శ్రీదత్తాత్రేయ అష్టచక్రబీజస్తోత్రం

శ్రీదత్తషట్చక్రస్తోత్రం అజపాజపస్తోత్రం చ .

శ్రీగణేశాయ నమః . శ్రీ గురవే నమః .

అథ ధ్యానం .

దిగంబరం భస్మసుగంధలేపనం

     చక్రం త్రిశూలం డమరుం గదాం చ .

పద్మాసనస్థం ఋషిదేవవందితం

     దత్తాత్రేయధ్యానమభీష్టసిద్ధిదం ..

ఓం మూలాధారే వారిజపత్రే చతురస్రం (సచతుష్కే)

     వంశంషంసం వర్ణవిశాలం సువిశాలం .

రక్తం వర్ణం శ్రీగణనాథం భగవంతం

     దత్తాత్రేయం శ్రీగురూమూర్తిం ప్రణతోఽస్మి .. 1.. (మూలాధార)

స్వాధిష్ఠానే షట్దలపత్రే తనులింగే

     బాలాంతేతద్వర్ణవిశాలం సువిశాలం . 

(వాదిం లాంతం వర్ణవిశేషం సువిశేషం .)

పీతం వర్ణం వాక్పతిరమణం ద్రుహిణం తం (వాక్పతిరూపం, దుహిలాంతం)

     దత్తాత్రేయం శ్రీగురూమూర్తిం ప్రణతోఽస్మి .. 2.. (స్వాధిష్ఠాన)

నాభౌపద్మం పత్రదశాంకం డఫవర్ణం (నాభౌస్థానే పత్రదశాబ్దే)

     లక్ష్మీకాంతం గరుడారూఢం నరవీరం . (మణిపూరే .)

నీలంవర్ణం నిర్గుణరూపం నిగమాంతం (నిగమాక్షం)

     దత్తాత్రేయం శ్రీగురూమూర్తిం ప్రణతోఽస్మి .. 3.. (మణిపూర)

హృత్పద్మాంతే ద్వాదశపత్రే కః వర్ణే (కంఠవర్ణే)

     శంభోశైవం పూర్ణమయంతం శశివర్ణం . (శంభోశేశం జీవవిశేషం స్మరయంతం .)

(సృష్టిస్థిత్తం కురువంతం శివశక్తిం 

     అనాహతాంతే వృషభారూఢం శివరూపం .)

స్వర్గస్థిత్యం కురువిందూతం శివశక్తిం (కుర్వాణం ధవలాంగం)

     దత్తాత్రేయం శ్రీగురూమూర్తిం ప్రణతోఽస్మి .. 4 .. (అనాహత)

కంఠస్థానే చక్రవిశుద్ధే కమలాంతే

     చంద్రాకారే షోడశపత్రే స్వరవర్ణే .

మాయాధీశం తైజసరూపం భగవంతం (జీవశివం తం నిజమూర్తిం)

     దత్తాత్రేయం శ్రీగురూమూర్తిం ప్రణతోఽస్మి .. 5.. (విశుద్ధ)

ఆజ్ఞాచక్రే భృకుటిస్థానే ద్విదలాంతే (అగ్నిశ్చక్రే)

     హం సం బీజం జ్ఞానసముద్రం గురూమూర్తిః . (హం క్షం, గురూమూర్తిం)

విద్యుత్వర్ణం జ్ఞానమయం తం విరుపాక్షం (నిటిలాక్షం)

     దత్తాత్రేయం శ్రీగురూమూర్తిం ప్రణతోఽస్మి .. 6.. (ఆజ్ఞా)

మూర్ధ్నిస్థానే వారిజపత్రే శశిబీజం

     శుభ్రం వర్ణం పత్రసహస్రం సువిశాలం . (లలనాఖ్యే .)

హం బీజాఖ్యం వర్ణసహస్రం తురియం తం (తుర్యాంతం)

     దత్తాత్రేయం శ్రీగురూమూర్తిం ప్రణతోఽస్మి .. 7.. (సహస్రార)

బ్రహ్మానందం బ్రహ్మముకుందం భగవంతం

     బ్రహ్మజ్ఞానం బ్రహ్మమయం తం స్వయమేవం . (జ్ఞానమయం)

(సత్యం జ్ఞానం సత్యమనంతం భగరూపం .)

బ్రహ్మాత్మానం బ్రహ్మమునీద్రం భసితాభం (పరమాత్మానం బ్రహ్మమునీద్రం భసితాంగం)

     దత్తాత్రేయం శ్రీగురూమూర్తిం ప్రణతోఽస్మి  .. 8.. (పూర్ణబ్రహ్మస్వరూప)

శాంతాకారం శేషశయానం సురవంద్యం

     కాంతానాథం కోమలగాత్రం కమలాక్షం .

చింతారత్నం చిద్ఘనపూర్ణం ద్విజరాజ్యం (ద్విజరాజం)

     దత్తాత్రేయం శ్రీగురూమూర్తిం ప్రణతోఽస్మి  .. 9..

చితఓంకారం ధ్వనినాదే చ స్వచ్ఛందే

     ఆకారాంతేఽక్షరవణీతే గుణరూపే .

వేదాంతార్థం జ్ఞానస్వరూపం నిజబోధం

     దత్తాత్రేయం శ్రీగురూమూర్తిం ప్రణతోఽస్మి  .. 9..

ఇతి శ్రీ అజపాతంత్రే దత్తాత్రేయస్తోత్రం సంపూర్ణం . శుభం భవతు .

(ఇతి శ్రీమద్శంకరాచార్యవిరచితం శ్రీదత్తాత్రేయ అష్టచక్రబీజస్తోత్రం సంపూర్ణం .)

శ్రీదత్తషట్చక్రస్తోత్రం .

అజపాజపస్తోత్రం