శ్రీమదనాదిసిద్ధలింగస్తవనం

(ఉభయకవితావిశారద షడక్షరదేవవిరచితం)

జగజ్జాలపాలం జనస్తుత్యశీలం

      భవారణ్యదావం భృత స్వానుభావం .

శివానందకోశం దినేశప్రకాశం

      మహాలింగసంగం భజే సిద్ధలింగం .. 1..

స్వతంత్ర స్వలీలం గణేంద్రానుకూలం

      మిలన్మూలమంత్రం ప్రణీతేశ తంత్రం .

శివధ్యానసక్తం పరానాదిముక్తం

      మహాలింగసంగం భజే సిద్ధలింగం .. 2..

పరివ్రాడ్వరేణ్యం గణేశాగ్రగణ్యం

      సదాసత్యభాషం శివజ్ఞానభూషం .

సరుద్రాక్షమాలం లసద్భస్మఫాలం

      మహాలింగసంగం భజే సిద్ధలింగం .. 3..

శివాచారపక్షం కృపాభృత్కటాక్షం

      షడధ్వాదిబీజం నతామర్త్యభూజం .

పరిత్యక్తరాగం పరబ్రహ్మయోగం

      మహాలింగసంగం భజే సిద్ధలింగం .. 4..

కలాసత్కలాపం కపర్దిస్వరూపం

      మనోవృత్తిశూన్యం మునివ్రాతమాన్యం .

సమంచద్గుణాంకం సదా నిష్కలంకం

      మహాలింగసంగం భజే సిద్ధలింగం .. 5..

పవిత్రాభిధేయం పరామ్నాయగేయం

      నిరస్తాంగజాతం సుధాస్ఫీతగీతం .

పరిచ్ఛిన్నపాశం సమస్తామరేశం

      మహాలింగసంగం భజే సిద్ధలింగం .. 6..

పవిత్రస్వగాత్రం బుధస్తోత్ర పాత్రం

      నికృత్తావరోధం నిసర్గావబోధం .

చిదామోదభాజం చరాచార్యరాజం

      మహాలింగసంగం భజే సిద్ధలింగం .. 7..

జితారాతివర్గం గృహీతాద్యమార్గం

      తతామ్నాయసారం తమస్తోమదూరం .

పరాషట్స్థాలాంకం నిరాతంకశంకం

      మహాలింగసంగం భజే సిద్ధలింగం .. 8..

భుజంగప్రయాతం స్తవం సిద్ధలింగ

      ప్రభోర్మూలమంత్రాభిధానేన క్లుప్తం .

భుజంగాశ్రమస్థస్య యోవా పఠే-

      త్సోఽప్యవాప్నోత్యభీష్టం చ భోగం చ మోక్షం ..

ఇతి ఉభయకవితావిశారద షడక్షరదేవవిరచితం శ్రీమదనాది సిద్ధలింగస్తవనం .