నమో॑ అస్తు స॒ర్పేభ్యో॒ యే కే చ॑ పృథి॒వీమను॑ .
యే అం॒తరి॑క్షే॒ యే ది॒వి తేభ్యః॑ స॒ర్పేభ్యో॒ నమః॑ ..
యే॑ఽదో రో॑చ॒నే ది॒వో యే వా॒ సూర్య॑స్య ర॒శ్మిషు॑ .
యేషా॑మ॒ప్సు సదః॑ కృ॒తం తేభ్యః॑ స॒ర్పేభ్యో॒ నమః॑ ..
యా ఇష॑వో యాతు॒ధానా॑నాం॒ యే వా॒ వన॒స్పతీ॒రను॑ .
యే వా॑ వ॒టేషు॒ శేర॑తే॒ తేభ్యః॑ స॒ర్పేభ్యో॒ నమః॑ .. 4. 2. 8.. (TS) 1
ఇ॒దꣳ స॒ర్పేభ్యో॑ హ॒విర॑స్తు॒ జుష్టం.
ఆ॒శ్రే॒షా యేషా॑మను॒యంతి॒ చేతః॑ .. (3. 1. 1. 5.. TS)
యే అం॒తరి॑క్షం పృథి॒వీం క్షి॒యంతి॑ .
తే నః॑ స॒ర్పాసో॒ హవ॒మాగ॑మిష్ఠాః .
యే రో॑చ॒నే సూర్య॒స్యాపి॑ స॒ర్పాః .
యే దివం॑ దే॒వీమను॑ సం॒చరం॑తి .
యేషా॑మాశ్రే॒షా అ॑ను॒యంతి॒ కామం.
తేభ్యః॑ స॒ర్పేభ్యో॒ మధు॑మజ్జుహోమి . (3. 1. 1. 6..) (TS) 2
ని॒ఘృష్వై॑రస॒మాయు॑తైః . కాలైర్హరిత్వ॑మాప॒న్నైః . ఇంద్రాయా॑హి స॒హస్ర॑యుక్ .
అ॒గ్నిర్వి॒భ్రాష్టి॑వసనః . వా॒యుః శ్వేత॑సికద్రు॒కః . సం॒వ॒థ్స॒రో వి॑షూ॒వర్ణైః
. నిత్యా॒స్తేఽనుచ॑రాస్త॒వ . సుబ్రహ్మణ్యోం సుబ్రహ్మణ్యోం సు॑బ్రహ్మ॒ణ్యోం . (0.1.12. 58)
స్వరరహితం .
నమో అస్తు సర్పేభ్యో యే కే చ పృథివీమను .
యే అంతరిక్షే యే దివి తేభ్యః సర్పేభ్యో నమః ..
యేఽదో రోచనే దివో యే వా సూర్యస్య రశ్మిషు .
యేషామప్సు సదః కృతం తేభ్యః సర్పేభ్యో నమః ..
యా ఇషవో యాతుధానానాం యే వా వనస్పతీరను .
యే వా వటేషు శేరతే తేభ్యః సర్పేభ్యో నమః .. 4. 2. 8.. (TS) 1
ఇద సర్పేభ్యో హవిరస్తు జుష్టం .
ఆశ్రేషా యేషామనుయంతి చేతః .. (3. 1. 1. 5..)
యే అంతరిక్షం పృథివీం క్షియంతి .
తే నః సర్పాసో హవమాగమిష్ఠాః .
యే రోచనే సూర్యస్యాపి సర్పాః .
యే దివం దేవీమను సంచరంతి .
యేషామాశ్రేషా అనుయంతి కామం .
తేభ్యః సర్పేభ్యో మధుమజ్జుహోమి . (3. 1. 1. 6..) (TS) 2
నిఘృష్వైరసమాయుతైః . కాలైర్హరిత్వమాపన్నైః . ఇంద్రాయాహి సహస్రయుక్ .
అగ్నిర్విభ్రాష్టివసనః . వాయుః శ్వేతసికద్రుకః . సంవథ్సరో విషూవర్ణైః
. నిత్యాస్తేఽనుచరాస్తవ . సుబ్రహ్మణ్యోం సుబ్రహ్మణ్యోం సుబ్రహ్మణ్యోం . (0.1.12. 58)
No comments:
Post a Comment