అద్వైతాష్టకం 2

గంగాతీరే తత్పయోభిస్తులస్యః

     పత్రైః పుష్పైః ప్రేమహుంకారఘోషైః .

ప్రాకట్యార్థం గౌరమారాధయద్యః

     శ్రీలాద్వైతాచార్యమేతం ప్రపద్యే .. 1..

యద్ధుంకరైః ప్రేమసింధోర్వికారై-

     రాకృష్టః సన్ గౌరగోలోకనాథః .

ఆవిర్భుతః శ్రీనవద్వీపమధ్యే

     శ్రీలాద్వైతాచార్యమేతం ప్రపద్యే .. 2..

బ్రహ్మాదీమాం దుర్లభప్రేమపూరై-

     రాదినాం యః ప్లావయామాస లోకం .

ఆవిర్భావ్య శ్రీలచైతన్యచంద్రం

     శ్రీలాద్వైతాచార్యమేతం ప్రపద్యే .. 3..

శ్రీచైతన్యః సర్వశక్తిప్రపూర్ణో

     యస్యైవాజమాత్రతోఽన్తర్దదేఽపి .

దుర్విజేయం యస్య కారుణ్యకృత్యం

     శ్రీలాద్వైతాచార్యమేతం ప్రపద్యే .. 4..

సృష్టిస్థిత్యంతం విధాతుం ప్రవృత్త

     యస్యంసంసః బ్రహ్మవిష్ణ్విశ్వరాఖ్యాః .

యేనాభిన్నం తం మహావిష్ణురూపం

     శ్రీలాద్వైతాచార్యమేతం ప్రపద్యే .. 5..

కస్మింశ్చిద్యః శ్రూయతే చాశ్రయత్వాత్

     శంభోరిత్థం సంభవన్నామ ధామ .

సర్వారాధ్యం భక్తిమాత్రైకసాధ్యం

     శ్రీలాద్వైతాచార్యమేతం ప్రపద్యే .. 6..

సీతానామ్ని ప్రేయసీ ప్రేమపూర్ణ

     పుత్రో యస్యఽప్యచ్యుతానందనామ .

శ్రీచైతన్యప్రేమపూరప్రపూర్ణః

     శ్రీలాద్వైతాచార్యమేతం ప్రపద్యే .. 7..

నిత్యానందద్వైతతోఽద్వైతనామ

     భక్త్యాఖ్యానద్యః సదాచర్యనామ .

శశ్వచ్చేతసాచరద్గౌరధామ

     శ్రీలాద్వైతాచార్యమేతం ప్రపద్యే .. 8..

ప్రాతః ప్రీతః ప్రత్యహం సంపఠేద్యః

     సీతానాథస్యష్టకం శుద్ధబుద్ధిః .

సోఽయం సామ్యం తస్య పాదారవిందే

     విందన్భక్తిం తత్ప్రియాత్వం ప్రయాతి .. 9..

ఇతి సార్వభౌమ భట్టాచార్యవిరచితం అద్వైతాష్టకం సంపూర్ణం .