అచ్యుతాష్టకం 3

అచ్యుతాచ్యుత హరే పరమాత్మన్ రామ కృష్ణ పురుషోత్తమ విష్ణో .

వాసుదేవ భగవన్ననిరుద్ధ శ్రీపతే శమయ దుఃఖమశేషం .. 1..

విశ్వమంగల విభో జగదీశ నందనందన నృసింహ నరేంద్ర .

ముక్తిదాయక ముకుంద మురారే శ్రీపతే శమయ దుఃఖమశేషం .. 2..

రామచంద్ర రఘునాయక దేవ దీననాథ దురితక్షయకారిన్ .

యాదవేద్ర యదుభూషణ యజ్ఞ శ్రీపతే శమయ దుఃఖమశేషం .. 3..

దేవకీతనయ దుఃఖదవాగ్నే రాధికారమణ రమ్యసుమూర్తే .

దుఃఖమోచన దయార్ణవనాథ శ్రీపతే శమయ దుఃఖమశేషం .. 4..

గోపికావదనచంద్రచకోర నిత్య నిర్గుణ నిరంజన జిష్ణో .

పూర్ణరూప జయ శంకర సర్వ శ్రీపతే శమయ దుఃఖమశేషం .. 5..

గోకులేశ గిరిధారణ ధీర యామునాచ్ఛతటఖేలనవీర .

నారదాదిమునివందితపాద శ్రీపతే శమయ దుఃఖమశేషం .. 6..

ద్వారకాధిప దురంతగుణాబ్ధే ప్రాణనాథ పరిపూర్ణ భవారే .

జ్ఞానగమ్య గుణసాగర బ్రహ్మన్ శ్రీపతే శమయ దుఃఖమశేషం .. 7..

దుష్టనిర్దలన దేవ దయాలో పద్మనాభ ధరణీధరధారిన్ .

రావణాంతక రమేశ మురారే శ్రీపతే శమయ దుఃఖమశేషం .. 8..

అచ్యుతాష్టకమిదం రమణీయం నిర్మితం భవభయం వినిహంతుం .

యః పఠేద్విషయవృత్తినివృత్తిర్జన్మదుఃఖమఖిలం స జహాతి .. 9..

ఇతి శ్రీశంకరభగవత్పాదకృతం అచ్యుతాష్టకం 3 సంపూర్ణం .