శ్రీఅన్నపూర్ణాస్తోత్రం అపరనామ అన్నపూర్ణాష్టకం

నిత్యానందకరీ వరాభయకరీ సౌందర్యరత్నాకరీ

నిర్ధూతాఖిలఘోరపావనకరీ ప్రత్యక్షమాహేశ్వరీ .  var  ఘోరపాపనికరీ

ప్రాలేయాచలవంశపావనకరీ కాశీపురాధీశ్వరీ

భిక్షాం దేహి కృపావలంబనకరీ మాతాఽన్నపూర్ణేశ్వరీ .. 1..

నానారత్నవిచిత్రభూషణకరీ హేమాంబరాడంబరీ

ముక్తాహారవిలంబమాన విలసత్ వక్షోజకుంభాంతరీ .

కాశ్మీరాగరువాసితా రుచికరీ కాశీపురాధీశ్వరీ

భిక్షాం దేహి కృపావలంబనకరీ మాతాఽన్నపూర్ణేశ్వరీ .. 2..

యోగానందకరీ రిపుక్షయకరీ ధర్మార్థనిష్ఠాకరీ

చంద్రార్కానలభాసమానలహరీ త్రైలోక్యరక్షాకరీ .

సర్వైశ్వర్యసమస్తవాంఛితకరీ కాశీపురాధీశ్వరీ

భిక్షాం దేహి కృపావలంబనకరీ మాతాఽన్నపూర్ణేశ్వరీ .. 3..

కైలాసాచలకందరాలయకరీ గౌరీ ఉమా శంకరీ

కౌమారీ నిగమార్థగోచరకరీ ఓంకారబీజాక్షరీ .

మోక్షద్వారకపాటపాటనకరీ కాశీపురాధీశ్వరీ

భిక్షాం దేహి కృపావలంబనకరీ మాతాఽన్నపూర్ణేశ్వరీ .. 4..

దృశ్యాదృశ్య విభూతివాహనకరీ బ్రహ్మాండభాండోదరీ

లీలానాటకసూత్రభేదనకరీ విజ్ఞానదీపాంకురీ .

శ్రీవిశ్వేశమనః ప్రసాదనకరీ కాశీపురాధీశ్వరీ

భిక్షాం దేహి కృపావలంబనకరీ మాతాఽన్నపూర్ణేశ్వరీ .. 5..

ఉర్వీ సర్వజనేశ్వరీ భగవతీ మాతాఽన్నపూర్ణేశ్వరీ

వేణీనీలసమానకుంతలధరీ నిత్యాన్నదానేశ్వరీ .

సర్వానందకరీ సదాశుభకరీ కాశీపురాధీశ్వరీ

భిక్షాం దేహి కృపావలంబనకరీ మాతాఽన్నపూర్ణేశ్వరీ .. 6..

ఆదిక్షాంతసమస్తవర్ణనకరీ శంభోస్త్రిభావాకరీ

కాశ్మీరా త్రిజలేశ్వరీ త్రిలహరీ నిత్యాంకురా శర్వరీ .

కామాకాంక్షకరీ జనోదయకరీ కాశీపురాధీశ్వరీ

భిక్షాం దేహి కృపావలంబనకరీ మాతాఽన్నపూర్ణేశ్వరీ .. 7..

దేవీ సర్వవిచిత్రరత్నరచితా దాక్షాయణీ సుందరీ

వామే స్వాదుపయోధరా ప్రియకరీ సౌభాగ్య మాహేశ్వరీ .

భక్తాభీష్టకరీ సదాశుభకరీ కాశీపురాధీశ్వరీ

భిక్షాం దేహి కృపావలంబనకరీ మాతాఽన్నపూర్ణేశ్వరీ .. 8..

చంద్రార్కానలకోటికోటిసదృశా చంద్రాంశుబింబాధరీ

చంద్రార్కాగ్నిసమానకుండలధరీ చంద్రార్కవర్ణేశ్వరీ .

మాలాపుస్తకపాశసాంకుశధరీ కాశీపురాధీశ్వరీ

భిక్షాం దేహి కృపావలంబనకరీ మాతాఽన్నపూర్ణేశ్వరీ .. 9..

క్షత్రత్రాణకరీ మహాఽభయకరీ మాతా కృపాసాగరీ

సాక్షాన్మోక్షకరీ సదా శివకరీ విశ్వేశ్వరీ శ్రీధరీ .

దక్షాక్రందకరీ నిరామయకరీ కాశీపురాధీశ్వరీ

భిక్షాం దేహి కృపావలంబనకరీ మాతాఽన్నపూర్ణేశ్వరీ .. 10..

అన్నపూర్ణే సదాపూర్ణే శంకరప్రాణవల్లభే .

జ్ఞానవైరాగ్యసిద్ధ్యర్థం భిక్షాం దేహి చ పార్వతి .. 11..

మాతా మే పార్వతీ దేవీ పితా దేవో మహేశ్వరః .

బాంధవాః శివభక్తాశ్చ స్వదేశో భువనత్రయం .. 12..

ఇతి శ్రీశంకరభగవతః కృతౌ అన్నపూర్ణాస్తోత్రం సంపూర్ణం ..

భగవతి భవరోగాత్పీడితం దుష్కృతోత్వాత్

సుతదుహితృకలత్రోపద్రవేణానుయాతం .

విలసదమృతదృష్ట్యా వీక్ష్య విభ్రాంతచిత్తం

సకలభువనమాతస్త్రాహి మామో నమస్తే .. 11..

మాహేశ్వరీమాశ్రితకల్పవల్లీమహంభవోచ్ఛేదకరీ భవానీం .

క్షుధార్తజాయాతనయాద్యుపేతస్త్వామన్నపూర్ణే శరణం ప్రపద్యే .. 12..

దారిద్ర్యదావానలదహ్యమానం పాహ్యన్నపూర్ణే గిరిరాజకన్యే .

కృపాంబుధౌ మజ్జయ మాం త్వదీయే త్వత్పాదపద్మార్పితచిత్తవృత్తిం .. 13..