదుహే నాహుషాయ .. 16..

స వావృధే నర్యో యోషణాసు వృషా శిశుర్వృషభో యజ్ఞియాసు .

స వాజినం మఘవద్భ్యో దధాతి వి సాతయే తన్వం మామృజీత .. 17..

ఉత స్యా నః సరస్వతీ జుషాణోప శ్రవత్ సుభగా యజ్ఞే అస్మిన్ .

మితజ్ఞుభిర్నమస్యైరియానా రాయా యుజా చిదుత్తరా సఖిభ్యః .. 18..

ఇమా జుహ్వానా యుప్మదా నమోభిః ప్రతి స్తోమం సరస్వతి జుషస్వ .

తవ శర్మన్ ప్రియతమే దధానా ఉప స్థేయామ శరణం న వృక్షం .. 19..

అపము తే సరస్వతి వసిష్ఠో ద్వారావృతస్య సుభగే వ్యావః .

వర్ధ శుభ్రే స్తువతే రాసి వాజాన్ యూయం పాత స్వస్తిభిః సదా నః .. 20..

బృహదు గాయిషే వచోఽసుర్యా నదీనాం .

సరస్వతీమిన్మహయా సువృక్తిభిః స్తోమైర్వసిష్ఠ రోదసీ .. 21..

ఉభే యత్తే మహినా శుభ్రే అంధసీ అధిక్షియంతి పూరవః .

సా నో బోధ్యవిత్రీ మరుత్సఖా చోద రాధో మఘోనాం .. 22..

భద్రమిద్ భద్రా కృణవత్ సరస్వత్యకవారీ చేతతి వాజినీవతీ .

గృణానా జమదగ్నివత్ స్తువానా చ వసిష్ఠవత్ .. 23..

జనీయంతో న్వగ్రవః పుత్రీయంతః సుదానవః . సరస్వంతం హవామహే .. 24..

యే తే సరస్వ ఊర్మయో మధుమంతో ఘృతశ్చుతః . తేభిర్నోఽవితా భవ .. 25..

పీపివాంసం సరస్వతః స్తనం యో విశ్వదర్శతః .

భక్షీమహి ప్రజామిషం .. 26..

అంబితమే నదీతమే దేవితమే సరస్వతి .

అప్రశస్తా ఇవ స్మసి ప్రశస్తిమంబ నస్కృధి .. 27..

త్వే విశ్వా సరస్వతి చితాయూంషి దేవ్యాం .

శునహోత్రేషు మత్స్వ ప్రజాం దేవి దిదిడ్ఢి నః .. 28..

ఇమా బ్రహ్మ సరస్వతి జుషస్వ వాజినీవతి .

యా తే మన్మ గృత్సమదా ఋతావరి ప్రియా దేవేషు జుహ్వతి .. 29..

పావకా నః సరస్వతీ బాజేభిర్వాజినీవతీ . యజ్ఞ వష్టు ధియావసూః .. 30..

చోదాయిత్రీ సూనృతానాం చేతంతీ సుమతీనాం .  యజ్ఞం దధే సరస్వతీ .. 31..

మహో అర్ణః సరస్వతీ ప్ర చేతయతి కేతునా . ధియో విశ్వా వి రీజతి .. 32..

సరస్వతీం దైవ్యంతో హవంతే సరస్వతీమధ్వరే తాయమానే .

సరస్వతీం సుకృతో అహ్వయంత సరస్వతీ దాశుషే వార్యం దాత్ .. 33..

సరస్వతి యా సరథం యయాథ స్వధాభిర్దేవి పితృభిర్మదంతీ .

ఆసద్యాస్మిన్ బర్హిషి మాదయస్వానమీవా ఇష ఆ ధేహ్యస్మే .. 34..

సరస్వతీం యాం పితరో హవంతే దక్షిణా యజ్ఞమభినక్షమాణాః .

సహస్రార్ఘమిళో అత్ర భాగం రాయస్పోషం యజమానేషు ధేహి .. 35..

ఆ నో దివో బృహతః పర్వతాదా సరస్వతీ యజతా గంతు యజ్ఞం .

హవం దేవీ జుజుషాణా ఘృతాచీ శగ్మాం నో వాచముశతీ శృణోతు .. 36..

రాకామహం సుహవీం సుష్టుతీ హువే శృణోతు నః సుభగా బోధతు త్మనా .

సీవ్యత్వపః సూచ్యాచ్ఛిద్యమానయా దదాతు వీరం శతదాయయముక్థ్యం .. 37..

యాస్తే రాకే సుమతయః సుపేశసో యాభిర్దదాసి దాశుషే వసూని .

తాభిర్నో అద్య సుమనా ఉపాగహి సహస్రపోషం సుభగే రరాణా .. 38..

సినీవాలి పృథుష్టుకే యా దేవానామసి స్వసా .

జుషస్వ హవ్యమాహుతం ప్రజాం దేవి దిదిడ్ఢి నః .. 39..

యా సుబాహుః స్వంగురిః సుషూమా బహుసూవరీ .

తస్యై విశ్పంత్యై హవిః సినీవాల్యై జుహోతన .. 40..

యా గుంగూర్యా సినీవాలీ యా రాకా యా సరస్వతీ .

ఇంద్రాణీమహ్వ ఊతయే వరుణానీం స్వస్తయే .. 41..

ఓం శాంతిః శాంతిః శాంతిః ..