అట్టాలసుందరాష్టకం

విక్రమపాండ్య ఉవాచ-

కల్యాణాచలకోదండకాంతదోర్దండమండితం .

కబలీకృతసంసారం కలయేఽట్టాలసుందరం .. 1..

కాలకూటప్రభాజాలకళంకీకృతకంధరం .

కలాధరం కలామౌళిం కలయేఽట్టాలసుందరం .. 2..

కాలకాలం కలాతీతం కలావంతం చ నిష్కళం .

కమలాపతిసంస్తుత్యం కలయేఽట్టాలసుందరం .. 3..

కాంతార్ధం కమనీయాంగం కరుణామృతసాగరం .

కలికల్మషదోషఘ్నం కలయేఽట్టాలసుందరం .. 4..

కదంబకాననాధీశం కాంక్షితార్థసురద్రుమం .

కామశాసనమీశానం కలయేఽట్టాలసుందరం .. 5..

సృష్టాని మాయయా యేన బ్రహ్మాండాని బహూని చ .

రక్షితాని హతాన్యంతే కలయేఽట్టాలసుందరం .. 6..

స్వభక్తజనసంతాప పాపాపద్మంగతత్పరం .

కారణం సర్వజగతాం కలయేఽట్టాలసుందరం .. 7..

కులశేఖరవంశోత్థభూపానాం కులదైవతం .

పరిపూర్ణం చిదానందం కలయేఽట్టాలసుందరం .. 8..

అట్టాలవీరశ్రీశంభోరష్టకం వరమిష్టదం .

పఠతాం శృణ్వతాం సద్యస్తనోతు పరమాం శ్రియం .. 9..

.. ఇతి శ్రీహాలాస్యమాహాత్మ్యే విక్రమపాండ్యకృతం అట్టాలసుందరాష్టకం ..