అద్వైతాష్టకం

హుహుంకారగర్జనాది అహోరాత్రసద్గుణం

     హా కృష్ణ రాధికానాథ ప్రార్థనాదిభావనం .

ధూపదీపకస్తురీ చ చంద్రనాదిలేపనం

     సీతానాథాద్వైతచరణారవిందభావనం .. 1..

గంగావారి మనోహారి తులస్యాది మంజరీ

     కృష్ణజ్ఞానసదాధ్యాన ప్రేమవారిఝర్ఝరీ .

కృపాబ్ధిః కరుణానాథ భవిష్యతి ప్రార్థనం

     సీతానాథాద్వైతచరణారవిందభావనం .. 2..

ముహుర్ముహుః కృష్ణ కృష్ణ ఉచ్చైః స్వరే గాయతం

     అహే నాథ జగత్త్రాతః మమ దృష్టిగోచరం .

ద్విభుజ కరుణానాథ దీయతాం సుదర్శనం

     సీతానాథాద్వైతచరణారవిందభావనం .. 3..

శ్రీ అద్వైతప్రార్థనార్థ జగన్నాథాలయం

     శచీమాతుర్గర్భజాత చైతన్యకరుణామయం .

శ్రీ అద్వైతసంగరంగకీర్తనవిలాసనం

     సీతానాథాద్వైతచరణారవిందభావనం .. 4..

అద్వైతచరణారవిందజ్ఞానధ్యానభావనం

     సదాద్వైతపాదపద్మరేణురాశిధారణం .

దేహి భక్తిం జగన్నాథ రక్ష మామభజనం

     సీతానాథాద్వైతచరణారవిందభావనం .. 5..

సర్వదాతః సీతానాథ ప్రాణేశ్వర సద్గుణం

     యే జపంతి సీతానాథపాదపద్మకేవలం .

దీయతాం కరుణానాథ భక్తియోగః తత్క్షణం

     సీతానాథాద్వైతచరణారవిందభావనం .. 6..

శ్రీ చైతన్య జయాద్వైత నిత్యానంద కరుణామయం

     ఏక అంగ త్రిధామూర్తి కైశోరాది సదా వరం .

జీవత్రాణ భక్తిజ్ఞాన హుంకారాది గర్జనం

     సీతానాథాద్వైతచరణారవిందభావనం .. 7..

దీనహీననిందకాది ప్రేమభక్తిదాయకం

     సర్వదాతః సీతానాథ శాంతిపురనాయకం .

రాగరంగసంగదోషకర్మయోగమోక్షణం

     సీతానాథాద్వైతచరణారవిందభావనం .. 8..

ఇతి సార్వభౌమ భట్టాచార్యవిరచితం అద్వైతాష్టకం సంపూర్ణం .